Ȓexḏayem 2:40 - Ṯarifiṯ 2020

⁴⁰ Iƹȓem-asen Buṭrus aṭṭas iweṣṣa-aṯen inna-asen: "Snejmeṯ ixef nwem zeg yiwḏan n ȓqewṯ-a ḏi ǧan ixarwiḍen."

Ȓexḏayem 2:40 ပူးပေါင်းရင်းမြစ်များ

Matta 12:34

A ṯarwa ifiɣeran, mammec ɣa ṯeggem aḏ tinim awaȓ aṣebḥan u kenniw ḏ iƹeffanen? Ȓaḥeqqac aqemmum n bnaḏem issawaȓ min iǧan ḏeg wuȓ nnes.

Matta 16:4

Iwḏan iƹeffanen n ȓweqṯ-a ixeddƹen Arebbi tettaren lƹalama ṯameqqrant, walakin war ḏasen itmuci illa lƹalama nni n nnabi Yunes." Ssenni iruḥ ijji-ṯen.

Matta 17:17

Indeq-d Ƹisa inna-asen: "A iwḏan n ȓweqṯ-a iy ḏi war iǧi bu lʼiman, a yinni iffɣen abriḏ! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id ḏa."

Matta 23:33

Ay ifiɣeran! A ṯarwa n ṯfiɣerawin! Mamc ṯfekkarem aḏ tarewȓem zi lƹiqab n jahennama?

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Luqa 16:28

Ɣari xemsa n ayṯma xseɣ aṯen iƹȓem ḥima uȓa ḏ niṯni war tƹeddiben ca ḏeg umcan-a.

Luqa 21:36

Ḥḍaṯ, ẓaǧem ḏi mkuȓ ȓweqṯ ḥima ataf ṯzemmarem aḏ tnejmem zi marra min ɣa iweqƹen aḏ tbeddem zzaṯ i Mmis n bnaḏem."

Yuḥanna 21:25

Aṭṭas n ṯmesȓayin nneɣni iy igga Ƹisa. Maƹlik ṯura kuȓ icten zzaysent ict-ict, ḥessbeɣ belli ataf ddunect-a marra war ṯzemmar aḏ teysi lkutub nni iy ɣa yarin.

Ȓexḏayem 10:42

Neccin iweṣṣa-yaneɣ Ƹisa a nbeccar ccaƹb, a necheḏ belli Arebbi ixḍar-iṯ aḏ iḥaseb yinni iddaren ḏ yinni immuṯen.

Ȓexḏayem 15:32

Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 20:11

Iruḥ Bulus igaƹƹeḏ sennej, irza aɣrum icca. Issiweȓ aṭṭas aȓ wami ḏ ȓefjar ikkar yuyur.

Ȓexḏayem 20:2

Itcejjaƹ imeḥḍaren ḏinni s waṭṭas n wawaȓen. Wami iƹḏu ḏi jwayeh nni, yuweḍ ɣar Lyunan

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ȓexḏayem 20:9

Ḏinni ijjen n uḥenjir qqaren-as Yutikus iqqim netta x ṯenharṯ n ṯburjat. Iȓha Bulus itemharwaḍ, aḥenjir nni iṭṭef-iṯ yiḍeṣ iɣelleb xas yiḍeṣ nni uca iwḍa zi ṯȓaṯa n ṭṭbaqaṯ aȓ ṯmurṯ ufin-ṯ immuṯ.

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ȓexḏayem 4:36

Ḏinni ijjen qqaren-as Yusef, ƹaweḏ semman-ṯ arrusul s Barnaba iƹni Netta zi ccurfa n Ayṯ-Lawi ḏ mmis n ṯendint n Qubruṣ.

2 Ayṯ-Kurinṯ 5:20

Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

2 Ayṯ-Kurinṯ 6:17

X manaya iqqar Siḏi Arebbi: Ffɣem-d zi ȓwesṭ nsen ƹezȓeṯ ixef nwem, war tḥaḏaṯ ca min iǧan ḥaram. Uca nec akenniw qebȓeɣ,

Ayṯ-Galaṭya 5:3

Aḏawem ƹawḏeɣ, aḏ iniɣ i kuȓ aryaz wenni iy ɣa iggen ṭṭahareṯ n Musa, itxeṣṣa labud aḏ iṭaƹ i Ccariƹa n Musa amen-ṯekmaȓ.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Filippas 2:15

Ammu aḏ tiȓim beriʼin bȓa ȓƹib ḏi ȓwesṭ n yiwḏan n ȓweqṯ-a iƹewwjen ixarewḍen. Ḏaysen iy ṯreqqem am yiṯran ḏi ddunect-a xmi ḏasen tqeddamem awaȓ n ṯuḏarṯ. Amenni aḏ ftaxareɣ ḏi Nhar nni n Lmasiḥ nec war uzziȓeɣ ca war xḏimeɣ ca ḏi ȓxawi waha.

1 Ayṯ-Salunik 2:11

Ntegg akiḏwem am yijjen n uryaz ak ṯarwa nnes. Netweṣṣa-kenniw netcejjaƹ-ikenniw netzeyyar xawem

1 Timutawus 4:16

Xzar ḏi ṯuḏarṯ nnec ḏ ṯmesȓayin iy ṯseȓmaḏeḏ, arni ḏaysent. Liʼanna meȓa ṯeggiḏ manaya aḏ tesnejmeḏ ixef nnec ḏ yinni iy ḏac itsȓan.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.