Matta 9:36 - Ṯarifiṯ 2020

³⁶ Iẓerr Ƹisa ȓɣaci nni qqsen-as minzi twaƹeddaben tnehwaȓen, ggin amecnaw iḥuȓiyen war ɣarsen ca uw ṯen ɣa yarewsen.

Matta 9:36 ပူးပေါင်းရင်းမြစ်များ

Matta 10:6

Lla, ruḥeṯ ɣar iḥuȓiyen nni iweddaren iƹni iwḏan n Ayṯ-Israʼil.

Matta 14:14

Wami d iḍra Ƹisa zi ṯɣarrabut yufa qaƹ anect nni n yiwḏan, qqsen-as isgenfa imehȓac nsen.

Matta 15:24

Inna-asen Ƹisa: "Qa nec twassekkeɣ-d ɣir ɣar iḥuȓiyen iweddaren, iƹni iwḏan n Ayṯ-Israʼil."

Matta 15:32

Iȓaɣa-d Ƹisa i imeḥḍaren nnes inna-asen: "Nec qqsen-ayi yiwḏan-a. Ṯeȓtiyyam zeg wami aqaṯen akiḏi war ɣarsen ca min ɣa ccen. War xseɣ ca aṯen ssekkeɣ niṯni war ccin ca ḥima war tesxiffen x ubriḏ."

Marqus 6:34

Wami d iḍra Ƹisa zi ṯɣarrabut yufa ḏinni ȓɣaci nni, qqsen-as minzi ggin amecnaw iḥuȓiyen war ɣarsen ca uw ṯen ɣa yarewsen. Ibḏa iseȓmaḏ-asen aṭṭas n ṯmesȓayin.

Marqus 8:2

"Nec qqsen-ayi yiwḏan-a. Ṯeȓtiyyam zeg wami aqaṯen akiḏi war ɣarsen ca min ɣa ccen.

Iƹibraniyen 4:15

Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.

Iƹibraniyen 5:2

Izemmar netta aḏ iḥinn x yinni war ifehhmen ca ḏ yinni iffɣen abriḏ minzi netta s yixef nnes ḏayes ḍḍuƹef.