Ȓexḏayem 10:45 - Ṯarifiṯ 2020

⁴⁵ Ȓmuminin zeg Ayṯ-Israʼil iy d yusin ak Buṭrus qqimen tƹejjben wami ufin Arruḥ iqeddsen itwafeyyeḍ uȓa x yinni war iǧin ca ḏ israʼiliyen.

Ȓexḏayem 10:45 ပူးပေါင်းရင်းမြစ်များ

Ȓexḏayem 10:23

Ikkar Buṭrus isiḏef-iṯen ɣar ḏaxeȓ isnewjew-iṯen. Ṯiwecca nnes iruḥ akiḏsen Buṭrus. Munen akiḏes ȓebƹaḍ n ayṯmas zi ṯendint n Yafa.

Ȓexḏayem 11:2

Wami igaƹƹeḏ Buṭrus ɣarsen ɣar Lquds ȓexddenni kkaren ȓmuminin nni n Ƹisa yinni iticcen lhimma aṭṭas i ṭṭahareṯ ccin-ṯ s ȓhemm nnan-as: "Mayemmi ṯuḏfeḏ ɣar ṯeddarṯ n yinni war iṭehharen ca ṯecciḏ akiḏsen aɣrum?"

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ayṯ-Galaṭya 2:15

Neccin ḏ israʼiliyen zeg wami d nexȓeq, neccin war neǧi ca zi ȓegnus iƹeṣṣan zaƹma.

Ayṯ-Ufasus 2:11

Iwa ƹeqȓeṯ belli kenniw tuɣa ṯeǧam zeg yinni itwasemman ḏ lkuffar zaƹma, war ṯeggim ca ṭṭahareṯ. Amenni iy qqaren yinni iteggen ṭṭahareṯ (iƹni ɣir min teggen ḏi ddat s ifassen n bnaḏem waha).