Ȓexḏayem 12:19 - Ṯarifiṯ 2020

¹⁹ Hirudus issekk axas rzun, war ṯ yufi ca. Wami ḏasen igga lʼistijwab i iƹessasen nni, yumar aṯen nɣen. Ssenni iffeɣ uzeǧiḏ Hirudus zi ṯmurṯ n Yahuḏiya iruḥ ɣar ṯendint n Qayṣariya iqqim ḏinni.

Ȓexḏayem 12:19 ပူးပေါင်းရင်းမြစ်များ

Matta 2:1

Wami d ixȓeq Ƹisa ḏeg ubilaj n Bayt Laḥm ḏi ṯmurṯ n Yahuḏiya ḏi ȓweqṯ n uzeǧiḏ Hirudus, usin-d can yiwḏan zeg yinni iqqaren lƹilem n yiṯran zi ccarq ɣar ṯendint n Lquds.

Matta 2:13

Wami uyuren yiwḏan nni iqqaren lƹilem n yiṯran, ṯbedd-d ijjen n lmalaʼika n Siḏi Arebbi ḏi ṯirjiṯ ɣar Yusef ṯenna-as: "Kkar ysi aḥenjir ḏ yemmas arweȓ ɣar Miṣra, zeḏɣem ḏinni aȓ ḏac ɣa iniɣ ḏweȓ-d. Aqa azeǧiḏ Hirudus irezzu x uḥenjir-a bac aṯ ineɣ."

Matta 2:16

Wami d yarra ȓexbar Hirudus belli yinni iqqaren lƹilem n yiṯran cemṯen-ṯ, iƹeṣṣeb aṭṭas iɣḍeb. Issekk bac aḏ ineɣ iḥenjiren nni marra ḏi Bayt Laḥm ḏ nnawaḥi nnes iy ɣar ṯeǧa qell zi ƹamayen. Manaya ƹlaḥsab ȓweqṯ iy ḏasen d imeḍhar yiṯri nni i yinni iqqaren lƹilem n yiṯran.

Ȓexḏayem 12:18

Wami iṣbaḥ ȓḥaȓ iwqeƹ ijjen n umenɣi ḏ ameqqran jar ȓƹaskar manis ikka Buṭrus.

Ȓexḏayem 12:4

Iṭṭef-iṯ iggi-ṯ ḏi ȓeḥbes, isellem-iṯ i arbeƹa n lfirqaṯ n ȓƹaskar aṯ ḥḍan, mkuȓ lfirqa ḏayes arbeƹa. Inwa axas iḥkem zzaṯ i ccaƹb menbaƹd i Ȓƹiḏ Ameqqran.

Ȓexḏayem 12:6

Ǧiȓeṯ nni iy ḏi d ɣa iṣebbeḥ Hirudus aḏ iḥkem x Buṭrus zzaṯ i ccaƹb, tuɣa Buṭrus iṭṭeṣ jar ṯnayen n ȓƹaskar icedd s ṯnayen n snaseȓ. Ȓƹaskar nneɣni ɣar ṯewwarṯ tƹessasen x ȓeḥbes.

Ȓexḏayem 16:27

Wami d ifaq lḥaris n ȓeḥbes zeg yiḍeṣ yufa ṯiwwura n ȓeḥbes nurzment tɣiȓ-as imeḥbas nni arewȓen, ijbeḏ-d ssif ḥima aḏ ineɣ ixef nnes.

Ȓexḏayem 21:8

Ṯiwecca nnes nruḥ ɣar ṯendint n Qayṣariya nuḏef neqqim ḏi ṯeddarṯ n lmubcir Filippas. Netta ḏ ijjen zi sebƹa n ṣṣaḥaba n arrusul n Lquds.

Ȓexḏayem 25:13

Ƹḏun ȓebƹaḍ n wussan, yusa-d uzeǧiḏ Aɣribas akiḏes učmas Brinka ɣar ṯendint n Qayṣariya bac aḏ seǧmen x Lwali Fastus.

Ȓexḏayem 27:42

Ȓƹaskar nwan aḏ nɣen imeḥbas bac war zzaysen itƹummi ḥadd aḏ yarweȓ.

Ȓexḏayem 8:40

Filippas yufa ixef nnes ḏi ṯendint n Wacdud, itraḥ zeg umcan ɣar umcan itbeccar s Lʼinjil ḏi marra ibilajen ḥetta aȓ wami yuweḍ ɣar ṯendint n Qayṣariya.