Ȓexḏayem 22:1 - Ṯarifiṯ 2020

¹ "Ay ayṯma ay imɣaren, ṣennṭeṯ-ayi mliḥ ȓexxu bac aḏ ḏafƹeɣ x yixef inu!"

Ȓexḏayem 22:1 ပူးပေါင်းရင်းမြစ်များ

Luqa 12:11

Axmi kenniw ɣa awin ɣar ṯemziḏawin n Ayṯ-Israʼil niɣ ḏ ȓḥukkam ḏ imxazniyen, bȓa ma aḏ teysim amnus ḏi ȓaƹquȓaṯ nwem minzi ɣa ṯdafƹem x yixef nwem niɣ ḏ min ɣa ṯinim.

Luqa 21:14

Bȓa ma aḏ teysim amnus ḏ amezwaru ḏi ȓaƹquȓaṯ nwem minzi ɣa ṯdafƹem x yixef nwem.

Ȓexḏayem 13:26

Inna-asen Bulus: "Ay ayṯma, a ṯarwa n Brahim, ay yinni iteggwḏen Arebbi! Qa ḏ neccin umi d issekk Arebbi awaȓ-a iy zi ɣa nenjem.

Ȓexḏayem 19:33

Ḏinni jar ȓɣaci nni ijjen n bnaḏem qqaren-as Iskander. Ƹanen-ṯ israʼiliyen ɣar zzaṯ, ȓaɣan-as-d ȓebƹaḍ zzaysen ḥima aḏ issiweȓ. Itceyyar-asen i ȓɣaci nni s ifassen irezzu aṯen isbedd bac aḏ iḏafeƹ s yijjen n wawaȓ.

Ȓexḏayem 23:1

Ixzar mliḥ Bulus ɣar Jmaƹeṯ n lḥukkam n Ayṯ-Israʼil inna-asen: "Ay ayṯma, qa nec ggiɣ lwajib nican ak Arebbi, zi qbeȓ ḥetta nhara nec ḍḍamir inu mertaḥ."

Ȓexḏayem 23:6

Wami issen Bulus qa ca zzaysen zi ȓḥizeb n iṣadduqiyen ca nneɣni zi ȓḥizeb n ifarrisiyen, ikkar iȓaɣa-d s jjheḏ ḏi Jmaƹeṯ nni n lḥukkam jarasen inna-asen: "Ay ayṯma, qa nec ḏ afarrisi mmis n ifarrisiyen! Aqa tḥakamem xafi wami nec ɣari lʼamal aḏ d kkaren yiwḏan zi ȓmewṯ ḏi Lqiyama."

Ȓexḏayem 24:10

Iceyyar-as Lwali i Bulus bac aḏ issiweȓ. Indeq-d Bulus inna-as: "Nec ssneɣ mecḥaȓ zeg wami cek ṯḥekkmeḏ x ṯmurṯ-a. X manaya farrḥeɣ bac aḏ ḏafƹeɣ x yixef inu.

Ȓexḏayem 25:16

Nniɣ-asen: Ƹlaḥsab lƹada n arrumanus war tsellimen ḥadd ḥetta aḏ imqabaȓ ak yinni iy xas iggin ttuhma, aɣares ṯiȓi lfurṣa aḏ iḏafeƹ x yixef nnes.

Ȓexḏayem 25:8

Ibḏa Bulus itḏafaƹ x yixef nnes inna: "Nec war xḍiɣ ca ḏi manayenni, niɣ ḏi Ccariƹa n Ayṯ-Israʼil niɣ ḏi ṯemziḏa ṯameqqrant niɣ ḏi Lmalik Qayṣar."

Ȓexḏayem 26:24

Bulus netta aqaṯ ƹaḏ issawaȓ itḏafaƹ x yixef nnes, ikkar lwali Fastus inna-as s jjheḏ: "A Bulus, cek ma ṯeflippaḏ? Ṯɣuri nnec ṯemɣar qa ṯesbuheȓi-yic!"

Ȓexḏayem 28:17

Ṯeƹḏu ṯeȓtiyyam, iȓaɣa-d Bulus x imeqqranen n Ayṯ-Israʼil. Wami d munen inna-asen: "Ay ayṯma, nec war ggiɣ walu ḍed i ccaƹb nneɣ niɣ ḍed i lƹadaṯ n ȓejḏuḏ nneɣ. Waxxa amenni ṭṭfen-ayi ḏi Lquds sellmen-ayi i ifassen n arrumanus.

Ȓexḏayem 7:2

Inna-asen Stifan: "Ay ayṯma! A yinni imɣaren! Ṣennṭeṯ ɣari. Wami tuɣa iǧa jeddiṯneɣ Brahim ḏi ṯmurṯ nni n Misubuṭamya qbeȓ ma aḏ izḏeɣ ḏi ṯendint n Ḥaran, imeḍhar-as-d Arebbi Lƹaḍim

Ayṯ-Ruma 2:15

Yina seḍharen-d belli min yurin ḏi ccariƹa aqaṯ ɣarsen yura ḏeg wuȓawen nsen. Ȓaƹquȓaṯ nsen iy zi ṣaḥḥen manaya, ḍḍamir nsen iƹeǧem-asen xmi teggen min iǧan ḏ aṣebḥan niɣ ḏ min iǧan war iḥȓin.

1 Ayṯ-Kurinṯ 9:3

Ḏ wa ḏ ddifaƹ inu ɣar yinni ḏayi iteggen lʼistijwab.

2 Ayṯ-Kurinṯ 12:19

Mecḥaȓ zeg wami ṯnewwam zaƹma ndafeƹ x yixef nneɣ zzaṯwem waha? Lla ay imƹizzen inu, nessawaȓ marra manaya ḏi Lmasiḥ zzaṯ i Arebbi bac akenniw nsejheḏ.

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

Ayṯ-Filippas 1:17

Yinni nneɣni lla, tbeccaren s Lmasiḥ s lʼananiya maci s wuȓ nsen iṣfa, rezzun aḏayi ggen lmacakil wami ǧiɣ ḏi ȓeḥbes.

Ayṯ-Filippas 1:7

Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

2 Timutawus 4:16

Wami ḏafƹeɣ x yixef inu ṯwaȓa ṯamezwarut ḏi lmaḥkama marra semḥen ḏayi uȓa ḏ ijjen ma ibedd akiḏi. War xasen t itḥisib ca Siḏi Arebbi.

1 Buṭrus 3:15

Lla, semɣareṯ Lmasiḥ ḏeg wuȓawen nwem arrem-ṯ ḏ Siḏiṯwem. Iȓiṯ ȓebda ṯwejḏem bac aḏ tdafƹem x yixef nwem aḏ tjawbem wenni irezzun x ssabab n lʼamal iy ḏaywem. Walakin jawbem-ṯ s yijjen n ttawaḍuƹ ḏ lʼiḥtiram