Ȓexḏayem 15:2 - Ṯarifiṯ 2020

^2-3 Iruḥ Bulus ḏ Barnaba temnaqaren ak yinni iy d yusin zi Yahuḏiya, iwqeƹ jarasen ijjen n lxilaf ḏ ameqqran. Kkaren jmaƹeṯ nni n ȓmuminin ḏeg Wanṭakya ixḍaren Bulus ḏ Barnaba bac aṯen ssekken ak ȓebƹaḍ n ȓmuminin nsen ɣar ṯendint n Lquds bac aḏ sseqsan arrusul ḏ imeqqranen n jmaƹeṯ n ȓmuminin x lxilaf-a ig iweqƹen. Wami ssekken Bulus ḏ Barnaba ɣar Lquds x ubriḏ nsen ƹḏun x Finiqya ḏ Samarya. Xebbaren ayṯmaṯneɣ iǧan ḏinni x mammec ig umnen uȓa ḏ yinni war iǧin ca zi Ayṯ-Israʼil. Ȓexbar nni isfareḥ-iṯen aṭṭas marra.

Ȓexḏayem 15:2 ပူးပေါင်းရင်းမြစ်များ

Ȓexḏayem 10:23

Ikkar Buṭrus isiḏef-iṯen ɣar ḏaxeȓ isnewjew-iṯen. Ṯiwecca nnes iruḥ akiḏsen Buṭrus. Munen akiḏes ȓebƹaḍ n ayṯmas zi ṯendint n Yafa.

Ȓexḏayem 11:12

Ṯumma iweṣṣa-ayi Arruḥ n Arebbi inna-ayi ruḥ akiḏsen bȓa ma aḏaysen ṯcekkeḏ. Uwiɣ akiḏi setta-ya n yayṯma, nuḏef ɣar ṯeddarṯ n Kurninyus.

Ȓexḏayem 11:30

Amenni iy ggin jarasen, ucin lmuƹawana nni i Barnaba ḏ Cawul at ssiwḍen i imeqqranen n jmaƹeṯ n ȓmuminin iy iǧan ḏinni.

Ȓexḏayem 15:25

Neccin marra ntafeq, nixḍar can n iryazen aṯen d nessekk ɣarwem ak imƹizzen nneɣ Barnaba ḏ Bulus.

Ȓexḏayem 15:27

X manaya nessekk-awem-d uȓa ḏ Yahuḏa-ya ḏ Silas-a bac aḏawem inin s uqemmum nsen min ḏawem d nura ḏi ṯebrat-a.

Ȓexḏayem 15:4

Wami uwḍen ɣar Lquds, reḥḥben zzaysen jmaƹeṯ n ȓmuminin ḏ imeqqranen n jmaƹeṯ-a ḏ arrusul. Ḏinni Bulus ḏ Barnaba ƹawḏen-asen i niṯni marra min igga Arebbi x ufus nsen.

Ȓexḏayem 16:4

Xmi iggur Bulus ḏ imeddukaȓ nnes zeg ubilaj ɣar ubilaj iqqar-asen ȓuṣiyaṯ nni ṯinni iy ggin arrusul ḏ imeqqranen n jmaƹeṯ n ȓmuminin ḏi Lquds ḥima aṯent ḏfaren yiwḏan.

Ȓexḏayem 21:18

Ṯiwecca nnes yuḏef akiḏneɣ Bulus ɣar arrasul Yaƹqub, ḥḍaren ḏinni marra imeqqranen n jmaƹeṯ n ȓmuminin.

1 Ayṯ-Kurinṯ 1:1

Ṯabrat-a zzayi nec Bulus akiḏi umaṯneɣ Sastin. Iȓaɣa-ayi-d Arebbi s ȓxaḍar nnes ḥima aḏ iȓiɣ ḏ arrasul n Ƹisa Lmasiḥ.

2 Ayṯ-Kurinṯ 11:5

Cuf, war ḥessbeɣ ca ixef inu ḏ aneqṣi zi arrusul imezwura. Lla walu.

Ayṯ-Galaṭya 2:5

Walakin neccin nugi aḏasen negg array uȓa ḏ ijjen n dqiqeṯ ḥima aḏ teqqim akiḏwem lḥaqiqa n Lʼinjil.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.