Ȓexḏayem 20:32 - Ṯarifiṯ 2020

³² Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ȓexḏayem 20:32 ပူးပေါင်းရင်းမြစ်များ

Marqus 10:17

Ƹisa wami iggur x ubriḏ, yusa-d ɣares ijjen itazzeȓ iwḍa x ifadden zzaṯes inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"

Yuḥanna 15:3

Kenniw ḏ imenqawiyen ḏeg useȓmeḏ iy ḏawem nniɣ.

Yuḥanna 17:17

Ṣeffa-ṯen s lḥaqiqa, awaȓ nnec netta iy iǧan ḏ lḥaqiqa.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ȓexḏayem 14:23

Bulus ḏ Barnaba ixḍaren imeqqranen ḏi mkuȓ jmaƹeṯ n ȓmuminin ȓexddenni ẓẓuǧen, ẓummen, jjin-ṯen ḏeg ufus n Siḏi Arebbi iy zi umnen.

Ȓexḏayem 14:26

Wami kemmȓen ȓxeḏmeṯ nni ḏinni, ƹeqben ssenni ḏeg uɣarrabu ɣar ṯendint n Wanṭakya manis d usin qbeȓ, zi manis twakellfen s ȓxeḏmeṯ nni s arḍa n Arebbi.

Ȓexḏayem 14:3

Bulus ḏ Barnaba qqimen ḏinni aṭṭas n ȓweqṯ tbeccaren s Siḏiṯneɣ s yijjen n zƹameṯ. Igga Siḏiṯneɣ lmuƹjizaṯ ḏ lburhanaṯ x ifassen n Bulus ḏ Barnaba bac aḏ isbeyyen awaȓen nni iy tbeccaren x arḍa n Siḏiṯneɣ ḏ ṣṣaḥ.

Ȓexḏayem 15:40

Bulus netta ixḍar Silas, ffɣen niṯni kellfen-ṯen ȓmuminin x ȓxeḏmeṯ nni nnan axawem yarḍa Siḏiṯneɣ.

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 9:31

Ḏi ȓweqṯ nni jmaƹeṯ n ȓmuminin ḏi marra jwayeh n Yahuḏiya ḏ Ljalil ḏ Samarya hnan. Twajehḏen, teggwḏen zi Siḏi Arebbi, twacejjaƹen s Arruḥ iqeddsen, tmarnin ḏi lƹadad.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

1 Ayṯ-Kurinṯ 6:10

ḏ iceffaren, ḏ iḍemmaƹen, ḏ yinni isessen aṭṭas n ccreb, ḏ yinni iqqaren ȓbaṭeȓ, ḏ iɣeccacen war twaraṯen ca ȓmulk n Arebbi.

1 Ayṯ-Kurinṯ 6:11

Ammu iy tuɣa teggen ȓebƹaḍ zzaywem, walakin ȓexxu twasirḏem, twassiṣfam, twasemṣȓaḥem ak Arebbi s yisem n Siḏiṯneɣ Ƹisa Lmasiḥ u s Arruḥ n Arebbi nneɣ.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

Ayṯ-Ufasus 1:14

Arruḥ-a netta ḏ ijjen n ȓƹarbun iḍemmen lwareṯ nneɣ aȓ ɣa ṯ neṭṭef ṯumma a neḥmeḏ Arebbi x lƹaḍama nnes.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

Ayṯ-Kulus 1:12

bac aḏ tcekkarem Babaṯneɣ wenni iy ḏawem yucin ȓḥaqq aḏ tcarcem ḏi lwareṯ n ṣṣaliḥin ḏi nnur.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

Ayṯ-Kulus 3:24

Kenniw ṯessnem ljaʼiza nwem aḏ tiȓi ḏ ijjen n lwareṯ zi Siḏiṯneɣ. Netta umi ṯxeddmem netta ḏ Siḏiṯneɣ Lmasiḥ.

Iƹibraniyen 10:14

Liʼanna yinni itḏewwaȓen ḏ ṣṣaliḥin issiṣfa-ṯen ḏeg yijjen n ṯwaȓa i ȓebda s yijjen n dbiḥeṯ u ṣafi bac aḏ iȓin bȓa ȓƹib.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Iƹibraniyen 2:11

Aqa wenni issiṣfan iwḏan zi ȓmuƹṣiyaṯ nsen u ḏ yiwḏan nni itwassiṣfan, Babaṯsen ḏ ijjen. X manaya war xasen itƹeffar ca aḏasen yini ay ayṯma.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

Yahuḏa 1:1

Nec ḏ Yahuḏa ḏ axeddam n Ƹisa Lmasiḥ, nec ḏ umas n Yaƹqub. Tariɣ ṯabrat-a i yinni iy d itwaȓaɣan, itḥibba-ṯen Arebbi Babaṯneɣ, iḥeṭṭa-ṯen Ƹisa Lmasiḥ.

Yahuḏa 1:20

Kenniw ay imƹizzen inu, bnaṯ ixef nwem ḏi dsas n lʼiman yuƹȓan iy iǧan ḏaywem, ẓaǧem s Arruḥ iqeddsen.