Ȓexḏayem 13:45 - Ṯarifiṯ 2020

⁴⁵ Ayṯ-Israʼil wami ufin ȓɣaci aṭṭas bḏan ḥessḏen aṭṭas arrusul bḏan tƹarraḍen i wawaȓ n Bulus, tukkaren-ṯ.

Ȓexḏayem 13:45 ပူးပေါင်းရင်းမြစ်များ

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 27:18

Tuɣa issen Bilaṭus belli sellmen-as Ƹisa ȓaḥeqqac ḥesḏen-ṯ.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 14:19

Menbaƹḏ usin-d can israʼiliyen zi Wanṭakya ḏ Ikunya tsamaren ȓɣaci nni, arejmen Bulus s uzru jarren-ṯ barra i ṯendint tɣiȓ-asen immuṯ.

Ȓexḏayem 14:2

Walakin israʼiliyen iy yugin aḏ amnen samaren yinni war iǧin ca zi Ayṯ-Israʼil x ayṯmaṯneɣ, ƹemmaren-asen azeǧif.

Ȓexḏayem 14:4

Mesfraqen ayṯbab n ṯendint-a n Ikunya x ṯnayen. Ȓebƹaḍ iḏsen aqaṯen ak israʼiliyen, ȓebƹaḍ iḏsen aqaṯen ak arrusul.

Ȓexḏayem 14:5

Kkaren israʼiliyen ḏ yinni war iǧin ca zi Ayṯ-Israʼil tafqen ak arruyas nsen bac aḏ ƹedden x arrusul aṯen rejmen s uzru.

Ȓexḏayem 17:5

Walakin israʼiliyen nneɣni ḥesḏen-ṯen, ruḥen smunen-d zi ssuq ijjen n lmejmuƹ n ikruccaren iƹeffanen bac aḏ ggen ssdaƹ, snekkaren ȓfawḍa ḏi ṯendint. Hejmen x ṯeddarṯ n yijjen qqaren-as Yasin rezzun x Bulus ḏ Silas ḥima aṯen sellmen i ȓɣaci.

Ȓexḏayem 18:6

Wami bḏan tƹarraḍen-as tbuṣaren xas, imseḥ arruḍ nnes am yijjen n chaḏeṯ xasen inna-asen: "Iḏammen nwem x yirawen nwem, qa nec tberriɣ azeǧif inu zzaywem. Ssa aȓ ṯsawent aḏ raḥeɣ ɣar yinni war iǧin ca zi Ayṯ-Israʼil."

Ȓexḏayem 19:9

Ȓebƹaḍ zzaysen ṭṭfen akiḏes ṯaɣennant ugin aḏ amnen, tukkaren ḏi ttaƹlim n Siḏiṯneɣ zzaṯ i yiwḏan. Ssenni iffeɣ-d Bulus zi ṯemziḏa nni yuwi akiḏes imeḥḍaren nnes, kuȓ nhar iseȓmaḏ-iṯen ḏi lmarkez n Tirannus.

Ȓexḏayem 5:17

Ikkar arrayes n ȓfuqaha ḏ marra yinni kis iǧan niṯni zi ȓḥizeb n iṣadduqiyen, ḥesḏen arrusul aṭṭas.

Ayṯ-Ruma 1:29

Niṯni ccuren s kuȓ nnuƹ n ȓmuƹṣiyaṯ ḏ ccarr ḏ ṭṭmaƹ ḏ ȓeqbaḥeṯ ḏ ȓeḥseḏ. Neqqen iwḏan tmenɣan. Ccuren s uɣḏar ḏ min war iḥȓin, qqaren nnamima.

1 Ayṯ-Kurinṯ 3:3

kenniw ƹaḏ teggem array i ṭṭabiƹa ṯaƹeffant nwem. Meȓa itiȓi ȓeḥseḏ jarawem ḏ umenɣi, ataf teggem array i ṭṭabiƹa ṯaƹeffant nwem ataf tƹicem am yiwḏan n ddunect-a waha, niɣ lla?

2 Ayṯ-Kurinṯ 11:26

Nec mecḥaȓ n ṯwaȓaṯin tiȓiɣ tsafareɣ ḏi lxaṭar n iɣezran, ḏ lxaṭar n iceffaren, ḏ lxaṭar n ȓqum inu, ḏ lxaṭar n iyunaniyen, ḏ lxaṭar ḏi ṯendint, ḏ lxaṭar ḏi ȓexȓa, ḏ lxaṭar ḏi ȓebḥar, ḏ lxaṭar n yinni itarran ixef nsen ḏ ayṯma.

Ayṯ-Galaṭya 5:21

ḏ ȓeḥseḏ ḏ waṭṭas n ccreb ḏ lmadella n ssekra ḏ min itcabbahen ḏi manaya. Ƹeǧmeɣ-awem-d ȓexxu mamc tuɣa ḏawem ƹeȓmeɣ zi qbeȓ: yinni iteggen ȓexḏayem-a war twariṯen ca ȓmulk n Arebbi.

2 Timutawus 3:11

ḏ uƹeddeb inu ḏ tamara inu. Ṯessneḏ min ḏayi iweqƹen ḏi ṯendint n Wanṭakya ḏ Ikunya ḏ Listra ḏ min twaƹeddbeɣ ḏeg imucan nni. Innama, isefȓeṯ-ayi-d Siḏiṯneɣ zi marra manayenni.

Yaƹqub 4:5

Awaȓ n Lkitab iqqar: Ma tɣiȓ-awem awaȓ nni war ɣares bu ȓmaƹna?

1 Buṭrus 4:4

Tƹejjiben niṯni iƹni meȓa kenniw war kiḏsen tiḏfem ca ḏi lfayaḍan n ufelles-a aḏ qqimen ƹaweḏ tzawwaren-kenniw.

Yahuḏa 1:10

Walakin iṯarrasen-a yina ssawaȓen s wawaȓ war iḥȓin x marra min war fehhmen ca. Ṯimesȓayin-a umi fehhmen iwa fehhmen-ṯent s ṭṭabiƹa nsen waha, niṯni ggin am ȓuḥuc iqefȓen. Ṯimesȓayin-a ḏ niṯenti iy ṯen ɣa imḥan!