Matta 9:35 - Ṯarifiṯ 2020

³⁵ Yuyur Ƹisa ḏi marra ṯineddam ḏ ȓedcur, iseȓmaḏ ḏi ṯemziḏawin n Ayṯ-Israʼil itḥeddaṯ itbeccar s ȓmulk n Arebbi. Isgenfa marra ȓehȓacaṯ ḏ ddiƹan n ddat.

Matta 9:35 ပူးပေါင်းရင်းမြစ်များ

Matta 10:1

Iȓaɣa-d Ƹisa x ṯenƹac nni n imeḥḍaren nnes yuca-asen ssulṭa iy zi ɣa sufɣen jnun aḏ sgenfan marra ȓehȓacaṯ ḏ ȓeḥriqaṯ n yiwḏan.

Matta 11:1

Wami ikemmeȓ Ƹisa ȓuṣiyaṯ i ṯenƹac n imeḥḍaren nnes, yuyur ssenni iruḥ ḥima aḏ iseȓmeḏ aḏ iḥeddeṯ ḏi ṯneddam iy d yuḏsen jjiheṯ nni.

Matta 11:5

iḍarɣaȓen twaȓan, izeḥḥafen gguren, yinni iy ḏi iǧa jḏam genfan, iḏehcuren tesȓan, yinni immuṯen tnekkaren-d, ȓmusakin twabeccaren.

Marqus 1:14

Wami ḥebbsen Yaḥya, yuyur Ƹisa iruḥ ɣar ṯmurṯ n Ljalil itbeccar ḏinni s Lʼinjil n Arebbi.

Marqus 6:56

Mani ma yuḏef ɣar ibilajen niɣ ɣar ṯneddam niɣ ɣar ȓkampawaṯ, iwḏan srusan imehȓac ḏi ȓeswaq. Tettaren-as aṯen ijj aḏ ḥaḏan ɣir ṭṭarf n warruḍ nnes. Ṣafi marra yinni ṯ iḥaḏan genfan.

Marqus 6:6

Itƹejjeb ȓaḥeqqac lʼiman nsen ḏ uqlil. Ssenni iggur iseȓmaḏ zi dcar ɣar dcar iy ṯ yuḏsen ḏinni.

Luqa 13:22

Ikka Ƹisa x ibilajen ḏ ȓedcuraṯ, iseȓmaḏ iggur ɣar ṯendint n Lquds.

Ȓexḏayem 2:22

Ay iryazen n Ayṯ-Israʼil, ṣennṭeṯ i min ḏawem ɣa iniɣ. Ƹisa-ya zi Naṣira min iƹna netta? Netta ḏ ijjen n uryaz itwaḍhar-d zi Arebbi i kenniw s lmuƹjizaṯ ḏ lburhanaṯ ḏ lƹalamaṯ ig igga Arebbi x ufus n Ƹisa jarawem mammec ṯessnem.