Ȓexḏayem 16:14 - Ṯarifiṯ 2020

¹⁴ Akiḏsent ḏinni ijjen n ṯemɣarṯ ṯesȓa-yaneɣ qqaren-as Lidya. Nettaṯ zi ṯendint n Ṯiyatra ṯeznuza ṯcuqqet nni iy iɣȓan llun nnes ḏ llila, ṯƹebbeḏ Arebbi. Irzem-as Siḏi Arebbi uȓ nnes bac aḏ tṣenneṭ i wawaȓ n Bulus.

Ȓexḏayem 16:14 ပူးပေါင်းရင်းမြစ်များ

Luqa 24:45

Ȓexddenni irzem Ƹisa ȓaƹquȓaṯ nsen ḥima aḏ fehmen Lkutub.

Yuḥanna 12:20

Yinni igaƹƹḏen aḏ ƹebḏen ḏi Ȓƹiḏ akiḏsen ȓebƹaḍ n iyunaniyen.

Ȓexḏayem 10:2

Ḏayes ddin iteggweḏ Arebbi, netta ḏ marra ayṯbab n ṯeddarṯ nnes. Itegg ȓxir aṭṭas ḏeg yinni iḥḏajen, war ixeṭṭi ca ṯẓaǧiṯ nnes.

Ȓexḏayem 11:21

Siḏi Arebbi aqaṯ akiḏsen, aṭṭas n yiwḏan umnen ḏewȓen-d ɣar Siḏiṯneɣ.

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 16:40

Wami ffɣen zi ȓeḥbes ruḥen ɣar ṯeddarṯ n Lidya. Ẓrin ḏinni ayṯmaṯsen cejjƹen-ṯen, ssenni uyuren.

Ȓexḏayem 18:7

Iffeɣ-d ssenni iruḥ ɣar ṯeddarṯ n yijjen n uryaz iƹebbḏen Arebbi qqaren-as Titus Yustus, ṯaddarṯ nnes aqat ṭṭarf i ṯemziḏa nni.

Ȓexḏayem 8:27

Ikkar iruḥ, imseȓqa ḏinni ak yijjen n uryaz netta ḏ aḥabaci ḏ axaṣyuni. Netta zeg imeqqranen n lmalika n Lḥabaca qqaren-as nettaṯ Kandaka, netta ig itkellafen x ṣṣenduq n tmenyaṯ n lmalika nni. Tuɣa iruḥ ɣar Lquds aḏ iƹbeḏ Arebbi,

Ayṯ-Ruma 9:16

Manaya war iǧi ca zi ȓxeḏmeṯ n bnaḏem niɣ zi min itexs, manaya aqaṯ zi Arebbi wenni ireḥḥmen.

Ayṯ-Filippas 2:13

Minzi ḏ Arebbi ig isxeddamen array nwem ḏ ȓexḏayem nwem bac aḏ teggem lɣaraḍ nnes ḏ aṣebḥan.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 3:20

Qa nec beddeɣ zzaṯ i ṯewwarṯ sqerqubeɣ. Meȓa isȓa can yijjen i ṯmijja inu qa aḏ irzem ṯawwarṯ, ataf aɣares aḏfeɣ akiḏes cceɣ akiḏi icc.

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac: