Ȓexḏayem 21:29 - Ṯarifiṯ 2020

²⁹ Nnan manayenni minzi tuɣa ẓrin akiḏes ḏi ṯendint ijjen n bnaḏem qqaren-as Trifumu zi Ayṯ-Ufasus, itɣiȓ-asen Bulus isiḏef-iṯ ɣar ṯemziḏa ṯameqqrant.

Ȓexḏayem 21:29 ပူးပေါင်းရင်းမြစ်များ

Ȓexḏayem 18:19

Uwḍen ɣar ṯendint n Ufasus, ijja Bulus ḏinni Priskila ḏ Wakilas, ssenni yuḏef ɣar ṯemziḏa bac aḏ imnaqac ak israʼiliyen.

Ȓexḏayem 18:21

Wami xasen imsafaḍ inna-asen qa meȓa ixes Arebbi, ƹaḏ aḏ d ƹeqbeɣ. Ssenni inya ḏeg uɣarrabu iffeɣ zi ṯendint nni n Ufasus.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren

Ȓexḏayem 20:4

Isafer akiḏes Supatrus mmis n Piru zi ṯendint n Birya, ḏ Aristarxus ḏ Sakundus niṯni zi ṯendint n Salunik, ḏ Ɣayus zi ṯendint n Dirba, ḏ Timutawus ḏ Tuciq ḏ Trifumu niṯni zi lʼiqlim n Asya.

2 Timutawus 4:20

Iqqim Arisṭus ḏi ṯendint n Kurinṯ, Trifumu jjiɣ-ṯ nec ḏi ṯendint n Militus ihȓec.