Ȓexḏayem 20:31 - Ṯarifiṯ 2020

³¹ Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

Ȓexḏayem 20:31 ပူးပေါင်းရင်းမြစ်များ

Matta 13:25

Ijjen n ǧiȓeṯ wami ṭṭṣen marra iwḏan, yusa-d ȓaƹḏu nnes izreƹ zzarriƹeṯ n isennanen ak zzarriƹeṯ nni n yirḏan ȓexddenni yarweȓ.

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Luqa 21:36

Ḥḍaṯ, ẓaǧem ḏi mkuȓ ȓweqṯ ḥima ataf ṯzemmarem aḏ tnejmem zi marra min ɣa iweqƹen aḏ tbeddem zzaṯ i Mmis n bnaḏem."

Ȓexḏayem 19:10

Iqqim Bulus itegg manayenni ƹamayen. Marra imezḏaɣ n lʼiqlim n Asya sȓin i wawaȓ n Siḏi Arebbi, Ayṯ-Israʼil ḏ iyunaniyen s ṯnayen iḏsen.

Ȓexḏayem 19:8

Ssenni Bulus yuḏef ɣar ṯemziḏa n Ayṯ-Israʼil, issawaȓ ḏinni s zƹameṯ can n ṯeȓt-chur. Itemnaqac akiḏsen bac aṯen iseqneƹ x ȓmulk n Arebbi.

Ȓexḏayem 20:11

Iruḥ Bulus igaƹƹeḏ sennej, irza aɣrum icca. Issiweȓ aṭṭas aȓ wami ḏ ȓefjar ikkar yuyur.

Ȓexḏayem 20:19

Xeddmeɣ i Siḏi Arebbi bȓa ttakebbur, s imeṭṭawen inu kkint xafi ȓemḥayen wami xayi ciṭṭnen israʼiliyen.

Ȓexḏayem 20:7

Ḏeg wass amezwaru n simana nmun neccin a necc aɣrum, issiweȓ Bulus ak yiwḏan. Iqqim issawaȓ aȓ uzyen n ǧiȓeṯ minzi ṯiwecca nnes inwa aḏ isafer.

Ȓexḏayem 24:17

Menbaƹd i waṭṭas n iseggwusa ƹeqbeɣ-d ɣar ṯendint n Lquds uwiɣ-d can n ṣṣaḏaqa i lʼumma inu, qeddmeɣ ca n dbiḥaṯ.

1 Ayṯ-Kurinṯ 4:14

Maci uriɣ ṯimesȓayin-a bac akenniw feḍḥeɣ; Lla, uriɣ-ṯent bac akenniw nhiɣ am ca n ṯarwa inu iƹizzen.

Ayṯ-Filippas 3:18

Liʼanna ḏinni aṭṭas n yinni igguren ḏ ȓƹaḏyan x ṣṣalib n Lmasiḥ. Awaȓ-a nniɣ-awem-ṯ zi qbeȓ, ȓexxu tƹawaḏeɣ-awem-ṯ s imeṭṭawen inu.

Ayṯ-Kulus 1:28

Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

1 Ayṯ-Salunik 5:14

Ay ayṯma, nhaṯ yinni itbaƹen farq-ccɣeȓ, cejjƹeṯ yinni itefciȓen, ƹawneṯ yinni iteḍƹifen, ṣebbareṯ ak marra.

2 Ayṯ-Salunik 2:5

Ma war ṯeƹqiȓem ca? Iwa wami tuɣayi akiḏwem qbeȓ qqareɣ-awem ṯimesȓayin-a.

2 Ayṯ-Salunik 3:8

War necci bu uɣrum ak ḥadd baṭeȓ. Lla, nxeddem ǧiȓeṯ ḏ nhar, neccaṯ tamara nrebbeȓ bac war netbessiȓ x ḥadd zzaywem.

2 Timutawus 4:5

Cek arr-d ȓbaȓ nnec ḏi marra ṯimesȓayin, ṣbar i tamara, egg ȓxeḏmeṯ am wenni itbeccaren, egg lwajib n ȓxeḏmeṯ nnec.

Iƹibraniyen 13:17

Ṭaƹeṯ i yinni xawem itrayyan, ggem-asen array minzi ḏ yinni ig iḥeṭṭan ȓaƹmar nwem. Aḏ ucen niṯni ȓeḥsab x manaya i Arebbi. Ṭaƹeṯ i yina bac ȓxeḏmeṯ nsen azzayes farḥen war xasen tbessiȓ ca. Meȓa ṯeggim ṯaɣennant ataf war kenniw ineffeƹ walu.

Lwaḥi 16:15

("Ṣennṭeṯ, qa nec aḏ d aseɣ am d yusa ij uceffar. Ssaƹḏ n wenni iy ɣa yiȓin ƹlabal aḏ iḥḍa arruḍ nnes ḥima war iggur ca ḏ aƹeryan aḏ ẓren yiwḏan ṯuƹaryant nnes.")