Ȓexḏayem 20:29 - Ṯarifiṯ 2020

²⁹ Cuf, ssneɣ xmi ɣa uyureɣ nec aḏ d aḏfen jarawem can n wuccanen iwƹaren war reḥḥmen ca ṯḥimerṯ.

Ȓexḏayem 20:29 ပူးပေါင်းရင်းမြစ်များ

Matta 10:16

Nec aqa ssekkiɣ-kenniw amecnaw iḥuȓiyen jar wuccanen. Iȓim ṯfaqem amecnaw ifiɣeran, iȓim ḏ nniyyeṯ amecnaw iḏbiren.

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Luqa 10:3

Ruḥeṯ, aqa ssekkeɣ-kenniw amecnaw izmaren jar wuccanen.

Luqa 12:32

War teggwḏem ca a ṯḥimerṯ inu ṯamezyant, irḍa Babaṯwem aḏawem yuc ȓmulk nnes.

Yuḥanna 10:12

Axeddam maci am wenni yarewwsen iḥuȓiyen nnes nniṯ. Axeddam, meȓa iẓra uccan yusa-d aḏ ismeḥ ḏeg iḥuȓiyen nni aḏ yarweȓ. Uccan aḏ ihjem x iḥuȓiyen aṯen iƹzeȓ x wayawya.

Yuḥanna 21:15

Wami reyyqen, inna-as Ƹisa i Simƹan Buṭrus: "A Simƹan a mmis n Yuḥanna, ma tḥibbiḏ-ayi ktar zi yina?" Inna-as Simƹan Buṭrus: "Wah a Siḏi, cek ṯessneḏ qa nec texseɣ-c." Inna-as Ƹisa: "Secc izmaren inu."

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

1 Buṭrus 5:2

Arewseṯ ṯḥimerṯ nni n Arebbi iy xef kenniw itkellaf netta. Ḥḍam-teṯ s ȓxaḍar nwem maci s yijjen n bezzez iy xawem teggen minzi ammu iy ixes Arebbi. Maci s ṭṭmaƹ n ȓefḍiḥeṯ, lla s wuȓawen nwem.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

Yahuḏa 1:18

Nnan-awem: "Ḏi ȓiyyam nni ineggura aḏ iȓin mujudin yinni iḏeḥḥcen x yiwḏan, ḏeffaren ccehawaṯ nsen ṯiƹeffanin waha."