Ȓexḏayem 14:1 - Ṯarifiṯ 2020

¹ Ḏi ṯendint n Ikunya uḏfen Bulus ḏ Barnaba s ṯnayen iḏsen ɣar ṯemziḏa n Ayṯ-Israʼil, umnen aṭṭas n israʼiliyen ḏ iyunaniyen s ttebcir nsen.

Ȓexḏayem 14:1 ပူးပေါင်းရင်းမြစ်များ

Marqus 7:26

Ṯamɣarṯ nni ḏ ṯayunaniṯ, lʼaṣel nnes zi Surya Finiqya. Ṯettar zzayes aṭṭas ḥima aḏ isufeɣ jjenn nni aƹeffan zeg yeǧis.

Yuḥanna 12:20

Yinni igaƹƹḏen aḏ ƹebḏen ḏi Ȓƹiḏ akiḏsen ȓebƹaḍ n iyunaniyen.

Yuḥanna 7:35

Mseqsan israʼiliyen jarasen nnan: "Mani ɣa iraḥ wanita war ṯ ntif ca? Ma aḏ iraḥ ɣar israʼiliyen iy itemzeǧaƹen ḏi ṯmura n iyunaniyen bac aḏ iseȓmeḏ iyunaniyen?

Ȓexḏayem 11:21

Siḏi Arebbi aqaṯ akiḏsen, aṭṭas n yiwḏan umnen ḏewȓen-d ɣar Siḏiṯneɣ.

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 13:5

Wami uwḍen ɣar ṯendint n Salamis bḏan tbeccaren s wawaȓ n Arebbi ḏi ṯemziḏawin n Ayṯ-Israʼil, itƹawan-iṯen Yuḥanna nni.

Ȓexḏayem 13:51

Kkaren Bulus ḏ Barnaba mesḥen ṯaƹejjact zeg iḍaren nsen am yijjen n chaḏeṯ xasen, ruḥen ɣar ṯendint n Ikunya.

Ȓexḏayem 14:19

Menbaƹḏ usin-d can israʼiliyen zi Wanṭakya ḏ Ikunya tsamaren ȓɣaci nni, arejmen Bulus s uzru jarren-ṯ barra i ṯendint tɣiȓ-asen immuṯ.

Ȓexḏayem 14:2

Walakin israʼiliyen iy yugin aḏ amnen samaren yinni war iǧin ca zi Ayṯ-Israʼil x ayṯmaṯneɣ, ƹemmaren-asen azeǧif.

Ȓexḏayem 14:21

Beccaren ḏi ṯendint nni n Dirba, arrin aṭṭas n yiwḏan ḏ imeḥḍaren. Ssenni ḏewȓen ɣar ṯendint n Listra ḏ Ikunya ḏ Wanṭakya.

Ȓexḏayem 16:1

Yuweḍ Bulus ɣar ṯendint n Dirba ḏ ṯendint n Listra, yufa ḏinni ijjen n umeḥḍar qqaren-as Timutawus. Yemmas nettaṯ ḏ ṯaʼisraʼiliṯ ḏ ȓmumna, babas ḏ ayunani.

Ȓexḏayem 16:2

Ayṯmaṯneɣ iy iǧan ḏi ṯendint n Ikunya ḏ Listra ssiwȓen mliḥ x Timutawus.

Ȓexḏayem 17:12

Umnen aṭṭas zzaysen. Umnent xarebbi n ṯemɣarin ṯiyunaniyin ɣarsent lmartaba, umnen ƹaweḏ aṭṭas n iyunaniyen.

Ȓexḏayem 17:17

Itemnaqac ḏi ṯemziḏa ak israʼiliyen ḏ inneɣni iteggwḏen Arebbi, itemnaqac ƹaweḏ ak yinni iy keḏ itemseȓqa kuȓ nhar ḏi ssaḥa n ṯendint.

Ȓexḏayem 17:4

Qtanƹen ȓebƹaḍ zzaysen munen ak Bulus ḏ Silas. Akiḏsen xarebbi n iyunaniyen iy iteggwḏen Arebbi. Akiḏsen ƹaweḏ aṭṭas n ṯemɣarin zi ṯinni iy ɣar ṯeǧa lmartaba.

Ȓexḏayem 18:4

Mkuȓ nhar n ssebṯ n lƹibada Bulus itemnaqac ak Ayṯ-Israʼil ḏ iyunaniyen ḏi ṯemziḏa bac aṯen iseqneƹ.

Ȓexḏayem 18:8

Ȓefqih n ṯemziḏa nni qqaren-as Krispus, yumen s Siḏiṯneɣ netta ḏ marra ȓeḥbab nnes. Xarebbi n yiwḏan zi ṯendint n Kurinṯ wami sȓin i wawaȓ n Bulus, umnen twaṭehharen s waman.

Ȓexḏayem 19:10

Iqqim Bulus itegg manayenni ƹamayen. Marra imezḏaɣ n lʼiqlim n Asya sȓin i wawaȓ n Siḏi Arebbi, Ayṯ-Israʼil ḏ iyunaniyen s ṯnayen iḏsen.

Ȓexḏayem 19:17

Arrin-asen-d ȓexbar marra imezḏaɣ n Ufasus, iƹni Ayṯ-Israʼil ḏ iyunaniyen s ṯnayen iḏsen. Ṯeȓqef-iṯen ṯiggwḏi uca itwasemɣar isem n Siḏiṯneɣ Ƹisa aṭṭas.

Ȓexḏayem 19:8

Ssenni Bulus yuḏef ɣar ṯemziḏa n Ayṯ-Israʼil, issawaȓ ḏinni s zƹameṯ can n ṯeȓt-chur. Itemnaqac akiḏsen bac aṯen iseqneƹ x ȓmulk n Arebbi.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 21:28

Snekkaren ṯɣuyyeṯ qqaren: "Ay iryazen n Ayṯ-Israʼil! Qa aryaz-a wenni iseȓmaḏen iwḏan marra ḏi mkuȓ amcan irezzu aḏ ƹarrḍen ccaƹb nneɣ ḏ ccariƹa nneɣ ḏ umcan-a nneɣ! Ƹaweḏ isiḏef-d iyunaniyen ɣar ṯemziḏa ṯameqqrant, isexnaz amcan-a muqeddes."

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ruma 10:12

Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

Ayṯ-Galaṭya 2:3

Titus iǧan ḏ amƹacar inu, waxxa netta ḏ ayunani war xas zeyyaren ca ḥima aḏ igg ṭṭahareṯ.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

2 Timutawus 3:11

ḏ uƹeddeb inu ḏ tamara inu. Ṯessneḏ min ḏayi iweqƹen ḏi ṯendint n Wanṭakya ḏ Ikunya ḏ Listra ḏ min twaƹeddbeɣ ḏeg imucan nni. Innama, isefȓeṯ-ayi-d Siḏiṯneɣ zi marra manayenni.