Ȓexḏayem 12:12 - Ṯarifiṯ 2020

¹² Wami ifṭen ḏi manaya, iruḥ ɣar ṯeddarṯ n Maryam yemmas n Yuḥanna umi qqaren Marqus, tmunen ḏinni aṭṭas n yiwḏan tẓaǧan.

Ȓexḏayem 12:12 ပူးပေါင်းရင်းမြစ်များ

Ȓexḏayem 12:25

Barnaba ḏ Cawul ḏewȓen-d zi Lquds wami kemmȓen ȓxeḏmeṯ nsen, uwin-d akiḏsen Yuḥanna umi qqaren Marqus.

Ȓexḏayem 12:5

Tƹessasen x Buṭrus ḏi ȓeḥbes, jmaƹeṯ n ȓmuminin tettaren xas i Arebbi.

Ȓexḏayem 13:13

Inya Bulus ḏ imeddukaȓ nnes ḏeg uɣarrabu, ruḥen zi ṯendint nni n Pafus ɣar ṯendint n Barja ḏi Pamfilya. Ismeḥ ḏaysen ḏinni Yuḥanna iḏweȓ-d ɣar Lquds.

Ȓexḏayem 13:5

Wami uwḍen ɣar ṯendint n Salamis bḏan tbeccaren s wawaȓ n Arebbi ḏi ṯemziḏawin n Ayṯ-Israʼil, itƹawan-iṯen Yuḥanna nni.

Ȓexḏayem 16:40

Wami ffɣen zi ȓeḥbes ruḥen ɣar ṯeddarṯ n Lidya. Ẓrin ḏinni ayṯmaṯsen cejjƹen-ṯen, ssenni uyuren.

Ȓexḏayem 4:23

Ɣir ḍeȓqen-asen-d i Buṭrus ḏ Yuḥanna, ruḥen ɣar imeddukaȓ nsen ƹawḏen-asen marra min ḏasen nnan arruyas n ȓfuqaha ḏ imeqqranen n Ayṯ-Israʼil.

Ayṯ-Kulus 4:10

Isawwaḍ-awem-d sȓam Aristarxus wenni iy kiḏi iǧan ḏi ȓeḥbes-a. Isawwaḍ-awem-d sȓam uȓa ḏ Marqus mmis n ƹzizes n Barnabas. Tuɣa weṣṣiɣ-kenniw x Marqus-a, meȓa yusa-d ɣarwem reḥḥbeṯ zzayes.

2 Timutawus 4:11

Iqqim akiḏi ɣir Luqa waha. Awi-d akiḏec Marqus minzi ineffeƹ-ayi ḏi ȓxeḏmeṯ inu.

Filimun 1:24

Sawwaḍen-ac-d sȓam ƹaweḏ Marqus ḏ Aristarxus ḏ Dimas ḏ Luqa iǧan marra ḏ imƹacaren inu.

1 Buṭrus 5:13

Ṯsawwaḍ-awem-d sȓam jmaƹeṯ iy iǧan ḏi ṯendint n Babil, niṯni twaxḍaren am kenniw. Waxxa uȓa ḏ Marqus isawwaḍ-awem-d sȓam wenni iǧan am memmi.