Ȓexḏayem 14:3 - Ṯarifiṯ 2020

³ Bulus ḏ Barnaba qqimen ḏinni aṭṭas n ȓweqṯ tbeccaren s Siḏiṯneɣ s yijjen n zƹameṯ. Igga Siḏiṯneɣ lmuƹjizaṯ ḏ lburhanaṯ x ifassen n Bulus ḏ Barnaba bac aḏ isbeyyen awaȓen nni iy tbeccaren x arḍa n Siḏiṯneɣ ḏ ṣṣaḥ.

Ȓexḏayem 14:3 ပူးပေါင်းရင်းမြစ်များ

Marqus 16:20

Niṯni ffɣen beccaren iwḏan ḏi mkuȓ amcan. Siḏiṯneɣ aqaṯ akiḏsen, ismeḍhar-d ȓḥaqq n yinni itbeccaren s waṭṭas n lƹalamaṯ iy ṯen iḏeffaren.}

Yuḥanna 4:48

Inna-as Ƹisa: "Kenniw, ma war timnem ca ḥetta aḏ teẓrem lmuƹjizaṯ ḏ lburhanaṯ?"

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 2:22

Ay iryazen n Ayṯ-Israʼil, ṣennṭeṯ i min ḏawem ɣa iniɣ. Ƹisa-ya zi Naṣira min iƹna netta? Netta ḏ ijjen n uryaz itwaḍhar-d zi Arebbi i kenniw s lmuƹjizaṯ ḏ lburhanaṯ ḏ lƹalamaṯ ig igga Arebbi x ufus n Ƹisa jarawem mammec ṯessnem.

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Ȓexḏayem 5:32

X ṯmesȓayin-a ncehheḏ xasent neccin ḏ Arruḥ iqeddsen, Arruḥ-a yuci-ṯ Arebbi i yinni ḏas itṭaƹan."

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

1 Ayṯ-Salunik 2:2

Ḏi ṯendint n Filippi ṯessnem belli tƹeddan xaneɣ ḏinni tbuṣaren xaneɣ. Walakin neccin nzaƹem akiḏwem, tuɣa itƹawan-aneɣ Arebbi bac a nbeccar jarawem s Lʼinjil waxxa can yiwḏan tƹarraḍen-aneɣ.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.