Ȓexḏayem 23:6 - Ṯarifiṯ 2020

⁶ Wami issen Bulus qa ca zzaysen zi ȓḥizeb n iṣadduqiyen ca nneɣni zi ȓḥizeb n ifarrisiyen, ikkar iȓaɣa-d s jjheḏ ḏi Jmaƹeṯ nni n lḥukkam jarasen inna-asen: "Ay ayṯma, qa nec ḏ afarrisi mmis n ifarrisiyen! Aqa tḥakamem xafi wami nec ɣari lʼamal aḏ d kkaren yiwḏan zi ȓmewṯ ḏi Lqiyama."

Ȓexḏayem 23:6 ပူးပေါင်းရင်းမြစ်များ

Matta 10:16

Nec aqa ssekkiɣ-kenniw amecnaw iḥuȓiyen jar wuccanen. Iȓim ṯfaqem amecnaw ifiɣeran, iȓim ḏ nniyyeṯ amecnaw iḏbiren.

Matta 22:23

Ḏi nhar nni, qarrben-d ɣar Ƹisa can yiwḏan zi ȓḥizeb n iṣadduqiyen (niṯni qqaren belli iwḏan war d tekkaren ca zi ȓmewṯ).

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Ȓexḏayem 22:3

"Nec ḏ aʼisraʼili xeȓqeɣ ḏi ṯendint n Ṭarsus ḏi lʼiqlim n Kilikya, walakin nec ymiɣ ḏi ṯendint-a ḏanita. Ɣriɣ ɣar iḍaren n lʼustad Gamlil twarebbiɣ s ccariƹa n ȓejḏuḏ nneɣ mammec ḏaneɣ ṯweṣṣa ṯa s ṯa kuȓci. Rezzuɣ aḏ ggeɣ lwajib ak Arebbi s wuȓ inu mamc ṯrezzum aḏ teggem kenniw marra nhara.

Ȓexḏayem 22:30

Ṯiwecca nnes, irezzu arrayes nni n ȓƹaskar aḏ issen mayemmi Ayṯ-Israʼil tahamen Bulus, iruḥ yumar arruyas n ȓfuqaha ḏ marra Jmaƹeṯ n lḥukkam n Ayṯ-Israʼil aḏ munen. Ȓexddenni isufeɣ-d Bulus yuwi-ṯ-iḏ ɣarsen isbedd-iṯ zzaṯsen.

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 23:1

Ixzar mliḥ Bulus ɣar Jmaƹeṯ n lḥukkam n Ayṯ-Israʼil inna-asen: "Ay ayṯma, qa nec ggiɣ lwajib nican ak Arebbi, zi qbeȓ ḥetta nhara nec ḍḍamir inu mertaḥ."

Ȓexḏayem 23:15

Ȓexxu Jmaƹeṯ n lḥukkam ḏ kenniw ttarem zi arrayes n ȓƹaskar n arrumanus bac aɣarwem d issekk Bulus. Ggeṯ ixef nwem ṯexsem akiḏes ṯeggem lʼistijwab mliḥ. Neccin aqaneɣ mujud bac aṯ nneɣ qbeȓ iy d ɣa yaweḍ."

Ȓexḏayem 23:20

Inna-as uḥenjir nni: "Israʼiliyen ttafaqen jarasen bac azzayek ttaren aḏ d tessekkeḏ ṯiwecca Bulus ɣar Jmaƹeṯ n lḥukkam nsen. Ggin ixef nsen axmi xsen aḏas ggen lʼistijwab mliḥ.

Ȓexḏayem 23:7

Wami inna manaya iwqeƹ ijjen n lxilaf jar ifarrisiyen ḏ iṣadduqiyen, Jmaƹeṯ nni n lḥukkam mesfraqen jarasen.

Ȓexḏayem 24:15

Ɣari lʼamal zi Arebbi mamc ɣarsen iǧa ɣar iryazen-a, iƹni aḏ d kkaren zi ȓmewṯ ṣṣaliḥin ḏ ḍḍalimin.

Ȓexḏayem 24:21

Wac imken x wawaȓ nni iy nniɣ s uȓaɣi jarasen wami beddeɣ ḏinni? Nniɣ-asen aqa kenniw ṯḥakamem xafi nhara minzi tamneɣ belli iwḏan aḏ d kkaren zi ȓmewṯ ḏi Lqiyama."

Ȓexḏayem 28:20

Iḏen x manaya ttareɣ-kenniw akenniw ẓreɣ akiḏwem ssiwȓeɣ. Aqa ƹlaḥsab lʼamal n Ayṯ-Israʼil iy twaceddeɣ s ssensȓeṯ-a."

Ayṯ-Filippas 3:5

Mayemmi? Nec ṭehhareɣ nhar wis ṯmeniyyam. Lʼaṣel inu zi Ayṯ-Israʼil zi Ayṯ-Benyamin. Nec ḏ aƹibrani mmis n iƹibraniyen. Ƹlaḥsab ccariƹa, nec zi ȓḥizeb nni n ifarrisiyen.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.

Iƹibraniyen 6:19

Lʼamal-a itiȓi ɣarneɣ am yijjen n uȓiyzim n uɣarrabu n ȓaƹmar nneɣ, irseq s jjheḏ war iḍeǧeq. Yuḏef lʼamal-a iƹḏu ɣar ḏeffar n arrwaq n Uxxam Amqeddes Aṭṭas.