Ȓexḏayem 14:15 - Ṯarifiṯ 2020

¹⁵ "Ay iryazen, mayemmi teggem manaya? Qa neccin ḏ iwḏan waha am kenniw am neccin kif-kif. Nuwi-awem-d ijjen n wawaȓ ḏ aṣebḥan bac aḏ tbeƹƹḏem i ṯmesȓayin-a war ineffƹen ca, aḏ tḏewȓem ɣar Arebbi iddaren iy d ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 14:15 ပူးပေါင်းရင်းမြစ်များ

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Yuḥanna 5:26

Am Babas ɣares ṯuḏarṯ ḏeg yixef nnes, ammu iy ḏas yuca i Mmis aɣares ṯiȓi ṯuḏarṯ ḏeg yixef nnes.

Yuḥanna 7:18

Wenni issawaȓen zi ɣares irezzu lƹaḍama i yixef nnes. Wenni irezzun lƹaḍama n wenni iy ṯiḏ issekken, qa netta ḏayes lḥaqiqa war ḏayes bu ȓɣecc.

Ȓexḏayem 10:26

Isbedd-iṯ Buṭrus x iḍaren inna-as: "Lla, kkar bedd. Qa nec ḏ bnaḏem am nec am cek."

Ȓexḏayem 13:32

Fa neccin netbeccar-ikenniw s manaya. Iƹni Arebbi wami d isekkar Ƹisa zi ȓmewṯ ṣafi ikemmeȓ min zi tuɣa iwƹeḏ ȓejḏuḏ nneɣ, ikemmeȓ-iṯ akiḏneɣ neccin iǧan ḏ ṯarwa nsen. Aqa yura ḏi Lkitab n Zzabur ḏeg yizȓi wis ṯnayen: Aqa cek ḏ Mmi, nhara nec ḏewȓeɣ ḏ Babac.

Ȓexḏayem 14:21

Beccaren ḏi ṯendint nni n Dirba, arrin aṭṭas n yiwḏan ḏ imeḥḍaren. Ssenni ḏewȓen ɣar ṯendint n Listra ḏ Ikunya ḏ Wanṭakya.

Ȓexḏayem 16:30

Isufeɣ-iṯen-d inna-asen: "A siyaḏi, min ɣa ggeɣ bac aḏ nejmeɣ?"

Ȓexḏayem 27:21

Wami kkin aṭṭas n ȓweqṯ war ccin ca aɣrum, ikkar Bulus inna-asen: "Ay iryazen, maƹlik ḏayi ṯeggim array war ṯeffiɣem ca zi ṯeyzirṯ n Krit, ataf qa war xawem ṯekki ca tamara-ya niɣ ḏ ṯxessarṯ-a.

Ȓexḏayem 27:25

Inna-asen Bulus: "Iwa iȓiṯ ḏ iryazen! Qa nec tamneɣ zi Arebbi min ḏayi inna aḏ yiȓi qa aḏ yiȓi.

Ȓexḏayem 4:24

Wami sȓin i manaya, ttaren i Arebbi ḏi ṯẓaǧiṯ marra iḏsen nnan-as: "Ya Mawlana ḏ cek ixeȓqen ajenna ḏ ṯmurṯ ḏ ȓebḥar ḏ marra min ḏaysen.

Ȓexḏayem 7:26

Ṯiwecca nnes yufa ṯnayen israʼiliyen tmenɣan jarasen, ixes aṯen ismeṣȓaḥ inna-asen: Kenniw ḏ awmaṯen, mayemmi tƹeddam x wayawya?

1 Ayṯ-Kurinṯ 8:4

Amma lmakla itqeddamen i lʼaṣnam, nessen lʼaṣnam ǧan ḏi ddunect-a walakin ḏ ixarriqen waha. Nessen neccin ijjen n Arebbi ig iǧan, waḥḏes.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

Iƹibraniyen 3:12

Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

Yaƹqub 5:17

Tuɣa nnabi Ilyas netta ḏ bnaḏem am neccin, itẓaǧa aṭṭas ḥima war icciṯ bu unẓar. Ikka ṯeȓt snin ḏ uzyen war yuwṯi bu unẓar x ṯmurṯ.

Lwaḥi 14:7

Ṯeqqar s jjheḏ: "Ggwḏem Arebbi semɣarem-ṯ, aqa ṯuweḍ-d ṯsaƹƹat nnes aḏ igg lḥisab ḏ lƹiqab. Sejjḏeṯ i wenni iy d ixeȓqen ajenna ḏ ṯmurṯ ḏ ȓebḥar ḏ ȓaƹnaṣer."

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 19:19

Ẓriɣ ȓwaḥc ḏ izeǧiḏen n ṯmurṯ ḏ ȓƹaskar nsen njemƹen ḥima aḏ ḥarben wenni inyin x uyis ḏ ȓƹaskar nnes.

Lwaḥi 22:9

Inna-ayi: "Lla! Qa nec ḏ ȓƹabḏ, am nec am cek am ayṯmac lʼanbiya ḏ marra yinni iteggen array i wawaȓen n Lkitab-a. Sejjeḏ-as i Arebbi."

Lwaḥi 4:11

"A Mawlana a Siḏi Arebbi nneɣ, ḏ cek iy isḏaheǧen lƹaḍama ḏ uweqqar ḏ jjheḏ, ȓaḥeqqac cek ṯxeȓqeḏ kuȓci, s ȓxaḍar nnec twaxeȓqen-d aqaṯen ǧan."