Ȓexḏayem 2:24 - Ṯarifiṯ 2020

²⁴ Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Ȓexḏayem 2:24 ပူးပေါင်းရင်းမြစ်များ

Matta 27:63

Nnan-as: "Neccin neƹqeȓ a siḏi belli wami tuɣa iddar uɣeddar nni inna-d menbaƹd i ṯeȓtiyyam nec aḏ d kkareɣ zi ȓmewṯ."

Yuḥanna 10:18

Uȓa ḏ ijjen war zzayi t itekkes ca; Lla, nec tṣeddaqeɣ ṯuḏarṯ inu s ȓxaḍar inu. Ɣari jjheḏ ḥima at ṣeddqeɣ. Ɣari jjheḏ ḥima atid arreɣ ƹaweḏ. Ammu iy ḏayi iweṣṣa Baba."

Yuḥanna 10:35

Netta iy ḏasen iqqaren i yinni umi d yusa wawaȓ n Arebbi, u Lkitab ȓebda iqqar ȓḥaqq.

Yuḥanna 12:39

S manaya war zemmaren ca aḏ amnen minzi Icaƹya inna ƹaweḏ:

Yuḥanna 20:9

Walakin niṯni ƹaḏ war fhimen ca zi Lkitab belli labud aḏ ikkar Ƹisa zi ȓmewṯ.

Ȓexḏayem 1:16

"Ay ayṯma, tuɣa itxeṣṣa aḏ ikemmeȓ wawaȓ n Arruḥ iqeddsen iy d yusin x yiȓes n nnabi Dawed ḏeg yijjen n zman wami issiweȓ x Yahuḏa iƹni wenni izenzen Ƹisa isbeyyen-asen abriḏ yuwi yinni iy ṯ iṭṭfen.

Ȓexḏayem 13:30

Walakin Arebbi isekkar-iṯ-iḏ zi ȓmewṯ.

Ȓexḏayem 13:37

Walakin wenni d isekkar Arebbi zi ȓmewṯ netta lla war ikiccew ca.

Ȓexḏayem 17:31

Mayemmi? Arebbi izemmem ijjen n nhar iy ḏi ɣa iḥaseb marra iwḏan s ȓḥaqq x ufus n bnaḏem nni ig ixḍar. Yuca-asen ddalil i marra iwḏan x manaya wami ṯiḏ isekkar zi ȓmewṯ."

Ȓexḏayem 2:32

Ƹisa-ya wanita isekkar-iṯ-iḏ Arebbi zi ȓmewṯ, aqa neccin marra ncehheḏ x manaya.

Ȓexḏayem 3:15

Ṯenɣim wenni iǧan ḏ lʼaṣel n ṯuḏarṯ, walakin Arebbi isekkar-iṯ-iḏ zi ȓmewṯ, neccin necheḏ xas.

Ȓexḏayem 3:26

Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Ȓexḏayem 4:10

Iwa itxeṣṣa aḏ tessnem kenniw ḏ marra Ayṯ-Israʼil belli aryaz-a iy ḏa ibedden zzaṯwem igenfa s yisem n Ƹisa Lmasiḥ zi Naṣira. Kenniw ṯṣellbem-ṯ, walakin Arebbi isekkar-iṯ-iḏ zi ȓmewṯ.

Ȓexḏayem 5:30

Arebbi n ȓejḏuḏ nneɣ isekkar-d Ƹisa wenni iy ṯenɣim kenniw ṯrefƹem-ṯ x ṯeḥnact.

Ayṯ-Ruma 10:9

Qa meȓa ṯcehḏeḏ s uqemmum nnec illa Ƹisa ḏ Siḏic, meȓa ṯumneḏ s wuȓ nnec illa Arebbi isekkar-iṯ-iḏ zi ȓmewṯ, ataf aḏ tnejmeḏ.

Ayṯ-Ruma 14:9

Liʼanna x manaya iy xef immuṯ Lmasiḥ uca ṯeƹqeb-d ḏayes ṯuḏarṯ ḥima aḏ yiȓi netta ḏ Siḏiṯsen n yinni immuṯen ḏ yinni iddaren.

Ayṯ-Ruma 4:24

Lla, yura ƹaweḏ ƹlaḥsab neccin umi ḏaneɣ isemṣȓaḥ akiḏes wami zzayes numen zi Arebbi wenni iy d isekkaren Siḏiṯneɣ Ƹisa zi ȓmewṯ.

Ayṯ-Ruma 6:4

Falihaḏa wami netwaṭehhar akiḏes s waman, iƹni netwanḍeȓ akiḏes ḏi ȓmewṯ. Mayemmi? Ḥima mammec d ikkar Lmasiḥ zi ȓmewṯ s lƹaḍama n Arebbi Babaṯneɣ, amenni uȓa ḏ neccin aqa a nƹic ḏeg yijjen n ṯuḏarṯ ḏ jḏiḏ.

Ayṯ-Ruma 8:11

Ṯumma meȓa izeddeɣ ḏaywem Arruḥ n Arebbi iy d isekkaren Ƹisa zi ȓmewṯ, ataf wenni iy d isekkaren Ƹisa zi ȓmewṯ aḏaywem d yarr ṯuḏarṯ uȓa ḏi ddat nwem ifennan iƹni s Arruḥ nnes iy ḏaywem izeddɣen.

Ayṯ-Ruma 8:34

Wi izemmaren axasen iḥkem? Uȓa ḏ ijjen! Liʼanna netta Ƹisa Lmasiḥ ig immuṯen. U ktar, ikkar-d zi ȓmewṯ u ḏ netta iy iǧan x ufusi n Arebbi, itcafaƹ ḏayneɣ.

1 Ayṯ-Kurinṯ 15:12

Fa Lmasiḥ netbeccar xas itwasekkar-d zi ȓmewṯ. Mammec qqaren ȓebƹaḍ zzaywem war ṯeǧi bu lqiyama n imettinen?

1 Ayṯ-Kurinṯ 15:15

Maƹlik amenni, iȓi nufa ixef nneɣ ncehheḏ ẓẓur x Arebbi. Mayemmi? Ȓaḥeqqac necheḏ x Arebbi belli isekkar-d Lmasiḥ zi ȓmewṯ. Walakin maƹlik war tiȓi bu lqiyama n imettinen, iȓi Arebbi zaƹma war d isekkar ca Lmasiḥ zi ȓmewṯ.

1 Ayṯ-Kurinṯ 15:20

Fa aqa ȓexxu Lmasiḥ itwasekkar-d zi ȓmewṯ, iƹni netta ḏ ṯafeǧaḥṯ ṯamezwarut iy d ikkaren zeg yinni immuṯen.

1 Ayṯ-Kurinṯ 15:4

Ṯumma itwanḍeȓ, ṯumma itwasnekkar-d ḏeg wass wis ṯeȓtiyyam mammec iqqar Lkitab.

1 Ayṯ-Kurinṯ 6:14

Arebbi s jjheḏ nnes isekkar-d Siḏiṯneɣ zi ȓmewṯ, aḏaneɣ d isekkar zi ȓmewṯ uȓa ḏ neccin.

2 Ayṯ-Kurinṯ 4:14

Nessen wenni iy d isekkaren Siḏiṯneɣ Ƹisa netta ƹaweḏ aḏaneɣ d isekkar ak Ƹisa aḏaneɣ iseḥḍar akiḏwem zzaṯ nnes.

Ayṯ-Galaṭya 1:1

Nec ḏ Bulus, nec ḏ ijjen n arrasul maci s yiwḏan niɣ s ȓxaḍar n bnaḏem; Lla, nec ḏ arrasul s Ƹisa Lmasiḥ u ƹaweḏ s Arebbi Babaṯneɣ iy d isekkaren Ƹisa zi ȓmewṯ.

Ayṯ-Ufasus 1:20

ig igga ḏi Lmasiḥ wami ṯiḏ isekkar zi ȓmewṯ isɣim-iṯ x ufusi nnes ḏeg ijennaṯen.

Ayṯ-Kulus 2:12

Iƹni ṯenḍȓem akiḏes s ṭṭahareṯ nwem ḏeg waman, u ƹaweḏ s ṭṭahareṯ nwem ḏeg waman ṯekkarem-d akiḏes zi ȓmewṯ s lʼiman nwem ḏi ṯzemmar n Arebbi wenni d isekkaren Ƹisa zi ȓmewṯ.

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.