Ȓexḏayem 24:14 - Ṯarifiṯ 2020

¹⁴ Walakin qqareɣ-ac nec taƹtarafeɣ zzaṯec ƹebbḏeɣ Arebbi n ȓejḏuḏ nneɣ ƹlaḥsab abriḏ-a iy ḥessben niṯni zaƹma ḏ lbidƹa. Tamneɣ s marra min itafaqen ak ccariƹa ḏ min d yurin ḏi Lkutub n lʼanbiya.

Ȓexḏayem 24:14 ပူးပေါင်းရင်းမြစ်များ

Matta 10:32

Wenni zzayi ɣa icehḏen nec zzaṯ i yiwḏan, ataf azzayes cehḏeɣ nec zzaṯ i Baba iǧan ḏeg ujenna.

Matta 22:40

Ṯnayen-a n ȓuṣiyaṯ iy xef ṯebna Ccariƹa n Musa amen-ṯekmaȓ ḏ ttaƹalim n lʼanbiya."

Matta 7:12

Ggeṯ i yiwḏan min ṯexsem aḏawem ggen. Manaya ḏ ȓmaƹna n Ccariƹa n Musa ḏ ttaƹalim n lʼanbiya.

Luqa 1:70

Manaya issiweȓ s yiȓesawen n lʼanbiya ṣṣaliḥin aṭṭas zeg wami,

Luqa 16:16

Ccariƹa n Musa ḏ useȓmeḏ n lʼanbiya tuɣa ǧan aȓ wami d yusa Yaḥya. Zi ȓweqṯ n Yaḥya ssenni aȓ ṯsawent ibḏa itwabeccar ȓmulk n Arebbi, kuȓ ijjen itemḏeḥḥas ḥima aḏayes yaḏef.

Luqa 16:29

Inna-as Brahim: Lla, ayṯmac ɣarsen Musa ḏ lʼanbiya nneɣni, itxeṣṣa aḏasen ṣennṭen.

Luqa 24:27

Ḏinni ibḏa-yasen Ƹisa zi Ccariƹa n Musa ḏ Lkutub n marra lʼanbiya isefhem-iṯen min xas yurin ḏi marra Lkutub nni.

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Yuḥanna 1:45

Filippas yufa ijjen qqaren-as Naṯnahil inna-as: "Nufa wenni iy xef yura Musa ḏi ccariƹa, mixef urin Lkutub n Lʼanbiya. Netta ḏ Ƹisa zeg ubilaj n Naṣira ḏ mmis n Yusef."

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 13:15

Menbaƹd i ṯɣuri zi Lkutub n Ccariƹa n Musa ḏ lʼanbiya, ssekken arruyas n ṯemziḏa awaȓ nsen i Barnaba ḏ Cawul nnan-asen: "Ay ayṯma, meȓa ɣarwem can wawaȓ iy zi ɣa ṯcejjƹem ccaƹb-a, inim-asen-ṯ."

Ȓexḏayem 15:5

Walakin kkaren can n ȓmuminin ȓḥizeb nsen zeg ifarrisiyen nnan: Itxeṣṣa wa labud aḏ ṭehharen yinni war iǧin ca zi Ayṯ-Israʼil, aṯen ṯweṣṣam aḏ ṭaƹen i Ccariƹa n Musa.

Ȓexḏayem 19:23

Ḏi ȓweqṯ nni ṯewqeƹ ijjen n ȓfawḍa ṯemɣar x ssabab n ubriḏ n Siḏiṯneɣ.

Ȓexḏayem 19:9

Ȓebƹaḍ zzaysen ṭṭfen akiḏes ṯaɣennant ugin aḏ amnen, tukkaren ḏi ttaƹlim n Siḏiṯneɣ zzaṯ i yiwḏan. Ssenni iffeɣ-d Bulus zi ṯemziḏa nni yuwi akiḏes imeḥḍaren nnes, kuȓ nhar iseȓmaḏ-iṯen ḏi lmarkez n Tirannus.

Ȓexḏayem 22:14

Inna-ayi: Arebbi n ȓejḏuḏ nneɣ ixḍar-icek netta bac aḏ tessneḏ min ixes, aḏ twaȓiḏ s ṯiṭṭawin nnec axeddam nnes ṣṣaliḥ aḏ tṣennṭeḏ i yijjen n wawaȓ zeg uqemmum nnes.

Ȓexḏayem 24:22

Filikes netta issen mliḥ x ubriḏ-a n Ƹisa, walakin iʼejjel lḥukem nnes inna-asen: "Ḥetta aḏ d yas arrayes n ȓƹaskar Lisyas ƹaḏ iy ɣa ḥekmeɣ x manaya."

Ȓexḏayem 24:5

Aryaz-a wanita nufi-ṯ itxarwaḍ waha itegg lfitna jar marra israʼiliyen iy ǧan ḏi marra ddunect. Netta ḏ ijjen n arrayes n lbidƹa n nnaṣara.

Ȓexḏayem 25:8

Ibḏa Bulus itḏafaƹ x yixef nnes inna: "Nec war xḍiɣ ca ḏi manayenni, niɣ ḏi Ccariƹa n Ayṯ-Israʼil niɣ ḏi ṯemziḏa ṯameqqrant niɣ ḏi Lmalik Qayṣar."

Ȓexḏayem 26:22

Walakin Arebbi iƹawen-ayi-d zi qbeȓ ḥetta nhara. Ammu aqayi nec ḏanita beddeɣ, tbeccareɣ s umezyan ḏ umeqqran. Qqareɣ ɣir ṯimesȓayin nni iy nnan lʼanbiya ḏ Musa labud aḏ weqƹent.

Ȓexḏayem 26:27

A si azeǧiḏ Aɣribas, cek ma tamneḏ s lʼanbiya? Nec ssneɣ illa cek tamneḏ."

Ȓexḏayem 26:4

Qa marra Ayṯ-Israʼil ssnen mammec tuɣa ṯeǧa ṯuḏarṯ inu zi ṯemẓi inu iy ƹiceɣ ḏi ṯmurṯ inu, ƹaweḏ uȓa ḏi ṯendint n Lquds.

Ȓexḏayem 26:6

Cuf, mayemmi iy ǧiɣ nec nhara ḏi lmaḥkama-ya? Liʼanna ɣari lʼamal zi ȓƹaheḏ nni iy ḏaneɣ yuca Arebbi zi ȓejḏuḏ nneɣ.

Ȓexḏayem 28:22

Walakin nexs aḏac nṣennet lʼafkar nnec minzi nessen aṭṭas n yiwḏan ḏi mkuȓ amcan tƹarraḍen i ȓḥizeb-a wanita."

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ȓexḏayem 3:13

Lla, ḏ Arebbi n ȓejḏuḏ nneɣ iƹni Arebbi n Brahim ḏ Arebbi n Isḥaq ḏ Arebbi n Yaƹqub. Liʼanna ḏ netta iy d isbeyynen lƹaḍama nnes ḏeg uxeddam nnes Ƹisa. Walakin ḏ kenniw iy ṯ isellmen i lḥukkam ṯenkarem-ṯ zzaṯ i Bilaṭus wami tuɣa irezzu aḏas iḍȓeq.

Ȓexḏayem 5:30

Arebbi n ȓejḏuḏ nneɣ isekkar-d Ƹisa wenni iy ṯenɣim kenniw ṯrefƹem-ṯ x ṯeḥnact.

Ȓexḏayem 7:32

Nec ḏ Arebbi n ȓejḏuḏ nnec, ḏ Arebbi n Brahim ḏ Isḥaq ḏ Yaƹqub. Ibḏa Musa iterjiji s ṯiggwḏi war izƹim ca aḏ ixzar.

Ȓexḏayem 9:2

ittar zzayes arruxṣaṯ aṯent iysi ɣar ṯemziḏawin n Ayṯ-Israʼil ḏi Dimaceq bac yinni ɣa yaf ḏeffaren abriḏ n Ƹisa s ṯemɣarin ḏ iryazen aṯen yawi ḏ imeḥbas ɣar Lquds.

Ayṯ-Ruma 1:9

Liʼanna Arebbi iy ƹebbḏeɣ s marra uȓ inu tbeccareɣ s Lʼinjil n Mmis, netta qa issen tfekkareɣ ḏaywem ȓebda ḏi ṯẓaǧiṯ inu. Tettareɣ meȓa ixes Arebbi aȓ uneggaru aḏ afeɣ abriḏ aɣarwem d aseɣ.

Ayṯ-Ruma 3:21

Fa ȓexxu Arebbi ismeḍhar-aneɣ-d mammec ɣa negg a nmeṣȓaḥ akiḏes bȓa ccariƹa. Manaya ṣaḥḥen-ṯ Lkutub n lʼanbiya ḏ ccariƹa n Musa niṯni s yixef nsen.

1 Ayṯ-Kurinṯ 11:19

Ȓaḥeqqac wa labud aḏ iȓin lxilafaṯ jarawem bac aḏ d banen yinni iǧan nican jarawem.

Ayṯ-Galaṭya 5:20

ḏ lƹibada n lʼaṣnam ḏ ssḥur ḏ lƹadawa ḏ umenɣi ḏ lɣira ḏ uɣḍab ḏ lʼananiya ḏ lxilafaṯ ḏ lʼaḥzab,

2 Timutawus 1:3

Tcekkareɣ Arebbi wenni ƹebbḏeɣ zi ȓejḏuḏ inu s yijjen n ḍḍamir iṣfan. Tettareɣ-as i Arebbi xac ǧiȓeṯ ḏ nhar bȓa ma aḏ beddeɣ.

Titus 3:10

Wenni ismenɣan iwḏan ag wayawya cek ƹȓem-as ṯwaȓa ṯamezwarut ḏ wis ṯnayen ȓexddenni awggwej zzayes qaƹ.

1 Buṭrus 1:11

Tuɣa rezzun xas bac aḏ ssnen meȓmi d ɣa imeḍhar usenjem-a ḏ ḍḍuruf nnes. Rezzun aḏ ssnen minxef issawaȓ Arruḥ n Lmasiḥ iy iǧan ḏaysen wami Arruḥ-a iƹȓem-asen zi qbeȓ mecḥaȓ iy ɣa itwaƹeddeb Lmasiḥ, ssenni mecḥaȓ iy ɣa itwasemɣar menbaƹd.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."