Ȓexḏayem 13:50 - Ṯarifiṯ 2020

⁵⁰ Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 13:50 ပူးပေါင်းရင်းမြစ်များ

Matta 10:23

Meȓa ƹeddben-kenniw ḏi can ṯendint, arewȓem ɣar ṯenneɣni. Aqa tesȓam ȓḥaqq: Aḏ d yas Mmis n bnaḏem, ataf kenniw ƹaḏ war ṯkemmȓem x min kenniw weṣṣiɣ ḏi ṯneddam n Ayṯ-Israʼil.

Marqus 15:43

yusa-d ijjen n uryaz qqaren-as Yusef, zi dcar n Arimatya. Netta ḏ ijjen n uryaz muhim jar Jmaƹṯ n lḥukkam n Ayṯ-Israʼil, itreḥḥab ƹaweḏ zi ȓmulk n Arebbi. Izƹem yuḏef ɣar lḥakem Bilaṭus ittar-as ddat n Ƹisa.

Marqus 5:17

Uca bḏan tettaren zzayes ḥima axasen ibeƹƹeḏ zi jjiheṯ nsen.

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 13:45

Ayṯ-Israʼil wami ufin ȓɣaci aṭṭas bḏan ḥessḏen aṭṭas arrusul bḏan tƹarraḍen i wawaȓ n Bulus, tukkaren-ṯ.

Ȓexḏayem 14:19

Menbaƹḏ usin-d can israʼiliyen zi Wanṭakya ḏ Ikunya tsamaren ȓɣaci nni, arejmen Bulus s uzru jarren-ṯ barra i ṯendint tɣiȓ-asen immuṯ.

Ȓexḏayem 14:2

Walakin israʼiliyen iy yugin aḏ amnen samaren yinni war iǧin ca zi Ayṯ-Israʼil x ayṯmaṯneɣ, ƹemmaren-asen azeǧif.

Ȓexḏayem 14:4

Mesfraqen ayṯbab n ṯendint-a n Ikunya x ṯnayen. Ȓebƹaḍ iḏsen aqaṯen ak israʼiliyen, ȓebƹaḍ iḏsen aqaṯen ak arrusul.

Ȓexḏayem 14:5

Kkaren israʼiliyen ḏ yinni war iǧin ca zi Ayṯ-Israʼil tafqen ak arruyas nsen bac aḏ ƹedden x arrusul aṯen rejmen s uzru.

Ȓexḏayem 16:14

Akiḏsent ḏinni ijjen n ṯemɣarṯ ṯesȓa-yaneɣ qqaren-as Lidya. Nettaṯ zi ṯendint n Ṯiyatra ṯeznuza ṯcuqqet nni iy iɣȓan llun nnes ḏ llila, ṯƹebbeḏ Arebbi. Irzem-as Siḏi Arebbi uȓ nnes bac aḏ tṣenneṭ i wawaȓ n Bulus.

Ȓexḏayem 17:12

Umnen aṭṭas zzaysen. Umnent xarebbi n ṯemɣarin ṯiyunaniyin ɣarsent lmartaba, umnen ƹaweḏ aṭṭas n iyunaniyen.

Ȓexḏayem 17:13

Israʼiliyen nni ḏi ṯendint n Salunik arrin-d ȓexbar Bulus itbeccar s wawaȓ n Arebbi ḏi ṯendint n Birya. Usin-d ɣar Birya bḏan teggen ixarwiḍen shajen xas ȓɣaci.

Ȓexḏayem 17:17

Itemnaqac ḏi ṯemziḏa ak israʼiliyen ḏ inneɣni iteggwḏen Arebbi, itemnaqac ƹaweḏ ak yinni iy keḏ itemseȓqa kuȓ nhar ḏi ssaḥa n ṯendint.

Ȓexḏayem 17:4

Qtanƹen ȓebƹaḍ zzaysen munen ak Bulus ḏ Silas. Akiḏsen xarebbi n iyunaniyen iy iteggwḏen Arebbi. Akiḏsen ƹaweḏ aṭṭas n ṯemɣarin zi ṯinni iy ɣar ṯeǧa lmartaba.

Ȓexḏayem 18:7

Iffeɣ-d ssenni iruḥ ɣar ṯeddarṯ n yijjen n uryaz iƹebbḏen Arebbi qqaren-as Titus Yustus, ṯaddarṯ nnes aqat ṭṭarf i ṯemziḏa nni.

Ȓexḏayem 2:5

Ḏinni can iryazen zi Ayṯ-Israʼil teggwḏen Arebbi tzuran ɣar Lquds, niṯni zi marra ṯimura n ddunect-a.

Ȓexḏayem 21:27

Wami ƹȓayen aḏ kemmȓen sebƹa nni n nhuraṯ n ȓuḍu, can israʼiliyen zi lʼiqlim n Asya ẓrin Bulus ḏi ṯemziḏa ṯameqqrant samaren xas marra ȓɣaci nni temzaḥamen xas.

Ȓexḏayem 28:17

Ṯeƹḏu ṯeȓtiyyam, iȓaɣa-d Bulus x imeqqranen n Ayṯ-Israʼil. Wami d munen inna-asen: "Ay ayṯma, nec war ggiɣ walu ḍed i ccaƹb nneɣ niɣ ḍed i lƹadaṯ n ȓejḏuḏ nneɣ. Waxxa amenni ṭṭfen-ayi ḏi Lquds sellmen-ayi i ifassen n arrumanus.

Ȓexḏayem 6:12

Wami sƹeṣṣben iwḏan uȓa ḏ imeqqranen n Ayṯ-Israʼil ḏ imseȓmaḏen n ccariƹa, ṭṭfen Stifan uwin-ṯ ɣar Jmaƹeṯ n lḥukkam n Ayṯ-Israʼil.

Ȓexḏayem 8:1

Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.

Ayṯ-Ruma 10:2

Nec cehhḏeɣ xasen rezzun aḏ ggen lwajib ak Arebbi, walakin war ssinen ca aḏ ggen lwajib.

2 Ayṯ-Kurinṯ 11:26

Nec mecḥaȓ n ṯwaȓaṯin tiȓiɣ tsafareɣ ḏi lxaṭar n iɣezran, ḏ lxaṭar n iceffaren, ḏ lxaṭar n ȓqum inu, ḏ lxaṭar n iyunaniyen, ḏ lxaṭar ḏi ṯendint, ḏ lxaṭar ḏi ȓexȓa, ḏ lxaṭar ḏi ȓebḥar, ḏ lxaṭar n yinni itarran ixef nsen ḏ ayṯma.

1 Ayṯ-Salunik 2:14

Ay ayṯma, ṯḏewȓem am ṯjumaƹ nni n ȓmuminin n Arebbi ḏi Ƹisa Lmasiḥ ṯinni iy iǧan ḏi ṯmurṯ n Yahuḏiya. Liʼanna iwḏan n ṯmurṯ nwem tbuṣaren xawem am Ayṯ-Yahuḏiya tbuṣaren x ṯjumaƹ n ȓmuminin iy ḏinni.

2 Timutawus 3:11

ḏ uƹeddeb inu ḏ tamara inu. Ṯessneḏ min ḏayi iweqƹen ḏi ṯendint n Wanṭakya ḏ Ikunya ḏ Listra ḏ min twaƹeddbeɣ ḏeg imucan nni. Innama, isefȓeṯ-ayi-d Siḏiṯneɣ zi marra manayenni.