Ȓexḏayem 15:25 - Ṯarifiṯ 2020

²⁵ Neccin marra ntafeq, nixḍar can n iryazen aṯen d nessekk ɣarwem ak imƹizzen nneɣ Barnaba ḏ Bulus.

Ȓexḏayem 15:25 ပူးပေါင်းရင်းမြစ်များ

Matta 11:26

Wah a Baba, ȓaḥeqqac ammu iy xak yarḍa.

Luqa 1:3

A siḏi uȓa ḏ nec tɣiȓ-ayi mliḥ aḏ ggeɣ aḏ ariɣ min iweqƹen wami beḥṯeɣ ḏi marra manaya mliḥ. Aḏac ṯ ariɣ ṯa s ṯa ḥima aḏ tessneḏ ȓḥaqq n ṯmesȓayin nni iy ḏac seȓmaḏen.

Ȓexḏayem 1:14

Yina kuȓ nhar tmunen marra s yijjen n lfikra tẓaǧan, akiḏsen can n ṯemɣarin ḏ Maryam yemmas n Ƹisa ḏ ayṯmas.

Ȓexḏayem 15:2

Iruḥ Bulus ḏ Barnaba temnaqaren ak yinni iy d yusin zi Yahuḏiya, iwqeƹ jarasen ijjen n lxilaf ḏ ameqqran. Kkaren jmaƹeṯ nni n ȓmuminin ḏeg Wanṭakya ixḍaren Bulus ḏ Barnaba bac aṯen ssekken ak ȓebƹaḍ n ȓmuminin nsen ɣar ṯendint n Lquds bac aḏ sseqsan arrusul ḏ imeqqranen n jmaƹeṯ n ȓmuminin x lxilaf-a ig iweqƹen. Wami ssekken Bulus ḏ Barnaba ɣar Lquds x ubriḏ nsen ƹḏun x Finiqya ḏ Samarya. Xebbaren ayṯmaṯneɣ iǧan ḏinni x mammec ig umnen uȓa ḏ yinni war iǧin ca zi Ayṯ-Israʼil. Ȓexbar nni isfareḥ-iṯen aṭṭas marra.

Ȓexḏayem 15:22

X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 15:35

Bulus ḏ Barnaba qqimen ḏi ṯendint n Wanṭakya, seȓmaḏen tbeccaren s wawaȓ n Siḏi Arebbi, niṯni ḏ waṭṭas n yiwḏan.

Ȓexḏayem 15:6

Munen arrusul ḏ imeqqranen n jmaƹeṯ n ȓmuminin ḥima aḏ xzaren ḏi lxilaf-a.

Ȓexḏayem 2:1

Wami d yuweḍ Ȓƹiḏ n nhar wis xemsin, munen marra ȓmuminin ḏeg yijjen n umcan.

Ȓexḏayem 2:46

Tmunen marra iḏsen mkuȓ nhar ḏi ṯemziḏa ṯameqqrant n Ayṯ-Israʼil. Tetten aɣrum marra ḏi ṯuḏrin nsen, tetten mecca s ȓefraḥeṯ ḏ ȓxaḍar nsen.

Ayṯ-Ruma 16:12

Siwḍem-asent sȓam i Ḍrifuna ḏ Ḍrifisa ṯinni ixeddmen aṭṭas ḏi Siḏiṯneɣ. Siwḍem-as sȓam i Ṯafersist iy xaneɣ iƹizzen, ṯxeddem aṭṭas ḏi Siḏiṯneɣ.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

Ayṯ-Ufasus 6:21

Rezzuɣ aḏ tessnem mamc ǧiɣ ḏ min teggeɣ. Ḏ uma Tuciq iƹizzen iy ḏawem ɣa yinin marra manaya. Netta ḏ ijjen n uxeddam nican ḏi Siḏiṯneɣ.

Ayṯ-Kulus 4:7

Umaṯneɣ Tuciq akenniw ixebbar x marra min teggeɣ ḏanita. Netta iƹizz xafi, itsexxar i Arebbi s yijjen n ttiqeṯ. Netta ḏ axeddam itemƹacaren akiḏi ḏi ȓxeḏmeṯ n Siḏiṯneɣ.

Ayṯ-Kulus 4:9

Akiḏes umaṯneɣ Wanisamu netta iy xaneɣ iƹizzen ḏayes ttiqeṯ, netta zi ṯmurṯ nwem. Yina akenniw xebbaren marra min iweqƹen ḏeg umcan-a.

Filimun 1:16

Walakin ȓexxu maci am ismeɣ, netta ḥsen zeg ismeɣ: Am umac iy xac iƹizzen. Netta iƹizz xafi, walakin cek iƹizz xac ktar: ḏi ȓxeḏmeṯ u ƹaweḏ am umac ḏi Siḏiṯneɣ.

2 Buṭrus 3:15

Ḥesbem ṣṣbar n Siḏiṯneɣ netta am yijjen n ȓḥajeṯ iy kenniw isenjamen. Ḏ manaya iy ḏawem d yura umaṯneɣ iƹizzen Bulus s ȓefhameṯ iy ḏas d immucen.