Ȓexḏayem 17:24 - Ṯarifiṯ 2020

²⁴ Ixȓeq-d ddunect-a ḏ marra min ḏayes, netta ḏ Siḏi Arebbi n ujenna ḏ ṯmurṯ. War izeddeɣ ca ḏi zzawyaṯ nni ig bennan yiwḏan s ifassen nsen.

Ȓexḏayem 17:24 ပူးပေါင်းရင်းမြစ်များ

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Matta 5:34

Walakin nec qqareɣ-awem: War tjaǧam ca ƹemmarṣ: waxxa s ujenna ȓaḥeqqac netta ḏ lƹarc n Arebbi;

Luqa 10:21

Ȓexddenni ifareḥ Ƹisa s Arruḥ iqeddsen inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen. Wah a Baba, ȓaḥeqqac ammu iy xak yarḍa.

Yuḥanna 1:1

Ḏeg umezwaru iǧa wawaȓ. Awaȓ nni iǧa ak Arebbi. Awaȓ nni ḏ netta ig iǧan ḏ Arebbi.

Ȓexḏayem 14:15

"Ay iryazen, mayemmi teggem manaya? Qa neccin ḏ iwḏan waha am kenniw am neccin kif-kif. Nuwi-awem-d ijjen n wawaȓ ḏ aṣebḥan bac aḏ tbeƹƹḏem i ṯmesȓayin-a war ineffƹen ca, aḏ tḏewȓem ɣar Arebbi iddaren iy d ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 4:24

Wami sȓin i manaya, ttaren i Arebbi ḏi ṯẓaǧiṯ marra iḏsen nnan-as: "Ya Mawlana ḏ cek ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 7:48

Waxxa amenni qa Arebbi Yuƹȓan war izeddeɣ ca ḏi ṯuḏrin iy bennan s ifassen. Amec inna nnabi Icaƹya:

Ayṯ-Ruma 1:19

Aqa min zemmaren yiwḏan aṯ ssnen x Arebbi imeḍhar-asen-d, liʼanna Arebbi netta s yixef nnes iy ḏasen-t-id ismeḍharen.

Iƹibraniyen 1:2

Walakin ḏi lʼayyam-a ineggura issawaȓ akiḏneɣ s uqemmum n Mmis iƹni wenni iy ixḍar aḏ iwareṯ marra ṯimesȓayin, zzayes iy d ixȓeq Arebbi ddunect.

Iƹibraniyen 3:4

Liʼanna kuȓ ṯaddarṯ ɣares wenni iy ṯen d yurwen u marra ijji-ṯen-d Arebbi.

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.