Ȓexḏayem 14:21 - Ṯarifiṯ 2020

²¹ Beccaren ḏi ṯendint nni n Dirba, arrin aṭṭas n yiwḏan ḏ imeḥḍaren. Ssenni ḏewȓen ɣar ṯendint n Listra ḏ Ikunya ḏ Wanṭakya.

Ȓexḏayem 14:21 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Ȓexḏayem 13:14

Niṯni ffɣen zi ṯendint n Barja ruḥen ɣar ṯendint n Wanṭakya ḏi jwayeh n Pisidya. Uḏfen qqimen ḏi ṯemziḏa n Ayṯ-Israʼil ḏi nhar n ssebṯ.

Ȓexḏayem 13:51

Kkaren Bulus ḏ Barnaba mesḥen ṯaƹejjact zeg iḍaren nsen am yijjen n chaḏeṯ xasen, ruḥen ɣar ṯendint n Ikunya.

Ȓexḏayem 14:1

Ḏi ṯendint n Ikunya uḏfen Bulus ḏ Barnaba s ṯnayen iḏsen ɣar ṯemziḏa n Ayṯ-Israʼil, umnen aṭṭas n israʼiliyen ḏ iyunaniyen s ttebcir nsen.

Ȓexḏayem 14:15

"Ay iryazen, mayemmi teggem manaya? Qa neccin ḏ iwḏan waha am kenniw am neccin kif-kif. Nuwi-awem-d ijjen n wawaȓ ḏ aṣebḥan bac aḏ tbeƹƹḏem i ṯmesȓayin-a war ineffƹen ca, aḏ tḏewȓem ɣar Arebbi iddaren iy d ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 14:19

Menbaƹḏ usin-d can israʼiliyen zi Wanṭakya ḏ Ikunya tsamaren ȓɣaci nni, arejmen Bulus s uzru jarren-ṯ barra i ṯendint tɣiȓ-asen immuṯ.

Ȓexḏayem 14:26

Wami kemmȓen ȓxeḏmeṯ nni ḏinni, ƹeqben ssenni ḏeg uɣarrabu ɣar ṯendint n Wanṭakya manis d usin qbeȓ, zi manis twakellfen s ȓxeḏmeṯ nni s arḍa n Arebbi.

Ȓexḏayem 14:6

Arrin-d ȓexbar arrusul, arewȓen ɣar ṯendint n Listra ḏ ṯendint n Dirba ḏ marra jwayeh iy ḏasent d yuḏsen tbeccaren ḏinni ḏi lwilaya n Likawniya.

Ȓexḏayem 14:8

Ḏi ṯendint n Listra ḏinni ijjen n uryaz ḏ anecruf mmuṯen-as iḍaren, zeg wami d ixȓeq ƹemmarṣ ma yuyur.

Ȓexḏayem 15:36

Ṯeƹḏu ijjen n ȓweqṯ, inna-as Bulus i Barnaba: Yallah, a neḏweȓ ɣar ayṯmaṯneɣ ḏi kuȓ ṯendint mani nbeccar s wawaȓ n Siḏi Arebbi a nẓer mammec ǧan.

Ȓexḏayem 16:2

Ayṯmaṯneɣ iy iǧan ḏi ṯendint n Ikunya ḏ Listra ssiwȓen mliḥ x Timutawus.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

2 Timutawus 3:11

ḏ uƹeddeb inu ḏ tamara inu. Ṯessneḏ min ḏayi iweqƹen ḏi ṯendint n Wanṭakya ḏ Ikunya ḏ Listra ḏ min twaƹeddbeɣ ḏeg imucan nni. Innama, isefȓeṯ-ayi-d Siḏiṯneɣ zi marra manayenni.