Ȓexḏayem 15:32 - Ṯarifiṯ 2020

³² Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 15:32 ပူးပေါင်းရင်းမြစ်များ

Matta 23:34

X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint.

Luqa 11:49

X manaya ƹaweḏ ṯeqqar lḥikma n Arebbi aḏasen ssekkeɣ lʼanbiya ḏ arrusul, ijjen aṯ nɣen ijjen axas azzȓen.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ȓexḏayem 11:27

Ḏi ȓiyyam nni hwan-d can n lʼanbiya zi Lquds ɣar Wanṭakya.

Ȓexḏayem 13:1

Ḏi jmaƹeṯ n ȓmuminin ḏi ṯendint n Wanṭakya ḏinni lʼanbiya ḏ imseȓmaḏen. Niṯni ḏ Barnaba, ḏ Simƹan wenni umi qqaren Abercan, ḏ Luqyus zi Lqurina, ḏ Manahen wenni ig irebban ak uzeǧiḏ Hirudus zi ṯemẓi nnes, ḏ Cawul.

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ȓexḏayem 15:1

Usin-d ca n iryazen zi Yahuḏiya seȓmaḏen ayṯmaṯneɣ ḏeg Wanṭakya nnan-asen: "War ṯzemmarem ca aḏ tnejmem illa meȓa ṯeggim ṭṭahareṯ ƹlaḥsab Ccariƹa n Musa."

Ȓexḏayem 15:22

X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 15:27

X manaya nessekk-awem-d uȓa ḏ Yahuḏa-ya ḏ Silas-a bac aḏawem inin s uqemmum nsen min ḏawem d nura ḏi ṯebrat-a.

Ȓexḏayem 15:31

Wami t ɣrin jmaƹeṯ nni farḥen aṭṭas liʼanna ṯcejjeƹ-iṯen.

Ȓexḏayem 15:41

Iruḥ ɣar Surya ḏ lʼiqlim n Kilikya itegg uȓ ḏi ṯjumaƹ n ȓmuminin.

Ȓexḏayem 18:23

Wami iy ḏayes ikka can ȓweqṯ, iffeɣ iƹḏu ḏi jwayeh n Galaṭya ḏ jwayeh n Frijya itegg uȓ ḏeg imeḥḍaren nni iy iǧan ḏinni marra.

Ȓexḏayem 2:40

Iƹȓem-asen Buṭrus aṭṭas iweṣṣa-aṯen inna-asen: "Snejmeṯ ixef nwem zeg yiwḏan n ȓqewṯ-a ḏi ǧan ixarwiḍen."

Ȓexḏayem 20:2

Itcejjaƹ imeḥḍaren ḏinni s waṭṭas n wawaȓen. Wami iƹḏu ḏi jwayeh nni, yuweḍ ɣar Lyunan

Ayṯ-Ruma 12:6

Ƹlaḥsab lbaraka iy ḏaneɣ immucen ɣarneɣ neccin lqudraṯ, kuȓ lqudra war tcibbih ca ḏi ṯenneɣni. Ijjen meȓa yuca-as Arebbi lwaḥi, u labud aḏ isexḏem lqudra-ya ƹlaḥsab lʼiman nnes.

Ayṯ-Ruma 12:8

Ijjen meȓa itcejjaƹ, u labud aḏ icejjeƹ. Ijjen meȓa itṣeddaq, u labud aḏ yiȓi ḏ asexxay. Ijjen meȓa itraya, u labud aḏ iray s wuȓ nnes. Ijjen meȓa ireḥḥem, u labud aḏ irḥem s ȓefraḥeṯ nnes.

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

1 Ayṯ-Kurinṯ 14:29

Fa lʼanbiya u labud aḏ ssiwȓen ṯnayen niɣ ṯȓaṯa. Inneɣni aḏ meyyzen awaȓen nni.

1 Ayṯ-Kurinṯ 14:3

Walakin wenni issawaȓen ak yiwḏan s min iƹȓem zi Arebbi ataf issawaḍ-asen ijjen n wawaȓ bac aḏ twajehhḏen aḏ twacejjƹen aḏ twaṣebbaren.

1 Ayṯ-Kurinṯ 14:32

Wa lqudraṯ ruḥiyaṯ n lʼanbiya aqaṯent x yiri nsen s yixef nsen.

Ayṯ-Ufasus 3:5

Ȓmaƹna-ya war ṯiḏ ismeḍhar ca Arebbi i ṯarwa n Adam ḏi zmanaṯ iy iƹḏun am mammec ṯiḏ ismeḍhar ȓexxu s Arruḥ iqeddsen i arrusul ṣṣaliḥin ak lʼanbiya.

1 Ayṯ-Salunik 2:11

Ntegg akiḏwem am yijjen n uryaz ak ṯarwa nnes. Netweṣṣa-kenniw netcejjaƹ-ikenniw netzeyyar xawem

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

1 Ayṯ-Salunik 5:14

Ay ayṯma, nhaṯ yinni itbaƹen farq-ccɣeȓ, cejjƹeṯ yinni itefciȓen, ƹawneṯ yinni iteḍƹifen, ṣebbareṯ ak marra.

1 Ayṯ-Salunik 5:20

War tseḥqarem ca awaȓen nni iy ƹeȓmen yiwḏan zi Arebbi qqaren-ṯen.

2 Ayṯ-Salunik 3:12

Iwḏan-a netweṣṣa-ṯen neqqar-asen s yisem n Siḏiṯneɣ Ƹisa Lmasiḥ aḏ xeḏmen s lmaƹqul aḏ ccen aɣrum iy iǧan nsen.

1 Timutawus 2:1

Ḏ amezwaru tweṣṣiɣ-kenniw aḏ tettarem i Arebbi aṯ tedƹim aṯ ṭelbem aṯ tcekkarem x marra iwḏan

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.