Ȓexḏayem 15:22 - Ṯarifiṯ 2020

²² X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 15:22 ပူးပေါင်းရင်းမြစ်များ

Ȓexḏayem 1:23

Kkaren qeddmen ṯnayen n yiwḏan: ijjen qqaren-as Matyas ijjen qqaren-as Yusef. Yusef nni ƹaweḏ qqaren-as Barsaba niɣ Yustus.

Ȓexḏayem 11:19

Ƹlaḥsab aƹeddeb nni iy iweqƹen wami itwaneɣ Stifan, ȓmuminin kuȓ ijjen mani iruḥ: ijjen iruḥ aȓ Finiqya, ijjen iruḥ aȓ Qubruṣ, ijjen iruḥ aȓ Wanṭakya. War tbecciren ḏinni ḥadd s wawaȓ n Arebbi illa israʼiliyen.

Ȓexḏayem 11:20

Walakin ȓebƹaḍ n iryazen zi Qubruṣ ḏ Lqurina usin-d ɣar Wanṭakya bḏan ssawaȓen ak iyunaniyen tbeccaren-ṯen s Siḏiṯneɣ Ƹisa.

Ȓexḏayem 11:22

Yuweḍ ȓexbar-a ɣar jmaƹeṯ n ȓmuminin ḏi Lquds, kkaren ssekken Barnaba ɣar Wanṭakya.

Ȓexḏayem 11:27

Ḏi ȓiyyam nni hwan-d can n lʼanbiya zi Lquds ɣar Wanṭakya.

Ȓexḏayem 15:23

Ssekken akiḏsen ṯabrat-a nnan-asen: "Ay ayṯmaṯneɣ war iǧin ca zi Ayṯ-Israʼil ig izeddɣen ḏi Wanṭakya ḏ Surya ḏ lʼiqlim n Kilikya, netseǧam xawem neccin iy iǧan ḏ arrusul ḏ imeqqranen n jmaƹeṯ n ȓmuminin.

Ȓexḏayem 15:25

Neccin marra ntafeq, nixḍar can n iryazen aṯen d nessekk ɣarwem ak imƹizzen nneɣ Barnaba ḏ Bulus.

Ȓexḏayem 15:27

X manaya nessekk-awem-d uȓa ḏ Yahuḏa-ya ḏ Silas-a bac aḏawem inin s uqemmum nsen min ḏawem d nura ḏi ṯebrat-a.

Ȓexḏayem 15:30

Yina itwassekken ɣar Wanṭakya ṣafi uwḍen ḏinni, smunen jmaƹeṯ n ȓmuminin ucin-asen ṯabrat nni.

Ȓexḏayem 15:32

Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 15:40

Bulus netta ixḍar Silas, ffɣen niṯni kellfen-ṯen ȓmuminin x ȓxeḏmeṯ nni nnan axawem yarḍa Siḏiṯneɣ.

Ȓexḏayem 16:19

Ayṯbab n ṯismeɣṯ nni wami ufin ṯawwarṯ n lmanda nsen ṣafi ṯbelleƹ xasen, kkaren ṭṭfen Bulus ḏ Silas jarren-ṯen ɣar ssaḥa ɣar lḥukkam.

Ȓexḏayem 16:25

Ɣar ȓwesṭ n ǧiȓeṯ Bulus ḏ Silas tẓaǧan tɣennajen izȓan i Arebbi, tesȓan-asen imeḥbas.

Ȓexḏayem 16:29

Inna lḥaris n ȓeḥbes ceƹƹȓem ȓefnaraṯ. Iruḥ itazzeȓ ɣar Bulus ḏ Silas isejjeḏ-asen ɣar iḍaren nsen ibḏa iterjiji.

Ȓexḏayem 17:10

Ssenni s ǧiȓeṯ nni ayṯmaṯneɣ ssekken Bulus ḏ Silas ɣar ṯendint umi qqaren Birya. Wami uwḍen, uḏfen ɣar ṯemziḏa n Ayṯ-Israʼil.

Ȓexḏayem 17:14

Ȓexddenni ayṯmaṯneɣ ssekken Bulus ɣar ȓebḥar, iqqim Silas ḏ Timutawus ḏi ṯendint n Birya.

Ȓexḏayem 17:4

Qtanƹen ȓebƹaḍ zzaysen munen ak Bulus ḏ Silas. Akiḏsen xarebbi n iyunaniyen iy iteggwḏen Arebbi. Akiḏsen ƹaweḏ aṭṭas n ṯemɣarin zi ṯinni iy ɣar ṯeǧa lmartaba.

Ȓexḏayem 18:5

Wami d ixḍeȓ Silas ḏ Timutawus zi lʼiqlim n Masidunya, ibḏa Bulus ixeddem ɣir s ttebcir u ṣafi, icehheḏ i Ayṯ-Israʼil belli Ƹisa netta ḏ Lmasiḥ.

Ȓexḏayem 8:14

Wami d arrin ȓexbar arrusul ḏi Lquds qa Ayṯ-Samarya qebȓen awaȓ n Arebbi, kkaren ssekken ɣarsen Buṭrus ḏ Yuḥanna.

2 Ayṯ-Kurinṯ 1:19

Liʼanna Mmis n Arebbi iƹni Ƹisa Lmasiḥ netbeccar-iṯ jarawem nec uȓa ḏ Silas uȓa ḏ Timutawus. Lmasiḥ war iǧi bu ḏ wah akeḏ lla, netta iǧa ȓebda ḏ u ṣafi.

1 Ayṯ-Salunik 1:1

Nec ḏ Bulus, akiḏi Silas ḏ Timutawus. Ntari ṯabrat-a ɣar jmaƹeṯ n ȓmuminin n Ayṯ-Salunik iy yumnen zi Arebbi Babaṯneɣ ḏ Ƹisa Lmasiḥ Siḏiṯneɣ. Akiḏwem yiȓi arḍa ḏ ȓehna.

2 Ayṯ-Salunik 1:1

Nec ḏ Bulus, akiḏi Silas ḏ Timutawus, nura ṯabrat-a ɣar jmaƹeṯ n ȓmuminin n Ayṯ-Salunik iy yumnen zi Arebbi Babaṯneɣ ḏ Ƹisa Lmasiḥ Siḏiṯneɣ.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.