30 Walakin Arebbi isekkar-iṯ-iḏ zi ȓmewṯ.
Netta war ḏa iǧi ca, ikkar-d zi ȓmewṯ ƹlaḥsab mammec inna zi qbeȓ. Araḥent-id aḏ teẓrent amcan nni mani tuɣa iǧa.
S manaya Baba itḥibba-ayi minzi nec tṣeddaqeɣ ṯuḏarṯ inu ḥima ƹaweḏ atid arreɣ.
Inna-asen Ƹisa: "Heḏmeṯ ṯamziḏa-ya ṯameqqrant, nec atid siȓiɣ ḏi ṯeȓtiyyam!"
Nhar wis ṯeȓtiyyam isekkar-iṯ-iḏ Arebbi zi ȓmewṯ ismeḍhar-iṯ-iḏ.
Fa Arebbi isekkar-d Ƹisa zi ȓmewṯ iƹni ƹemmarṣ aḏ ikiccew. Amenni iqqar Lkitab:
Walakin wenni d isekkar Arebbi zi ȓmewṯ netta lla war ikiccew ca.
Mayemmi? Arebbi izemmem ijjen n nhar iy ḏi ɣa iḥaseb marra iwḏan s ȓḥaqq x ufus n bnaḏem nni ig ixḍar. Yuca-asen ddalil i marra iwḏan x manaya wami ṯiḏ isekkar zi ȓmewṯ."
Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.
Ƹisa-ya wanita isekkar-iṯ-iḏ Arebbi zi ȓmewṯ, aqa neccin marra ncehheḏ x manaya.
Lla, ḏ Arebbi n ȓejḏuḏ nneɣ iƹni Arebbi n Brahim ḏ Arebbi n Isḥaq ḏ Arebbi n Yaƹqub. Liʼanna ḏ netta iy d isbeyynen lƹaḍama nnes ḏeg uxeddam nnes Ƹisa. Walakin ḏ kenniw iy ṯ isellmen i lḥukkam ṯenkarem-ṯ zzaṯ i Bilaṭus wami tuɣa irezzu aḏas iḍȓeq.
Ṯenɣim wenni iǧan ḏ lʼaṣel n ṯuḏarṯ, walakin Arebbi isekkar-iṯ-iḏ zi ȓmewṯ, neccin necheḏ xas.
Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."
Iwa itxeṣṣa aḏ tessnem kenniw ḏ marra Ayṯ-Israʼil belli aryaz-a iy ḏa ibedden zzaṯwem igenfa s yisem n Ƹisa Lmasiḥ zi Naṣira. Kenniw ṯṣellbem-ṯ, walakin Arebbi isekkar-iṯ-iḏ zi ȓmewṯ.
Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.
