Ȓexḏayem 15:28 - Ṯarifiṯ 2020

²⁸ Neccin ḏ Arruḥ iqeddsen netwaȓa mliḥ war xawem ntegg bu dqeȓ aṭṭas illa min iǧan wa labud.

Ȓexḏayem 15:28 ပူးပေါင်းရင်းမြစ်များ

Matta 11:30

Ȓaḥeqqac meȓa ṯarbum ṯzayȓut inu nettaṯ aqa ṯehwan, dqeȓ inu ifsus.

Matta 23:4

Tceddan ȓeḥmeȓ iḏeqȓen iqesḥen x yiwḏan ḥima aṯ arbun, walakin war tḥiḏin ca ȓeḥmeȓ nni uȓa s uḍaḍ nsen.

Yuḥanna 16:13

Xmi d ɣa yas Arruḥ n lḥaqiqa, ataf aḏawem d isbeyyen lḥaqiqa ṯekmaȓ. Aqa netta war issiwiȓ ca zeg yixef nnes, issawaȓ illa zi min ḏas ɣa yini Arebbi. Aḏawem ixebbar ḏi ṯmesȓayin iy d ɣa yasen.

Ȓexḏayem 15:19

Inna-asen Yaƹqub: "X manaya nec twaȓiɣ war nseqsaḥ ca x yinni war iǧin ca zi Ayṯ-Israʼil ig itamnen ȓexxu zi Arebbi.

Ȓexḏayem 15:25

Neccin marra ntafeq, nixḍar can n iryazen aṯen d nessekk ɣarwem ak imƹizzen nneɣ Barnaba ḏ Bulus.

Ȓexḏayem 15:8

Arebbi ḏ netta ig issnen uȓ n bnaḏem, iseḍhar-d netta belli iqbeȓ-iṯen iƹni yuca-asen Arruḥ iqeddsen mammec ḏaneɣ ṯ yuca i neccin.

Ȓexḏayem 16:4

Xmi iggur Bulus ḏ imeddukaȓ nnes zeg ubilaj ɣar ubilaj iqqar-asen ȓuṣiyaṯ nni ṯinni iy ggin arrusul ḏ imeqqranen n jmaƹeṯ n ȓmuminin ḏi Lquds ḥima aṯent ḏfaren yiwḏan.

Ȓexḏayem 5:32

X ṯmesȓayin-a ncehheḏ xasent neccin ḏ Arruḥ iqeddsen, Arruḥ-a yuci-ṯ Arebbi i yinni ḏas itṭaƹan."

1 Ayṯ-Kurinṯ 14:37

Meȓa ijjen iḥesseb ixef nnes nican ḏ nnabi niɣ ḏ ijjen n bnaḏem ruḥiya ataf u labud aḏ iqbeȓ min ḏawem d tariɣ ḏi ṯebrat-a nettaṯ ḏ ȓuṣiyeṯ n Siḏiṯneɣ.

1 Ayṯ-Kurinṯ 7:25

Fa ȓexxu aḏ ssiwȓeɣ x ṯḥarmucin war imȓicen ca. War ɣari bu ȓuṣiyeṯ zi Siḏiṯneɣ; Lla qqareɣ manaya s array inu. Teyyqem ḏayi ƹlaḥsab arraḥmeṯ n Siḏiṯneɣ.

1 Ayṯ-Kurinṯ 7:40

Walakin mammec twaȓiɣ nec, aḏ tfareḥ ktar meȓa ṯeqqim mammec ṯeǧa. Wah, tfekkareɣ belli uȓa ḏ nec akiḏi Arruḥ n Arebbi ḏi manaya.

1 Ayṯ-Salunik 4:8

Falihaḏa wenni itagin aḏ iḏfar ȓuṣiyeṯ-a ṯanitan ataf maci itagi i bnaḏem, itagi i Arebbi wenni iy ḏawem d iticcen Arruḥ nnes iqeddsen.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

Lwaḥi 2:24

Amma kenniw nneɣni iy iǧan ḏi Ṯiyatra war ṯeqbiȓem ca ttaƹlim nni, war ṯessinem ca manayenni umi qqaren yiwḏan Qqareɣ-awem nec war xawem teggeɣ bu ca n dqeȓ nneɣni.