Ȓexḏayem 21:22 - Ṯarifiṯ 2020

²² Bȓa ccekk aḏ sȓen qa cek illa ṯusiḏ-d. Iwa, mammec ɣa negg?

Ȓexḏayem 21:22 ပူးပေါင်းရင်းမြစ်များ

Ȓexḏayem 15:12

Marra jmaƹeṯ nni ḏinni iy qqimen war nnin walu, tesȓan i Barnaba ḏ Bulus ssawaȓen x lmuƹjizaṯ ḏ lburhanaṯ igga Arebbi x ufus nsen jar yinni war iǧin ca zi Ayṯ-Israʼil.

Ȓexḏayem 15:22

X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 19:32

Mxarwaḍen marra iwḏan iy ḏinni imunen, snekkaren ṯɣuyyeṯ kuȓ ijjen min iqqar. Azyen ameqqran war issin mixef ḏin munen.

Ȓexḏayem 21:21

Itwanna-yasen zaƹma cek ṯseȓmaḏeḏ marra israʼiliyen iy zeddɣen ḏi lxarij aḏ semḥen ḏi Musa, ṯeqqareḏ-asen war ṭehhareṯ ca i ṯarwa nwem, war ḏeffareṯ ca lƹadaṯ nneɣ.

Ȓexḏayem 21:23

Iḏen, min ḏac ɣa nini egg-iṯ. Cuf, ɣarneɣ arbeƹa n iryazen ggin ȓƹaheḏ ak Siḏi Arebbi.

1 Ayṯ-Kurinṯ 14:15

Iwa min ɣa ggeɣ? Aḏ ẓẓaǧeɣ s arruḥ inu, aḏ ẓẓaǧeɣ ƹaweḏ s ȓaƹqeȓ inu. Aḏ ɣennjeɣ s arruḥ inu, aḏ ɣennjeɣ ƹaweḏ s ȓaƹqeȓ inu.