Ȓexḏayem 14:22 - Ṯarifiṯ 2020

²² Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ȓexḏayem 14:22 ပူးပေါင်းရင်းမြစ်များ

Matta 10:38

Wenni itagin aḏ iysi ṣṣalib nnes aḏayi iḏfar nec, ataf war ḏayi isḏiheǧ ca.

Matta 16:24

Ssenni issiweȓ Ƹisa ak imeḥḍaren nnes inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes aḏayi iḏfar.

Matta 19:24

Qqareɣ-awem ƹaweḏ: Aqa isheȓ aḏ iƹḏu ijjen n uȓɣem zi ṯiṭṭ n ṯseynefṯ qbeȓ ma aḏ yaḏef ijjen n ttajar ḏi ȓmulk n Arebbi."

Marqus 10:30

ataf aɣares ṯiȓi miyya n ṯseqqar zi ṯuḏrin ḏ ayṯmas ḏ suyṯmas ḏ yemmas ḏ ṯarwa nnes ḏ imarjeƹiwen nnes. Aɣares yiȓi uƹeddeb ḏi zman-a, walakin ḏi zman iy d ɣa yasen aɣares ṯiȓi ṯuḏarṯ n ȓebda.

Marqus 9:47

Meȓa ṯiṭṭ nnec tsebbab-ac ḏi can ȓefḍiḥeṯ, qȓeƹ-it zaƹma. Ḥsen i cek aḏ taḏfeḏ jjenneṯ s yijjen n ṯiṭṭ zi meȓa qqiment ɣarek ṯnayen n ṯiṭṭawin aḏ tmenḍareḏ ḏi jahennama.

Luqa 24:26

Tuɣa itxeṣṣa i Lmasiḥ aḏ iƹeddeb, ssenni aḏ yaḏef ɣar lƹaḍama nnes."

Yuḥanna 15:18

Meȓa ddunect tƹiffa-kenniw, fekkareṯ qa nec ṯƹiff-ayi qbeȓ i kenniw.

Yuḥanna 15:20

Fekkareṯ ḏeg wawaȓ iy ḏawem nniɣ iƹni axeddam war iǧi ca ḏ ameqqran zeg uweqqaf nnes. Meȓa ƹeddben-ayi, ataf akenniw ƹeddben. Meȓa sȓin i wawaȓ inu, ataf aḏ sȓen ƹaweḏ i wawaȓ nwem.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Yuḥanna 3:5

Inna-as Ƹisa: "Aqa tesȓiḏ ȓḥaqq: Meȓa can yijjen war d ixȓiq ca s waman ḏ Arruḥ n Arebbi, war izemmar aḏ yaḏef ḏi ȓmulk n Arebbi.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ȓexḏayem 11:26

Wami ṯ yufa yuwi-ṯ-iḏ akiḏes ɣar ṯendint-a n Wanṭakya. Seƹḏun ƹam ikmaȓ ak jmaƹeṯ n ȓmuminin, seȓmaḏen aṭṭas n yiwḏan. Ḏanita ḏi Wanṭakya-ya iy twasemman imeḥḍaren ṯwaȓa ṯamezwarut s

Ȓexḏayem 11:29

Kkaren imeḥḍaren tafqen jarasen kuȓ ijjen zzaysen aḏ ssekken cwayt n lmuƹawana ƹlaḥsab ṯizemmar nsen ɣar ayṯmaṯsen ig izeddɣen ḏi Yahuḏiya.

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 14:20

Walakin wami xas munen imeḥḍaren, ikkar-d iddar wa ssenni yuḏef ɣar ṯendint. Ṯiwecca nnes iffeɣ ak Barnaba iruḥ ɣar ṯendint n Dirba.

Ȓexḏayem 14:28

Seƹḏun aṭṭas n ȓweqṯ ḏinni ak imeḥḍaren.

Ȓexḏayem 15:32

Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 15:41

Iruḥ ɣar Surya ḏ lʼiqlim n Kilikya itegg uȓ ḏi ṯjumaƹ n ȓmuminin.

Ȓexḏayem 18:23

Wami iy ḏayes ikka can ȓweqṯ, iffeɣ iƹḏu ḏi jwayeh n Galaṭya ḏ jwayeh n Frijya itegg uȓ ḏeg imeḥḍaren nni iy iǧan ḏinni marra.

Ȓexḏayem 6:7

Intacar wawaȓ n Arebbi, marnin-d aṭṭas n imeḥḍaren ḏi Lquds, umnen aṭṭas n ȓfuqaha n Ayṯ-Israʼil zi Lʼinjil.

Ȓexḏayem 9:16

Nec aḏas d seḍhareɣ mecḥaȓ iy ɣa itwaƹeddeb u labud x ssabab n yisem inu nec."

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

1 Ayṯ-Kurinṯ 1:8

Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

Ayṯ-Filippas 1:29

Maci ƹlaḥsab Lmasiḥ azzayes ṯamnem waha; Lla, labud ƹaweḏ aḏ twaƹeddbem ƹlaḥsab ssabab nnes.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

1 Ayṯ-Salunik 3:13

Aḏawem isejheḏ uȓawen nwem bac aḏ tiȓim bȓa ȓƹib aḏ tiȓim muqeddsin zzaṯ i Arebbi Babaṯneɣ xmi d ɣa yas Siḏiṯneɣ Ƹisa ak marra ṣṣaliḥin nnes.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

2 Timutawus 3:12

Ḏ ṣṣaḥ, marra wenni iy irezzun aḏ iƹic s lʼiman iǧan ḏi Ƹisa Lmasiḥ qa aḏ itwaƹeddeb.

1 Buṭrus 2:21

Iȓaɣa-yawem-d Arebbi ɣar manaya minzi Lmasiḥ itwaƹeddeb ƹlaḥsab kenniw; Ijja-awem-d ijjen n lmiṯal aṯ tḏeffarem ḏeg isurifen nnes.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

1 Buṭrus 5:9

Ƹarrḍem-as i Ibȓis, beddem nican x dsas n lʼiman nwem minzi ṯessnem belli ayṯmaṯwem ḏi marra ddunect-a aqa twaƹeddaben am kenniw.

2 Buṭrus 1:11

Ataf aḏawem twassewjeḏ ƹaweḏ ijjen n ṯewwarṯ ḏ ṯaṣebḥant ɣar ȓmulk nnes war ifennin ca n Siḏiṯneɣ Ƹisa Lmasiḥ wenni iy ḏaneɣ isenjamen.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Lwaḥi 7:14

Jawbeɣ-ṯ nniɣ-as: "Ḏ cek iy issnen a Siḏi." Inna-ayi: "Yina ḏ yinni inejmen zi ȓmiḥneṯ ṯameqqrant, ṣebbnen ičammiren nsen s iḏammen n Yizmar arrin-ṯen ḏ icemȓaȓen.