Ȓexḏayem 19:11 - Ṯarifiṯ 2020

¹¹ Arebbi itegg lmuƹjizaṯ ḏ ṯimeqqranin x ufus n Bulus.

Ȓexḏayem 19:11 ပူးပေါင်းရင်းမြစ်များ

Yuḥanna 14:12

Aqa tesȓam ȓḥaqq: Wenni zzayi yumnen, ataf aḏ igg ȓexḏayem iy xeddmeɣ niɣ ktar minzi nec ggureɣ ɣar Baba.

Ȓexḏayem 14:3

Bulus ḏ Barnaba qqimen ḏinni aṭṭas n ȓweqṯ tbeccaren s Siḏiṯneɣ s yijjen n zƹameṯ. Igga Siḏiṯneɣ lmuƹjizaṯ ḏ lburhanaṯ x ifassen n Bulus ḏ Barnaba bac aḏ isbeyyen awaȓen nni iy tbeccaren x arḍa n Siḏiṯneɣ ḏ ṣṣaḥ.

Ȓexḏayem 15:12

Marra jmaƹeṯ nni ḏinni iy qqimen war nnin walu, tesȓan i Barnaba ḏ Bulus ssawaȓen x lmuƹjizaṯ ḏ lburhanaṯ igga Arebbi x ufus nsen jar yinni war iǧin ca zi Ayṯ-Israʼil.

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.

Ȓexḏayem 5:12

Arrusul teggen aṭṭas n lmuƹjizaṯ ḏ lburhanaṯ jar yiwḏan, tmunen marra ḏeg Useqqif n Suliman ḏi Ṯemziḏa ṯameqqrant.

Ȓexḏayem 8:13

Simƹan netta s yixef nnes yumen itwaṭehhar s waman. Imun ak Filippas itƹejjeb Simƹan wami iẓra lmuƹjizaṯ ḏ lburhanaṯ ḏ ṯimeqqranin ig itewqiƹen.

Ayṯ-Galaṭya 3:5

Iḏen, mammec ḏawem d iticc Arebbi Arruḥ iqeddsen itegg jarawem lmuƹjizaṯ? Wac xmi tṭaƹam i Ccariƹa n Musa? Lla, xmi tesȓam Lʼinjil tamnem zzayes.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.