Ȓexḏayem 15:4 - Ṯarifiṯ 2020

⁴ Wami uwḍen ɣar Lquds, reḥḥben zzaysen jmaƹeṯ n ȓmuminin ḏ imeqqranen n jmaƹeṯ-a ḏ arrusul. Ḏinni Bulus ḏ Barnaba ƹawḏen-asen i niṯni marra min igga Arebbi x ufus nsen.

Ȓexḏayem 15:4 ပူးပေါင်းရင်းမြစ်များ

Matta 10:40

Wenni kenniw iqebbȓen, ataf iqbeȓ-ayi. Wenni ḏayi iqebbȓen, ataf iqbeȓ wenni ḏayi d issekken.

Ȓexḏayem 11:30

Amenni iy ggin jarasen, ucin lmuƹawana nni i Barnaba ḏ Cawul at ssiwḍen i imeqqranen n jmaƹeṯ n ȓmuminin iy iǧan ḏinni.

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ȓexḏayem 15:12

Marra jmaƹeṯ nni ḏinni iy qqimen war nnin walu, tesȓan i Barnaba ḏ Bulus ssawaȓen x lmuƹjizaṯ ḏ lburhanaṯ igga Arebbi x ufus nsen jar yinni war iǧin ca zi Ayṯ-Israʼil.

Ȓexḏayem 15:2

Iruḥ Bulus ḏ Barnaba temnaqaren ak yinni iy d yusin zi Yahuḏiya, iwqeƹ jarasen ijjen n lxilaf ḏ ameqqran. Kkaren jmaƹeṯ nni n ȓmuminin ḏeg Wanṭakya ixḍaren Bulus ḏ Barnaba bac aṯen ssekken ak ȓebƹaḍ n ȓmuminin nsen ɣar ṯendint n Lquds bac aḏ sseqsan arrusul ḏ imeqqranen n jmaƹeṯ n ȓmuminin x lxilaf-a ig iweqƹen. Wami ssekken Bulus ḏ Barnaba ɣar Lquds x ubriḏ nsen ƹḏun x Finiqya ḏ Samarya. Xebbaren ayṯmaṯneɣ iǧan ḏinni x mammec ig umnen uȓa ḏ yinni war iǧin ca zi Ayṯ-Israʼil. Ȓexbar nni isfareḥ-iṯen aṭṭas marra.

Ȓexḏayem 15:22

X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 15:6

Munen arrusul ḏ imeqqranen n jmaƹeṯ n ȓmuminin ḥima aḏ xzaren ḏi lxilaf-a.

Ȓexḏayem 16:4

Xmi iggur Bulus ḏ imeddukaȓ nnes zeg ubilaj ɣar ubilaj iqqar-asen ȓuṣiyaṯ nni ṯinni iy ggin arrusul ḏ imeqqranen n jmaƹeṯ n ȓmuminin ḏi Lquds ḥima aṯent ḏfaren yiwḏan.

Ȓexḏayem 18:27

Wami ixes Apulus aḏ isafer ɣar lʼiqlim n Uxaya, cejjƹen-ṯ ayṯmas urin-asen ijjen n ṯebrat i imeḥḍaren nni n ḏinni bac azzayes reḥben. Wami yuweḍ ɣar lʼiqlim nni iƹawen aṭṭas yinni yumnen s arḍa n Arebbi.

Ȓexḏayem 21:17

Wami nuweḍ ɣar Lquds, reḥḥben zzayneɣ ayṯmaṯneɣ s ȓefraḥeṯ.

Ȓexḏayem 21:19

Iseǧem xasen Bulus, iƹaweḏ-asen ṯa s ṯa inna-asen min igga Arebbi x ufus nnes jar yinni war iǧin ca zi Ayṯ-Israʼil.

Ayṯ-Ruma 15:18

Cuf, zeƹmeɣ aḏ ssiwȓeɣ ɣir x min ixeddem Lmasiḥ x ufus inu ḥima yinni war iǧin ca zi Ayṯ-Israʼil aḏ ṭaƹen i Arebbi s wawaȓ ḏ ȓexḏayem inu,

Ayṯ-Ruma 15:7

S manaya qebȓeṯ ayawya mammec iy kenniw iqbeȓ Lmasiḥ ḥima aḏ tsemɣarem Arebbi.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

2 Ayṯ-Kurinṯ 5:19

Iƹni Arebbi igga ḏi Lmasiḥ bac aḏ isemṣȓaḥ iwḏan akiḏes, war xasen iḥesseb ca ȓmuƹṣiyaṯ nsen. Ƹaweḏ Arebbi ikellef xaneɣ awaȓ-a wanita n ṣṣulḥ.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Kulus 4:10

Isawwaḍ-awem-d sȓam Aristarxus wenni iy kiḏi iǧan ḏi ȓeḥbes-a. Isawwaḍ-awem-d sȓam uȓa ḏ Marqus mmis n ƹzizes n Barnabas. Tuɣa weṣṣiɣ-kenniw x Marqus-a, meȓa yusa-d ɣarwem reḥḥbeṯ zzayes.

2 Yuḥanna 1:10

Wenni iy ɣarwem d itasen war d itiwi akiḏes ttaƹlim-a, itxeṣṣa-kenniw war ṯ ṯsiḏifem ca ɣar ṯuḏrin nwem war ḏas ṯeqqarem ca ḥetta uȓa ḏ azul.