Ȓexḏayem 18:15 - Ṯarifiṯ 2020

¹⁵ Walakin manaya ḏ lxilaf jarawem kenniw ḏeg wawaȓen ḏ yisemawen ḏ ccariƹa nwem. Ḥellem manaya nniṯ jarawem. Bȓa ma aḏ iȓiɣ nec ḏ ȓqaḍi x ṯmesȓayin-a jarawem."

Ȓexḏayem 18:15 ပူးပေါင်းရင်းမြစ်များ

Matta 27:24

Wami yufa Bilaṭus belli war iqḍi walu arnin ḏi lfawḍa, iysi aman isireḏ ifassen nnes zzaṯ i ȓɣaci nni inna-asen: "Aqa nec tberriɣ azeǧif inu zeg iḏammen n uryaz-a! Aqaṯ x yiri nwem!"

Matta 27:4

Inna-asen: "Nec ƹṣiɣ wami sellmeɣ ijjen i ȓmewṯ netta war iggi minxef!" Nnan-as niṯni: "Wenni ḏ ccɣeȓ nnec! Neccin, min ḏaneɣ iruḥen?"

Yuḥanna 18:31

Inna-asen Bilaṭus: "Iwa awim-ṯ kenniw, axas ṯḥekmem s ccariƹa nwem." Nnan-as israʼiliyen: "War ḏaneɣ ṯsemmḥem ca kenniw a nneɣ uȓa ḏ ijjen."

Ȓexḏayem 18:13

Nnan aryaz-a isqenneƹ iwḏan aḏ ƹebḏen Arebbi ḍed i ȓqanun.

Ȓexḏayem 23:29

Ufiɣ ttuhmaṯ nni niṯenti ḏ can ṯmesȓayin x ccariƹa nsen waha. War xas ufiɣ bu can ttuhma isḏaheǧ xas ȓmewṯ niɣ ḏ ȓeḥbes.

Ȓexḏayem 25:11

Meȓa xḍiɣ iƹni ggiɣ can ȓḥajeṯ sḏaheǧeɣ xas ȓmewṯ war zemmareɣ azzayes arewȓeɣ. Walakin meȓa ttuhmaṯ-a iy xafi qeddmen war ǧint ca ḏ ṣṣaḥ, uȓa ḏ ijjen ma ɣares ȓḥaqq aḏayi isellem i niṯni. Nec testanafeɣ ddaƹweṯ inu ɣar Lmalik Qayṣar."

Ȓexḏayem 25:19

Lla, menɣen akiḏes x can ṯmesȓayin ḏi ddin nsen ḏ yijjen n uryaz qqaren-as Ƹisa, qa immuṯ walakin Bulus iqqar lla netta iddar!

Ȓexḏayem 26:3

Xaṣṣatan minzi cek ṯessneḏ marra lƹadaṯ n Ayṯ-Israʼil ḏ lxilafaṯ nsen. S manaya tettareɣ zzayek aḏ teṣbareḏ aḏayi ṯṣennṭeḏ.

1 Timutawus 1:4

Aḏasen ṯiniḏ war ḏeffarem ca ṯiḥuja niɣ ḏ ṯacejjarṯ nni war iqeṭṭin ca x ȓejḏuḏ nwem. Ṯimesȓayin-a am ṯina ɣir tsejjaƹent-aneɣ bac a nweddar ḏi lʼafkar ixwan, war ḏaneɣ ṯsiwwiḍent ca ɣar min itxeṭṭeṭ Arebbi minzi min ḏaneɣ isawwaḍen ɣar Arebbi netta ḏ lʼiman.

1 Timutawus 6:4

ataf netta yuff s ttakebbur war ifehhem walu qaƹ. Ihȓec irezzu ɣir amxarwaḍ ḏ umnaqar x wawaȓen iy zi d itas ȓeḥseḏ ḏ umenɣi ḏ ȓbaṭeȓ ḏ lʼafkar ḏ ṯiƹeffanin.

2 Timutawus 2:23

Awggwej zeg umnaqar nni iy ḏi iǧa ɣir ṯubuhȓiya ḏ ȓeqfaȓeṯ waha minzi ṯessneḏ belli itarew ɣir amenɣi u ṣafi.

Titus 3:9

Walakin siggwej ixef nnec zeg imnaqaren iy ḏi ṯeǧa ɣir ṯubuhȓiya u ƹaweḏ zi lbaḥt nni n ṯcejjura n ȓejḏuḏ ḏ imenɣiwen ḏ imxarwaḍen x ccariƹa liʼanna niṯni ḏ ȓbaṭeȓ waha war neffƹen ca qaƹ.