Ȓexḏayem 18:26 - Ṯarifiṯ 2020

²⁶ Ibḏa issawaȓ ḏi ṯemziḏa n Ayṯ-Israʼil s zƹameṯ. Sȓin-as Priskila ḏ Wakilas, uwin-ṯ akiḏsen ɣar ṯeddarṯ nsen bḏan sfehhamen-ṯ ḥsen x ubriḏ n Arebbi.

Ȓexḏayem 18:26 ပူးပေါင်းရင်းမြစ်များ

Marqus 10:15

Aqa tesȓam ȓḥaqq: Labud i bnaḏem aḏ yamen s ȓmulk n Arebbi mamc zzayes itamen uḥenjir amezyan. Meȓa lla, ataf bnaḏem nni ƹemmarṣ aḏ yaḏef ḏi ȓmulk n Arebbi."

Luqa 19:26

Aḏawem iniɣ: Wah, wenni iǧan ɣares itmarni-yas. Walakin wenni war ɣar iǧi ca, itwaksi-yas uȓa ḏ min ɣares.

Luqa 24:27

Ḏinni ibḏa-yasen Ƹisa zi Ccariƹa n Musa ḏ Lkutub n marra lʼanbiya isefhem-iṯen min xas yurin ḏi marra Lkutub nni.

Yuḥanna 7:17

Wenni ixsen aḏ igg zi min ixes Arebbi ataf aḏ issen aseȓmeḏ-a inu ma zzayi niɣ zi Arebbi.

Ȓexḏayem 14:3

Bulus ḏ Barnaba qqimen ḏinni aṭṭas n ȓweqṯ tbeccaren s Siḏiṯneɣ s yijjen n zƹameṯ. Igga Siḏiṯneɣ lmuƹjizaṯ ḏ lburhanaṯ x ifassen n Bulus ḏ Barnaba bac aḏ isbeyyen awaȓen nni iy tbeccaren x arḍa n Siḏiṯneɣ ḏ ṣṣaḥ.

Ȓexḏayem 18:18

Iqqim ƹaḏ Bulus aṭṭas n wussan ḏi ṯendint n Kurinṯ. Ssenni imsafaḍ x ayṯmas ḏinni, inya ḏeg uɣarrabu iruḥ ɣar Surya akiḏes Priskila ḏ Wakilas. Tuɣa iḥeff Bulus acewwaf nnes ḏi ȓemwiyi umi qqaren Kanɣarya minzi tuɣa xas ȓƹaheḏ iy igga ak Siḏi Arebbi.

Ȓexḏayem 18:25

Aryaz-a iȓmeḏ x ubriḏ n Siḏiṯneɣ, issawaȓ s jjheḏ ḏ ameqqran, iseȓmaḏ nican x Ƹisa. Walakin issen ɣir x uṭehhar nni n waman ig isexḏem nnabi Yaḥya.

Ȓexḏayem 19:8

Ssenni Bulus yuḏef ɣar ṯemziḏa n Ayṯ-Israʼil, issawaȓ ḏinni s zƹameṯ can n ṯeȓt-chur. Itemnaqac akiḏsen bac aṯen iseqneƹ x ȓmulk n Arebbi.

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ȓexḏayem 8:31

Inna-as uḥabaci nni: "Nec, mammec ɣa ggeɣ aḏ fehmeɣ meȓa war ḏayi isefhem can yijjen? Yallah ney-d akiḏi ḏeg ukarru-ya."

1 Ayṯ-Kurinṯ 12:21

Fa ṯiṭṭ war ṯzemmar aḏas ṯini i ufus qa ṣafi nec war c teḥḏijiɣ ca. Niɣ ƹaweḏ azeǧif aḏasen yini i iḍaren qa ṣafi nec war kenniw teḥḏijiɣ ca.

1 Ayṯ-Kurinṯ 3:18

Itxeṣṣa war ḏinni itiȓi ḥadd ixeddeƹ ixef nnes. Meȓa ḏinni can yijjen jarawem iḥesseb ixef nnes ḏ amiɣis ḏi zman-a, itxeṣṣa aḏ iḏweȓ ḏ abuhaȓi zaƹma bac aḏ yiȓi ḏ amiɣis.

1 Ayṯ-Kurinṯ 8:2

Ijjen meȓa itɣir-as issen, lla war issin ca. Ƹaḏ itxeṣṣa-yas aḏ issen.

Iƹibraniyen 6:1

X manaya war netɣimiṯ ca ḏi ttaƹlim-a amezwaru x Lmasiḥ, a nuyureṯ ɣar zzaṯ bac a nemɣar. War ntaƹqib ca ɣar dsas. Iƹni war nessawaȓ ca ƹaḏ x ttuba nni n ssayiʼaṯ, niɣ x mammec ɣa negg a namen zi Arebbi,

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.