Ȓexḏayem 15:13 - Ṯarifiṯ 2020

¹³ Wami kemmȓen awaȓ nsen, indeq-d Yaƹqub inna-asen: "Ay ayṯma, ṣennṭem ɣari mliḥ!

Ȓexḏayem 15:13 ပူးပေါင်းရင်းမြစ်များ

Marqus 15:40

Ḏinni can n ṯemɣarin xezzarent-id zi ȓeggwaj, ḏaysent Maryam ṯamagdaliṯ, ḏ Salumi, ḏ Maryam yemmas n Yaƹqub amezyan ḏ Yusis.

Ȓexḏayem 12:17

Iqqar-asen s ufus stukaṯ, ssenni iƹaweḏ-asen mammec iy ṯ isufeɣ Siḏi Arebbi zi ȓeḥbes. Inna-asen: "Xebbarem Yaƹqub ḏ ayṯmaṯneɣ s min iweqƹen." Iffeɣ iruḥ ɣar yijjen n umcan nneɣni.

Ȓexḏayem 15:14

Iƹaweḏ-aneɣ Simƹan x mammec ḏeg umezwaru ifqeḏ Arebbi yinni war iǧin ca zi Ayṯ-Israʼil ixḍar ca zzaysen aḏ iȓin ḏ ccaƹb nnes.

Ȓexḏayem 2:14

Buṭrus aqaṯ ak ḥiṭac nni n arrusul, ikkar issiweȓ s jjheḏ inna-asen: "Ay iryazen n Ayṯ-Israʼil ḏ marra imezḏaɣ n Lquds, itxeṣṣa aḏ tessnem aḏ tṣennṭem mliḥ i wawaȓen inu.

Ȓexḏayem 2:22

Ay iryazen n Ayṯ-Israʼil, ṣennṭeṯ i min ḏawem ɣa iniɣ. Ƹisa-ya zi Naṣira min iƹna netta? Netta ḏ ijjen n uryaz itwaḍhar-d zi Arebbi i kenniw s lmuƹjizaṯ ḏ lburhanaṯ ḏ lƹalamaṯ ig igga Arebbi x ufus n Ƹisa jarawem mammec ṯessnem.

Ȓexḏayem 2:29

Ay ayṯma, aḏawem iniɣ ṣarraḥa: Dawed zi ssalaf ṣṣaliḥin, netta immuṯ itwanḍeȓ. Anḍeȓ nnes aqaṯ akiḏneɣ aȓ nhara.

Ȓexḏayem 21:18

Ṯiwecca nnes yuḏef akiḏneɣ Bulus ɣar arrasul Yaƹqub, ḥḍaren ḏinni marra imeqqranen n jmaƹeṯ n ȓmuminin.

Ȓexḏayem 22:1

"Ay ayṯma ay imɣaren, ṣennṭeṯ-ayi mliḥ ȓexxu bac aḏ ḏafƹeɣ x yixef inu!"

Ȓexḏayem 7:2

Inna-asen Stifan: "Ay ayṯma! A yinni imɣaren! Ṣennṭeṯ ɣari. Wami tuɣa iǧa jeddiṯneɣ Brahim ḏi ṯmurṯ nni n Misubuṭamya qbeȓ ma aḏ izḏeɣ ḏi ṯendint n Ḥaran, imeḍhar-as-d Arebbi Lƹaḍim

Ayṯ-Galaṭya 1:19

Nec ḏinni war ẓriɣ uȓa ḏ ijjen n arrasul nneɣni ɣir Yaƹqub umas n Siḏiṯneɣ.

Ayṯ-Galaṭya 2:12

Min iƹna lɣaleṭ nni? Aqa qbeȓ ma aḏ d yas ijjen n ȓḥizeb iƹni can yiwḏan zi Yaƹqub tuɣa Buṭrus itett ak ȓmuminin iǧan ḏ iyunaniyen. Walakin wami d yusa ȓḥizeb nni, ibḏa Buṭrus itbeƹƹaḏ x iyunaniyen nni ineƹzeȓ xasen. Mayemmi? Liʼanna iggweḏ zi ȓḥizeb nni iƹni n ṭṭahareṯ.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

Yaƹqub 1:1

Nec ḏ Yaƹqub ḏ ȓƹabḏ n Arebbi ḏ ȓƹabḏ n Siḏiṯneɣ Ƹisa Lmasiḥ, tseǧameɣ x ṯenƹac n ṯqebbaȓ n ȓmuminin iy itemzeǧaƹen x ṯmura.

Yaƹqub 1:19

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.