Ȓexḏayem 21:11 - Ṯarifiṯ 2020

¹¹ Iqarreb-d ɣarneɣ iysi aḥezzam n Bulus, icedd iḍaren ḏ ifassen i yixef nnes inna: "Iqqar Arruḥ iqeddsen: Ammu israʼiliyen n Lquds aḏ qqnen bab n uḥezzam-a, aṯ sellmen i yinni war iǧin ca zi Ayṯ-Israʼil."

Ȓexḏayem 21:11 ပူးပေါင်းရင်းမြစ်များ

Yuḥanna 18:1

Menbaƹd i ṯẓaǧiṯ nni, iffeɣ Ƹisa ak imeḥḍaren nnes ẓwan iɣzar n Qidrun. Ḏinni ijjen n jarda, uḏfen ḏayes netta ḏ imeḥḍaren nnes.

Ȓexḏayem 13:2

Wami ƹebbḏen Siḏi Arebbi tẓumman, inna-asen Arruḥ iqeddsen: Ḥuzem-ayi-d Barnaba ḏ Cawul i ȓxeḏmeṯ nni umi ṯen ixḍareɣ.

Ȓexḏayem 16:6

Bulus ḏ imeddukaȓ nnes kkin x jwayeh n Frijya ḏ Galaṭya, war ṯen ijji ca Arruḥ iqeddsen aḏ beccaren s wawaȓ n Arebbi ḏi lʼiqlim n Asya.

Ȓexḏayem 20:23

Innama, ḏi mkuȓ ṯendint iƹeǧem-ayi-d Arruḥ iqeddsen qa itraja-ayi ȓeḥbes ḏ tamara.

Ȓexḏayem 21:33

Iqarreb arrayes nni ɣar Bulus iṭṭef-iṯ, yumar aṯ qqnen s ṯnayen n snaseȓ. Isseqsa xas inna-asen: Wanita min iƹna ḏ min igga?

Ȓexḏayem 21:4

Wami nerzu x imeḥḍaren, nufi-ṯen ḏinni neqqim akiḏsen sebƹiyyam. Ƹlaḥsab min ƹeȓmen niṯni zi Arruḥ, qqaren-as i Bulus war tgaƹƹaḏ ca cek ɣar ṯendint n Lquds.

Ȓexḏayem 22:25

Wami ṯ cedden bac aṯ uwṯen, inna-as Bulus i umeqqran n ȓƹaskar ibedden ḏinni: "Ma qanuni aḏ tuwṯem ijjen n bnaḏem s usɣun ɣares ljinsiya n arrumanus meȓa war xas ṯḥekkimem ca?"

Ȓexḏayem 24:27

Ƹḏun ṯnayen n iseggwusa, iḏweȓ-d Burkyus Fastus ḏeg umcan n Lwali Filikes. Walakin Filikes igga-asen ȓxaḍar i israʼiliyen, ijja Bulus ḏi ȓeḥbes.

Ȓexḏayem 26:29

Inna-as Bulus: "S cwayt n ȓweqṯ ṯa niɣ s waṭṭas, nec tettareɣ zi Arebbi i cek ḏ yinni iy ḏayi itesȓan nhara aḏ tḏewȓem am nec walakin bȓa snaseȓ-a."

Ȓexḏayem 28:17

Ṯeƹḏu ṯeȓtiyyam, iȓaɣa-d Bulus x imeqqranen n Ayṯ-Israʼil. Wami d munen inna-asen: "Ay ayṯma, nec war ggiɣ walu ḍed i ccaƹb nneɣ niɣ ḍed i lƹadaṯ n ȓejḏuḏ nneɣ. Waxxa amenni ṭṭfen-ayi ḏi Lquds sellmen-ayi i ifassen n arrumanus.

Ȓexḏayem 28:20

Iḏen x manaya ttareɣ-kenniw akenniw ẓreɣ akiḏwem ssiwȓeɣ. Aqa ƹlaḥsab lʼamal n Ayṯ-Israʼil iy twaceddeɣ s ssensȓeṯ-a."

Ȓexḏayem 28:25

Niṯni war mesfhimen ca ak wayawya. Qbeȓ ma aḏ ffɣen ssenni, inna-asen Bulus awaȓ-a ḏ aneggaru: "Arruḥ iqeddsen inna ȓḥaqq i ȓejḏuḏ nwem s yiȓes n nnabi Icaƹya, inna:

Ȓexḏayem 8:29

Inna-as Arruḥ n Arebbi i Filippas: "Yallah, mun ak ukarru-yin."

Ȓexḏayem 9:16

Nec aḏas d seḍhareɣ mecḥaȓ iy ɣa itwaƹeddeb u labud x ssabab n yisem inu nec."

Ayṯ-Ufasus 3:1

X manaya terkaƹeɣ x ifadden inu, nec Bulus iy iǧan ḏ ameḥbus ƹlaḥsab Ƹisa Lmasiḥ u xawem kenniw iy war iǧin ca zi Ayṯ-Israʼil...

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Ufasus 6:20

Ƹlaḥsab Lʼinjil-a wanita iy tiȓiɣ nec ḏ ijjen n ssafir carrfeɣ s snaseȓ. Ẓẓaǧem kenniw bac azzayes beccareɣ bȓa ma aḏ ggwḏeɣ ƹlaḥsab lwajib inu.

1 Timutawus 4:1

Fa iqqar Arruḥ iqeddsen nican bȓa ccekk ḏeg wussan-a ineggura aḏ semḥen ca n yiwḏan ḏi lʼiman nican aḏ ggen array i jnun iɣeddaren ḏ min seȓmaḏen ccayaṭin.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

Iƹibraniyen 10:34

Liʼanna imeḥbas qqimen ḏaywem ḏeg wuȓ. Ƹaweḏ ṯeṣbarem s ȓefraḥeṯ wami ḏawem kksin agȓa nwem, tuɣa tessnem ƹaḏ aɣarwem yiȓi ijjen n wagȓa ḥsen zeg unneɣni, itduman.

Iƹibraniyen 3:7

X manaya ammu iqqar Arruḥ iqeddsen: Nhara meȓa ṯesȓim i ṣṣut n Arebbi,

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.