Ȓexḏayem 13:26 - Ṯarifiṯ 2020

²⁶ Inna-asen Bulus: "Ay ayṯma, a ṯarwa n Brahim, ay yinni iteggwḏen Arebbi! Qa ḏ neccin umi d issekk Arebbi awaȓ-a iy zi ɣa nenjem.

Ȓexḏayem 13:26 ပူးပေါင်းရင်းမြစ်များ

Matta 10:6

Lla, ruḥeṯ ɣar iḥuȓiyen nni iweddaren iƹni iwḏan n Ayṯ-Israʼil.

Matta 3:9

Maci aḏ tinim ḏi nnefs nwem qa neccin ḏ ṯarwa n Brahim u ṣafi. Meȓa ixes Arebbi ṯarwa n Brahim, ataf aḏ iysi izra-ya aṯen yarr ḏ ṯarwa n Brahim!

Luqa 1:69

Ismeḍhar-aneɣ-d wenni ḏeg iǧa jjheḏ iy ḏaneɣ ɣa isnejmen, yusa-d zi ddurriṯ n Dawed ȓƹabḏ n Arebbi.

Luqa 1:77

Ƹaweḏ aḏ tesȓemḏeḏ i ccaƹb nnes x usenjem, iƹni mamc iy ɣa twaɣfarent ȓmuƹṣiyaṯ nsen.

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

Yuḥanna 6:68

Inna-as Simƹan Buṭrus: "A Siḏi, min iƹna wenni mani ɣa nraḥ? Cek ɣarek awaȓen n ṯuḏarṯ n ȓebda.

Ȓexḏayem 10:2

Ḏayes ddin iteggweḏ Arebbi, netta ḏ marra ayṯbab n ṯeddarṯ nnes. Itegg ȓxir aṭṭas ḏeg yinni iḥḏajen, war ixeṭṭi ca ṯẓaǧiṯ nnes.

Ȓexḏayem 10:35

Arebbi iqebbeȓ iwḏan zi mkuȓ ȓgens yinni iy ṯ iteggwḏen teggen min iǧan nican.

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 16:17

Tbaƹ-aneɣ-d neccin ḏ Bulus tƹeyyaḍ ṯeqqar qa iryazen-a ƹebbḏen Arebbi Yuƹȓan, tbeccaren-kenniw s ubriḏ iy zi ɣa ṯnejmem!

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 28:28

Iwa itxeṣṣa aḏ tessnem uȓa ḏ yinni war iǧin ca ḏ israʼiliyen Arebbi aṯen isenjem, niṯni aḏas sȓen."

Ȓexḏayem 3:26

Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Ȓexḏayem 4:12

War izemmar ḥadd aḏ injem bȓa zzayes netta. Liʼanna war ḏinni uȓa ḏ ijjen n yisem nneɣni jar i iryazen ḏi ddunect-a azzayes netwasenjem illa netta."

Ȓexḏayem 5:20

"Ruḥem beddeṯ ḏi ṯemziḏa ṯameqqrant, ḥeddṯem i yiwḏan s marra awaȓen n ṯuḏarṯ-a n jḏiḏ."

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ufasus 1:13

Ṯumma ismun-ikenniw-d ƹaweḏ ak Lmasiḥ wami ṯṣennṭem i wawaȓ n lḥaqiqa iƹni Lʼinjil iy zi ṯnejmem. Wami ṯumnem iḍbeƹ-ikenniw Arebbi s ṭṭabaƹ nnes iƹni s Arruḥ iqeddsen iy zi ḏaneɣ iwƹeḏ.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.