Ȓexḏayem 10:41 - Ṯarifiṯ 2020

⁴¹ Maci ismeḍhar-iṯ-iḏ Arebbi i marra ccaƹb; Lla, ismeḍhar-iṯ-iḏ i ȓechuḏ iy ixḍar zi qbeȓ iƹni neccin iy kiḏes iccin iy kiḏes iswin wami d ikkar zi ȓmewṯ.

Ȓexḏayem 10:41 ပူးပေါင်းရင်းမြစ်များ

Luqa 24:30

Wami akiḏsen iqqim aḏ icc, ikkar iysi aɣrum icekkar Arebbi irzi-ṯ ibḏa ifarreq-asen-ṯ.

Luqa 24:48

Kenniw aqa ṯcehhḏem x manaya.

Yuḥanna 14:17

Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem.

Yuḥanna 14:19

Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem.

Yuḥanna 14:22

Inna-as Yahuḏa (maci Yahuḏa Isxaryuṭi): "A Siḏi, mayemmi ɣa d ṯseḍhareḏ ixef nnec i neccin, ddunect lla?"

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 15:27

Aḏ tcehḏem uȓa ḏ kenniw ƹaweḏ minzi aqa kenniw akiḏi zeg umezwaru."

Yuḥanna 21:13

Iruḥ Ƹisa iysi-d aɣrum nni ḏ iseȓman nni ifreq-iṯen xasen.

Ȓexḏayem 1:22

Iƹni zeg wami iy ṯ iṭehhar Yaḥya s waman aȓ wami iy itwarfeƹ xaneɣ ɣar ujenna. Aryaz-a itxeṣṣa akiḏneɣ icheḏ qa Ƹisa ikkar-d zi ȓmewṯ."

Ȓexḏayem 1:4

Wami tuɣa akiḏsen itett, iweṣṣa-aṯen inna-asen: "War teffɣem ca zi ṯendint n Lquds. Rajam aȓ d ɣa yas min iwƹeḏ Baba iy xef ḏawem tuɣa ssiwȓeɣ.

Ȓexḏayem 10:39

Neccin ḏ ȓechuḏ x marra min itegg Ƹisa ḏi ṯmurṯ n Ayṯ-Israʼil ḏ ṯendint n Lquds. Nɣin-ṯ wami ṯ refƹen x ṯeḥnact.

Ȓexḏayem 13:31

Ṯumma imeḍehhar-d Ƹisa ḏeg waṭṭas n nhuraṯ i yinni tuɣa igaƹƹḏen akiḏes zi ṯmurṯ n Ljalil ɣar ṯendint n Lquds. Ȓexxu yina iǧan ḏ ȓechuḏ nnes ɣar ccaƹb.