Ȓexḏayem 15:8 - Ṯarifiṯ 2020

⁸ Arebbi ḏ netta ig issnen uȓ n bnaḏem, iseḍhar-d netta belli iqbeȓ-iṯen iƹni yuca-asen Arruḥ iqeddsen mammec ḏaneɣ ṯ yuca i neccin.

Ȓexḏayem 15:8 ပူးပေါင်းရင်းမြစ်များ

Yuḥanna 21:17

Inna-as Ƹisa wis ṯeȓt marraṯ: "A Simƹan a mmis n Yuḥanna, ma texseḏ-ayi?" Iqqes-as ȓḥaȓ i Buṭrus ȓaḥeqqac inna-as-ṯ wis ṯeȓt marraṯ, cek ma texseḏ-ayi? Inna-as: "A Siḏi, cek ṯessneḏ kuȓci. Ṯessneḏ qa nec texseɣ-c." Inna-as Ƹisa: "Secc iḥuȓiyen inu.

Yuḥanna 5:37

Baba ḏayi d issekken ḏ netta iy xafi icehḏen. Kenniw ƹemmarṣ war ṯesȓim ca ṣṣut nnes, ƹemmarṣ war ṯeẓrim ca uḏem nnes.

Ȓexḏayem 1:24

Ttaren-as i Arebbi nnan-as: "A Siḏi Arebbi qa cek ṯessneḏ min iǧan ḏeg wuȓawen n yiwḏan marra. Seḍhar-aneɣ-d wenni iy ṯixḍareḏ zi ṯnayen-a.

Ȓexḏayem 10:47

"Ma ḏinni can bnaḏem iy ɣa isbedden iwḏan-a bac war tetwaṭehhiren ca s waman? Yina immuc-asen Arruḥ iqeddsen am neccin am niṯni!"

Ȓexḏayem 14:3

Bulus ḏ Barnaba qqimen ḏinni aṭṭas n ȓweqṯ tbeccaren s Siḏiṯneɣ s yijjen n zƹameṯ. Igga Siḏiṯneɣ lmuƹjizaṯ ḏ lburhanaṯ x ifassen n Bulus ḏ Barnaba bac aḏ isbeyyen awaȓen nni iy tbeccaren x arḍa n Siḏiṯneɣ ḏ ṣṣaḥ.

Ȓexḏayem 15:28

Neccin ḏ Arruḥ iqeddsen netwaȓa mliḥ war xawem ntegg bu dqeȓ aṭṭas illa min iǧan wa labud.

Ȓexḏayem 2:4

Ccuren s Arruḥ iqeddsen marra iḏsen, bḏan ssawaȓen s lluɣaṯ war iǧin bu nsen amecnaw mammec ḏasen yuca Arruḥ aḏ ssiwȓen.

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.

Iƹibraniyen 4:13

War ḏinni uȓa ḏ ijjen n ṯmesȓayṯ zi min d itwaxeȓqen ṯnuffar zi Arebbi. Qaƹ ṯimesȓayin twafeḍḥent-id twaḍharent-id i ṯiṭṭawin n wenni umi ɣa nuc ȓeḥsab nneɣ.

Lwaḥi 2:23

Aḏ nɣeɣ ṯarwa nnes. Aḏ ssnen marra ṯijumaƹ n ȓmuminin belli ḏ nec ig itmeyyazen min ḏayes ḏi ȓaƹqeȓ ḏ wuȓ. Kuȓ ijjen zzaywem aḏas uceɣ ƹlaḥsab ȓexḏayem nnes.