Ȓexḏayem 18:28 - Ṯarifiṯ 2020

²⁸ Liʼanna netta itemnaqac s jjheḏ ak israʼiliyen zzaṯ i yiwḏan, niṯni war zemmaren ca aṯ jawben nican minzi isbeyyen-asen-d awaȓen zi Lkutub belli netta Ƹisa ḏ Lmasiḥ.

Ȓexḏayem 18:28 ပူးပေါင်းရင်းမြစ်များ

Luqa 1:80

Tuɣa aḥenjir itemɣar itejhiḏ s arruḥ nnes. Izeddeɣ ḏi ȓexȓa aȓ wami d imeḍhar i Ayṯ-Israʼil.

Luqa 24:27

Ḏinni ibḏa-yasen Ƹisa zi Ccariƹa n Musa ḏ Lkutub n marra lʼanbiya isefhem-iṯen min xas yurin ḏi marra Lkutub nni.

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Yuḥanna 5:39

Ṯrezzum ḏi Lkutub kenniw tɣir-awem ḏaysen ṯuḏarṯ n ȓebda. Iwa uȓa ḏ yina cehhḏen xafi.

Ȓexḏayem 17:3

Isefham-iṯen isbeyyan-asen ddalil x mammec u labud Lmasiḥ aḏ itwaƹeddeb aḏ d ikkar zi ȓmewṯ. Inna-asen qa Ƹisa-ya iy zi kenniw tbeccareɣ netta s yixef nnes ḏ Lmasiḥ.

Ȓexḏayem 18:25

Aryaz-a iȓmeḏ x ubriḏ n Siḏiṯneɣ, issawaȓ s jjheḏ ḏ ameqqran, iseȓmaḏ nican x Ƹisa. Walakin issen ɣir x uṭehhar nni n waman ig isexḏem nnabi Yaḥya.

Ȓexḏayem 18:5

Wami d ixḍeȓ Silas ḏ Timutawus zi lʼiqlim n Masidunya, ibḏa Bulus ixeddem ɣir s ttebcir u ṣafi, icehheḏ i Ayṯ-Israʼil belli Ƹisa netta ḏ Lmasiḥ.

Ȓexḏayem 8:35

Itcarraḥ-as Filippas ibḏa-yas zi lʼayaṯ-a ḏi Lkitab itbeccar-iṯ s Ƹisa.

Ȓexḏayem 9:22

Cawul netta yarni itḥeddaṯ s jjheḏ, iseḏhac Ayṯ-Israʼil ig izeddɣen ḏi Dimaceq, isbeyyen-asen-d s wawaȓ nnes qa Ƹisa ḏ Lmasiḥ.