Ȓexḏayem 20:33 - Ṯarifiṯ 2020

³³ Nec ƹemmarṣ war ḍmiƹeɣ i yixef inu can n ddheb niɣ ḏ nnuqarṯ niɣ ḏ warruḍ n can ḥadd.

Ȓexḏayem 20:33 ပူးပေါင်းရင်းမြစ်များ

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

1 Ayṯ-Kurinṯ 9:15

Walakin nec war ksiɣ ca uȓa ḏ ijjen zi ȓḥuquq nni. Ƹaweḏ nec war tariɣ ca ṯabrat-a ȓexxu ḥima ataf kenniw aḏayi ṯucem ȓḥuquq nni; Lla, nec ḥsen meȓa mmuṯeɣ qbeȓ ma aḏayi ikkes ḥadd manaya minzi ɣa ftaxreɣ.

1 Ayṯ-Kurinṯ 9:18

Iḏen, min iƹna ccarḍ inu? Ccarḍ inu ḏ wa: Xmi tbeccareɣ s Lʼinjil tqeddameɣ-ṯ baṭeȓ iƹni maci ƹlaḥsab ȓḥaqq n ccarḍ-a iy ɣari ḏi Lʼinjil.

1 Ayṯ-Kurinṯ 9:4

Iƹni, neccin ma war ɣarneɣ bu ȓḥaqq a necc a nsew?

2 Ayṯ-Kurinṯ 11:7

Ma ḏ ȓƹib meȓa beccareɣ-kenniw s Lʼinjil n Arebbi bȓa ma ḏayi ṯxeǧsem, iƹni semzayeɣ ixef inu bac akenniw sgaƹƹḏeɣ?

2 Ayṯ-Kurinṯ 11:9

Wami ḥḍareɣ akiḏwem tuɣa nec teḥḏajiɣ, war tbessaȓeɣ x ḥadd zzaywem; Lla, ucin-ayi min teḥḏajiɣ ayṯmaṯneɣ yinni iy d yusin zi Masidunya. Amenni ugiɣ axawem bessȓeɣ, aḏ qqimeɣ mestammer amenni.

2 Ayṯ-Kurinṯ 7:2

Arzmem-aneɣ kenniw imucan ḏeg wuȓawen nwem. Uȓa ḏ ijjen war ṯ neḍȓim ca, war ṯ nesƹewwej ca, war ṯ nɣecc ca.

1 Ayṯ-Salunik 2:5

Cuf, qa ṯessnem ƹemmarṣ ma nseȓha ḥadd s wawaȓen niɣ ƹemmarṣ ma neḍmeƹ ḥadd ƹlaḥsab ca n ssabab. Icehheḏ xaneɣ Arebbi!

1 Buṭrus 5:2

Arewseṯ ṯḥimerṯ nni n Arebbi iy xef kenniw itkellaf netta. Ḥḍam-teṯ s ȓxaḍar nwem maci s yijjen n bezzez iy xawem teggen minzi ammu iy ixes Arebbi. Maci s ṭṭmaƹ n ȓefḍiḥeṯ, lla s wuȓawen nwem.

3 Yuḥanna 1:7

Yina twassekken-d ƹlaḥsab isem nni yuƹȓan, war jemmƹen bu lmuƹawana zeg yinni war iḏeffaren ca Arebbi.