Ȓexḏayem 15:9 - Ṯarifiṯ 2020

⁹ War iggi bu s wuḏemawen jaraneɣ, isireḏ-asen uȓawen nsen wami umnen.

Ȓexḏayem 15:9 ပူးပေါင်းရင်းမြစ်များ

Ȓexḏayem 10:15

Ṯendeq-d ṯmijja nni wis marrṯayen ṯenna-as: "Cek war tḥarram ca min iḥeǧeȓ Arebbi yarri-ṯ ḥalal!"

Ȓexḏayem 10:28

Inna-asen: "Qa ṯessnem belli israʼiliyen ɣarsen ḥram aḏ xellṭen ak ȓbarrani niɣ aḏ aḏfen ṯaddarṯ nsen. Walakin Arebbi isfahem-ayi-d qbeȓ war qqareɣ i ḥadd qa cek ḥram niɣ mekruh.

Ȓexḏayem 10:34

Ibḏa Buṭrus issawaȓ inna-asen: "Ḏ ṣṣaḥ twaȓiɣ Arebbi war itegg ca s wuḏemawen jar yiwḏan.

Ȓexḏayem 11:12

Ṯumma iweṣṣa-ayi Arruḥ n Arebbi inna-ayi ruḥ akiḏsen bȓa ma aḏaysen ṯcekkeḏ. Uwiɣ akiḏi setta-ya n yayṯma, nuḏef ɣar ṯeddarṯ n Kurninyus.

Ȓexḏayem 14:1

Ḏi ṯendint n Ikunya uḏfen Bulus ḏ Barnaba s ṯnayen iḏsen ɣar ṯemziḏa n Ayṯ-Israʼil, umnen aṭṭas n israʼiliyen ḏ iyunaniyen s ttebcir nsen.

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

Ayṯ-Ruma 3:9

Iwa neccin Ayṯ-Israʼil, ma lḥala nneɣ ḥsen zeg yiwḏan nneɣni? Lla, ƹemmarṣ! Nenna qbeȓ qa Ayṯ-Israʼil ḏ yinni war iǧin ca zi Ayṯ-Israʼil marra negga ȓmuƹṣiyeṯ.

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

1 Ayṯ-Kurinṯ 7:18

Can ijjen, meȓa iȓaɣa-yas-d Arebbi u netta tuɣa ggin-as ṭṭahareṯ, maci aḏ iraḥ aḏ ikkes ṭṭahareṯ nni. Can ijjen, meȓa iȓaɣa-yas-d Arebbi tuɣa war ḏas ggin ca ṭṭahareṯ, maci aḏ irzu aḏ igg ṭṭahareṯ.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.