Ȓexḏayem 17:4 - Ṯarifiṯ 2020

⁴ Qtanƹen ȓebƹaḍ zzaysen munen ak Bulus ḏ Silas. Akiḏsen xarebbi n iyunaniyen iy iteggwḏen Arebbi. Akiḏsen ƹaweḏ aṭṭas n ṯemɣarin zi ṯinni iy ɣar ṯeǧa lmartaba.

Ȓexḏayem 17:4 ပူးပေါင်းရင်းမြစ်များ

Yuḥanna 7:35

Mseqsan israʼiliyen jarasen nnan: "Mani ɣa iraḥ wanita war ṯ ntif ca? Ma aḏ iraḥ ɣar israʼiliyen iy itemzeǧaƹen ḏi ṯmura n iyunaniyen bac aḏ iseȓmeḏ iyunaniyen?

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 14:1

Ḏi ṯendint n Ikunya uḏfen Bulus ḏ Barnaba s ṯnayen iḏsen ɣar ṯemziḏa n Ayṯ-Israʼil, umnen aṭṭas n israʼiliyen ḏ iyunaniyen s ttebcir nsen.

Ȓexḏayem 14:4

Mesfraqen ayṯbab n ṯendint-a n Ikunya x ṯnayen. Ȓebƹaḍ iḏsen aqaṯen ak israʼiliyen, ȓebƹaḍ iḏsen aqaṯen ak arrusul.

Ȓexḏayem 15:22

X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 15:27

X manaya nessekk-awem-d uȓa ḏ Yahuḏa-ya ḏ Silas-a bac aḏawem inin s uqemmum nsen min ḏawem d nura ḏi ṯebrat-a.

Ȓexḏayem 15:32

Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 15:40

Bulus netta ixḍar Silas, ffɣen niṯni kellfen-ṯen ȓmuminin x ȓxeḏmeṯ nni nnan axawem yarḍa Siḏiṯneɣ.

Ȓexḏayem 16:3

Igga-as ṭṭahareṯ Bulus wami ixes aṯ yawi akiḏes. Igga-as amenni ƹlaḥsab israʼiliyen iǧan ḏeg imucan nni niṯni marra ssnen belli babas ḏ ayunani.

Ȓexḏayem 17:10

Ssenni s ǧiȓeṯ nni ayṯmaṯneɣ ssekken Bulus ḏ Silas ɣar ṯendint umi qqaren Birya. Wami uwḍen, uḏfen ɣar ṯemziḏa n Ayṯ-Israʼil.

Ȓexḏayem 17:12

Umnen aṭṭas zzaysen. Umnent xarebbi n ṯemɣarin ṯiyunaniyin ɣarsent lmartaba, umnen ƹaweḏ aṭṭas n iyunaniyen.

Ȓexḏayem 17:14

Ȓexddenni ayṯmaṯneɣ ssekken Bulus ɣar ȓebḥar, iqqim Silas ḏ Timutawus ḏi ṯendint n Birya.

Ȓexḏayem 17:17

Itemnaqac ḏi ṯemziḏa ak israʼiliyen ḏ inneɣni iteggwḏen Arebbi, itemnaqac ƹaweḏ ak yinni iy keḏ itemseȓqa kuȓ nhar ḏi ssaḥa n ṯendint.

Ȓexḏayem 17:34

Ȓebƹaḍ zzaysen umnen munen ak Bulus. Zzaysen Diyunisyus zi lmajlis n Aryubagus ḏ yijjen n ṯemɣarṯ qqaren-as Damaris ḏ inneɣni akiḏsen.

Ȓexḏayem 18:4

Mkuȓ nhar n ssebṯ n lƹibada Bulus itemnaqac ak Ayṯ-Israʼil ḏ iyunaniyen ḏi ṯemziḏa bac aṯen iseqneƹ.

Ȓexḏayem 19:10

Iqqim Bulus itegg manayenni ƹamayen. Marra imezḏaɣ n lʼiqlim n Asya sȓin i wawaȓ n Siḏi Arebbi, Ayṯ-Israʼil ḏ iyunaniyen s ṯnayen iḏsen.

Ȓexḏayem 2:44

Tmunen marra ȓmuminin carrcen marra ag wayawya.

Ȓexḏayem 21:28

Snekkaren ṯɣuyyeṯ qqaren: "Ay iryazen n Ayṯ-Israʼil! Qa aryaz-a wenni iseȓmaḏen iwḏan marra ḏi mkuȓ amcan irezzu aḏ ƹarrḍen ccaƹb nneɣ ḏ ccariƹa nneɣ ḏ umcan-a nneɣ! Ƹaweḏ isiḏef-d iyunaniyen ɣar ṯemziḏa ṯameqqrant, isexnaz amcan-a muqeddes."

Ȓexḏayem 28:24

Ȓebƹaḍ zzaysen qtanƹen s min inna, ȓebƹaḍ zzaysen war uminen ca.

Ȓexḏayem 4:23

Ɣir ḍeȓqen-asen-d i Buṭrus ḏ Yuḥanna, ruḥen ɣar imeddukaȓ nsen ƹawḏen-asen marra min ḏasen nnan arruyas n ȓfuqaha ḏ imeqqranen n Ayṯ-Israʼil.

2 Ayṯ-Kurinṯ 8:5

Neccin neḏhec wami ggin manayenni. Ƹlaḥsab min ixes Arebbi sellmen ḏ amezwaru ȓxaḍar nsen i Siḏiṯneɣ u ƹaḏ sellmen-ṯ i neccin.