Matta 9:15 - Ṯarifiṯ 2020

¹⁵ Inna-asen Ƹisa: "Imeddukaȓ n muȓay, ma zemmaren aḏ xeyyqen ḏi nhar nni n ȓfarḥ nnes? Lla, walakin aḏ d asen wussan aḏ imeysi muȓay zi ȓwesṭ nsen. Ȓexddenni aḏ ẓummen!

Matta 9:15 ပူးပေါင်းရင်းမြစ်များ

Matta 9:14

Ṯumma qarrben-d imeḥḍaren n Yaḥya ɣar Ƹisa nnan-as: "Mayemmi neccin ḏ ȓḥizeb n ifarrisiyen ȓebda netẓumma, imeḥḍaren nnec war tẓummin ca?"

Matta 9:16

War iǧi ḥadd itreqqaƹ arruḍ ḏ ȓbaȓi s yijjen n ṯreqqiƹṯ n ttub ḏ jḏiḏ, mayemmi? Ȓaḥeqqac ṯareqqiƹṯ nni n jḏiḏ aḏ tnejmeƹ uca aḏ twakkes zeg warruḍ nni n ȓbaȓi. Ȓexddenni aḏ iqqim ucarrig imɣar!

Marqus 2:19

Inna-asen Ƹisa: "Imeddukaȓ n muȓay, ma zemmaren aḏ ẓummen ḏi nhar nni n ȓfarḥ nnes? Lla, xmi itiȓi muȓay akiḏsen war zemmaren aḏ ẓummen.

Marqus 2:20

Walakin aḏ d asen wussan aḏ imeysi muȓay zi ȓwesṭ nsen, ȓexddenni aḏ ẓummen ḏi nhar nni.

Luqa 17:22

Inna-asen i imeḥḍaren nnes: "Aḏ d asent ȓiyyam aḏaysent ṯrezzum aḏ teẓrem ijjen n nhar zi nhuraṯ n Mmis n bnaḏem walakin war ṯ tẓerrem ca.

Luqa 5:34

Inna-asen Ƹisa: "Kenniw ma tejjem imeddukaȓ n muȓay aḏ ẓummen ḏi ȓfarḥ nnes?"

Luqa 5:35

Inna-asen: "Lla, walakin ƹaḏ aḏ d asen wussan aḏ imeysi muȓay zi ȓwesṭ nsen, ȓexddenni aḏ ẓummen ḏeg wussan nni."

Yuḥanna 16:6

Wami ḏawem nniɣ manaya, uȓawen nwem ḏaysen ȓeḥȓiq aṭṭas.

Yuḥanna 3:29

Wenni ɣar ṯeǧa ṯsȓiṯ, netta ḏ muȓay. Awzir n muȓay iƹni wenni itbeddan zzaṯes itsȓa-yas, netta ifarreḥ aṭṭas i wawaȓ n muȓay. Ammu uȓa ḏ nec farḥeɣ aṭṭas.

Ȓexḏayem 14:23

Bulus ḏ Barnaba ixḍaren imeqqranen ḏi mkuȓ jmaƹeṯ n ȓmuminin ȓexddenni ẓẓuǧen, ẓummen, jjin-ṯen ḏeg ufus n Siḏi Arebbi iy zi umnen.

1 Ayṯ-Kurinṯ 7:5

Itxeṣṣa war ṯqeṭṭƹem ca x wayawya illa meȓa ṯtafqem ak wayawya ijjen n lmudda waha ḥima aḏ tucem ȓweqṯ nni i ṯẓaǧiṯ nwem. Menbaƹd aḏ tmunem ḥima war kenniw itɣarri ca Cciṭan ȓaḥeqqac ataf war ṯzemmarem ca aḏ tḥekmem mliḥ x ccehweṯ nwem.

2 Ayṯ-Kurinṯ 11:27

Xeddmeɣ, ccaṯeɣ tamara, tnuseɣ aṭṭas n ǧiyaȓi bȓa iḍeṣ. Fuḏeɣ ǧuzeɣ, qqimeɣ aṭṭas n ṯwaȓaṯin bȓa lmakla. Ṯneqq-ayi ṯesmeḍ arruḍ inu ḏ uqlil.

Lwaḥi 19:9

Inna-ayi lmalak wenni: "Ari manaya: Ssaƹḏ n yinni itwaƹarḍen ɣar umensi n ȓfarḥ n Yizmar!" Inna-ayi ƹaweḏ: "Awaȓen-a ǧan ḏ ṣṣaḥ zi Arebbi."

Lwaḥi 21:2

Ẓriɣ ṯandint iqeddsen nettaṯ ḏ Lquds ḏ jḏiḏ. Ṯehwa-d zeg ujenna zi Arebbi ṯegga am ṯsȓiṯ ṯeƹḏeȓ ixef nnes bac aḏ teȓqa muȓay.