Ȓexḏayem 12:15 - Ṯarifiṯ 2020

¹⁵ Nnan-as: "Ma ṯbuhȓiyeḏ niɣ?" Walakin nettaṯ metʼakkeda belli min ṯenna nican. Nnan-as: "Waqila wanita ḏ buḥbeȓ n Buṭrus waha."

Ȓexḏayem 12:15 ပူးပေါင်းရင်းမြစ်များ

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Marqus 16:11

Wami ḏasen ṯƹaweḏ ṯenna-asen qa ẓriɣ-ṯ iddar, war t uminen ca.

Marqus 16:14

Menbaƹd wami qqimen tetten ḥiṭac n arrusul nnes, imeḍhar-asen-d inha-ṯen minzi lʼiman nsen ḏ uqlil uȓawen nsen qesḥen. Tuɣa niṯni ƹaweḏ war uminen ca yinni iy ṯ iẓrin wami d ikkar zi ȓmewṯ.

Luqa 22:59

Wami ṯeƹḏu can ṯsaƹƹat inna-as ijjen nneɣni u netta mʼakked: "Ḏ ṣṣaḥ, aṯarras-a wanita tuɣa iǧa akiḏes minzi uȓa ḏ netta zi Ljalil."

Luqa 24:11

Arrusul-a war uminen ca ṯimɣarin nni minzi fekkaren niṯenti ssawaȓent waha.

Ȓexḏayem 12:16

Iqqim Buṭrus isqerqub ƹaḏ ḏi ṯewwarṯ. Wami ḏas rezmen ufin-ṯ ḏ netta, qqimen tƹejjben.

Ȓexḏayem 26:24

Bulus netta aqaṯ ƹaḏ issawaȓ itḏafaƹ x yixef nnes, ikkar lwali Fastus inna-as s jjheḏ: "A Bulus, cek ma ṯeflippaḏ? Ṯɣuri nnec ṯemɣar qa ṯesbuheȓi-yic!"