Ȓexḏayem 13:43 - Ṯarifiṯ 2020

⁴³ Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 13:43 ပူးပေါင်းရင်းမြစ်များ

Matta 23:15

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Tekkem marra ȓebḥar ḏ ȓbarr ḥima aḏ tjarrem can yijjen ɣar ddin nwem. U xmi iy kiwem ɣa yiȓi, tarrim-ṯ isḏaheǧ ṯimessi marrṯayen ktar zi min ṯesḏaheǧem kenniw.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ȓexḏayem 14:3

Bulus ḏ Barnaba qqimen ḏinni aṭṭas n ȓweqṯ tbeccaren s Siḏiṯneɣ s yijjen n zƹameṯ. Igga Siḏiṯneɣ lmuƹjizaṯ ḏ lburhanaṯ x ifassen n Bulus ḏ Barnaba bac aḏ isbeyyen awaȓen nni iy tbeccaren x arḍa n Siḏiṯneɣ ḏ ṣṣaḥ.

Ȓexḏayem 16:14

Akiḏsent ḏinni ijjen n ṯemɣarṯ ṯesȓa-yaneɣ qqaren-as Lidya. Nettaṯ zi ṯendint n Ṯiyatra ṯeznuza ṯcuqqet nni iy iɣȓan llun nnes ḏ llila, ṯƹebbeḏ Arebbi. Irzem-as Siḏi Arebbi uȓ nnes bac aḏ tṣenneṭ i wawaȓ n Bulus.

Ȓexḏayem 17:17

Itemnaqac ḏi ṯemziḏa ak israʼiliyen ḏ inneɣni iteggwḏen Arebbi, itemnaqac ƹaweḏ ak yinni iy keḏ itemseȓqa kuȓ nhar ḏi ssaḥa n ṯendint.

Ȓexḏayem 17:34

Ȓebƹaḍ zzaysen umnen munen ak Bulus. Zzaysen Diyunisyus zi lmajlis n Aryubagus ḏ yijjen n ṯemɣarṯ qqaren-as Damaris ḏ inneɣni akiḏsen.

Ȓexḏayem 17:4

Qtanƹen ȓebƹaḍ zzaysen munen ak Bulus ḏ Silas. Akiḏsen xarebbi n iyunaniyen iy iteggwḏen Arebbi. Akiḏsen ƹaweḏ aṭṭas n ṯemɣarin zi ṯinni iy ɣar ṯeǧa lmartaba.

Ȓexḏayem 18:7

Iffeɣ-d ssenni iruḥ ɣar ṯeddarṯ n yijjen n uryaz iƹebbḏen Arebbi qqaren-as Titus Yustus, ṯaddarṯ nnes aqat ṭṭarf i ṯemziḏa nni.

Ȓexḏayem 2:10

ḏ Frijya ḏ Pamfilya, ḏ Miṣra ḏ jwayeh n Lqurina ḏi Libya, ḏ yinni itzuran zi ṯendint n Ruma.

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ȓexḏayem 6:5

Iƹjeb-asen ȓḥaȓ i marra jmaƹeṯ. Kkaren ixḍaren ijjen n uryaz qqaren-as Stifan, netta iccur s lʼiman ḏ Arruḥ iqeddsen. Ixḍaren Filippas ḏ Brukurus ḏ Nikanur ḏ Timun ḏ Parminas ḏ Nikulas zeg Wanṭakya, tuɣa isȓem netta ḏi ddin n Ayṯ-Israʼil.

Ayṯ-Ruma 11:6

Meȓa ixḍar-iṯen s arḍa nnes, ataf ȓexxu war iǧi ca s lḥasanaṯ nsen. Meȓa maci amenni, ataf arḍa war itiȓi bu ḏ arḍa.

Ayṯ-Ruma 3:24

Arebbi, netta isemṣȓaḥ-iṯen akiḏes s arḍa nnes baṭeȓ s usenjem iy d yusin s Ƹisa Lmasiḥ.

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

2 Ayṯ-Kurinṯ 5:11

Falihaḏa wami nessen a neggweḏ zi Siḏiṯneɣ, nrezzu iwḏan aḏ qtanƹen. Y min neƹna neccin issen-iṯ Arebbi mliḥ, u tmenniɣ ƹaweḏ ḍḍamir nwem aḏ issen manayenni.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Galaṭya 5:1

Ɣar lḥurriya iḍȓeq-aneɣ-d Lmasiḥ bac a niȓi ḥurr ḏ ṣṣaḥ. Beddeṯ nican baƹda, war tejjaṯ ca axawem ibesseȓ ƹaweḏ ijjen n dqeȓ n ṯzayȓut n isemɣan.

Ayṯ-Galaṭya 5:4

Kenniw iy irezzun ṣṣulḥ s ccariƹa nni ak Arebbi, aqa ṯetwaḥarrmem zi Lmasiḥ ṯbeƹƹḏem x arḍa nnes.

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Ayṯ-Filippas 3:16

Walakin min nessen ƹaḏ nican labud aḏayes neṭṭef mliḥ.

Ayṯ-Filippas 4:1

Iḏen ay ayṯma iy xafi iƹizzen iy tweḥḥaceɣ ig iǧan ḏ ȓefȓaḥeṯ inu ḏ ttaj inu, amenni labud itxeṣṣa aḏ teqqimem ṯbeddem ḏi Siḏiṯneɣ ay imƹizzen inu.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

Ayṯ-Kulus 1:28

Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

Titus 2:11

Cuf, arḍa n Arebbi itmeḍhar-asen-d i marra iwḏan itawi-ṯen ɣar mani ɣa twasnejmen.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.

1 Yuḥanna 2:28

A iḥenjiren, ȓexxu ƹiceṯ ḏayes ḥima aɣarneɣ ṯiȓi ijjen n ttiqeṯ war zzayes narewweȓ ca s useḏḥi xmi d ɣa yas aḏaneɣ d imeḍhar.

2 Yuḥanna 1:9

Wenni iruḥen ɣar ȓeggwaj war iqqim ca ḏi ttaƹlim n Lmasiḥ ataf war ɣares ca Arebbi. Wenni iqqimen ḏi ttaƹlim-a aɣares yiȓi Babaṯneɣ ak Mmis.