Ȓexḏayem 10:37 - Ṯarifiṯ 2020

^37-38 Kenniw qa ṯessnem min iweqƹen ḏi marra ṯamurṯ n Yahuḏiya. Aqa nnabi Yaḥya tuɣa itbeccar iwḏan ḥima aḏ twaṭehharen s waman. Ssenni zi ṯmurṯ n Ljalil ibḏa Ƹisa naṣiri itbeccar, iccur-iṯ Arebbi s jjheḏ ḏ Arruḥ iqeddsen. Netta itraḥ zeg umcan ɣar umcan itegg ȓxir isgenfa marra yinni itƹeddab Ibȓis minzi Arebbi aqaṯ akiḏes.

Ȓexḏayem 10:37 ပူးပေါင်းရင်းမြစ်များ

Matta 2:1

Wami d ixȓeq Ƹisa ḏeg ubilaj n Bayt Laḥm ḏi ṯmurṯ n Yahuḏiya ḏi ȓweqṯ n uzeǧiḏ Hirudus, usin-d can yiwḏan zeg yinni iqqaren lƹilem n yiṯran zi ccarq ɣar ṯendint n Lquds.

Matta 3:6

Teƹtarafen s ȓmuƹṣiyaṯ nsen, Yaḥya itṭehhar-iṯen s waman ḏeg yiɣzar n Lʼurdun.

Luqa 23:5

Walakin niṯni zeyyaren xas aṭṭas nnan-as: "Itegg ȓfitna ḏi marra ṯamurṯ n Yahuḏiya s useȓmeḏ nnes. Ibḏa ḏi ṯmurṯ n Ljalil, ȓexxu aqaṯ ḏa."

Luqa 4:14

Iḏweȓ Ƹisa ɣar ṯmurṯ n Ljalil s jjheḏ n Arruḥ iqeddsen, itentacar ȓexbar nnes marra ḏi jwayeh nni.

Ȓexḏayem 1:22

Iƹni zeg wami iy ṯ iṭehhar Yaḥya s waman aȓ wami iy itwarfeƹ xaneɣ ɣar ujenna. Aryaz-a itxeṣṣa akiḏneɣ icheḏ qa Ƹisa ikkar-d zi ȓmewṯ."

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ȓexḏayem 2:22

Ay iryazen n Ayṯ-Israʼil, ṣennṭeṯ i min ḏawem ɣa iniɣ. Ƹisa-ya zi Naṣira min iƹna netta? Netta ḏ ijjen n uryaz itwaḍhar-d zi Arebbi i kenniw s lmuƹjizaṯ ḏ lburhanaṯ ḏ lƹalamaṯ ig igga Arebbi x ufus n Ƹisa jarawem mammec ṯessnem.

Ȓexḏayem 26:26

Azeǧiḏ Aɣribas issen netta mliḥ x manaya, nec rezzuɣ akiḏes ssiwȓeɣ s ṣṣaraḥa marra. Nec mesteqneƹ war ṯeqqim uȓa ḏ ijjen n ȓḥajeṯ zi manaya war t issin ca, liʼanna war ṯewqiƹ ca ḏi can n ṯɣemmarṯ waha.

Ȓexḏayem 28:22

Walakin nexs aḏac nṣennet lʼafkar nnec minzi nessen aṭṭas n yiwḏan ḏi mkuȓ amcan tƹarraḍen i ȓḥizeb-a wanita."