Matta 8:16 - Ṯarifiṯ 2020

¹⁶ Wami ṯeɣȓi ṯfuct ɣar ṯmeddiṯ, uwin-d ɣar Ƹisa aṭṭas n yinni ḏi ǧan jnun. S lʼamar nnes isufuɣ zzaysen jnun isgenfa marra yinni iheȓcen.

Matta 8:16 ပူးပေါင်းရင်းမြစ်များ

Matta 12:22

Ssenni can yiwḏan uwin-as-d i Ƹisa ijjen n uryaz ḏ aḍarɣaȓ ḏ azeynun ḏayes jjenn. Isgenfa-ṯ Ƹisa ḥima aḏ issiweȓ aḏ itwaȓa.

Matta 14:14

Wami d iḍra Ƹisa zi ṯɣarrabut yufa qaƹ anect nni n yiwḏan, qqsen-as isgenfa imehȓac nsen.

Matta 8:15

Ɣir iḥaḏa-t s ufus ṯruḥ xas ṯmessi, ṯekkar ṯebḏa tsexxar xas.

Matta 8:33

Yinni yarewsen arewȓen ruḥen ɣar ubilaj, sufɣen ȓexbar ḏinni x marra min iweqƹen ḏ min iweqƹen i yiwḏan nni ḏi ǧan jnun.

Matta 9:2

Ḏinni can yiwḏan uwin-d ɣares ijjen n uryaz mmuṯen-as iḍaren, izzeȓ ḏi ṯassuṯ nnes. Wami Ƹisa iẓra lʼiman iy ḏaysen inna-as i unecruf nni: "War teggweḏ ca a mmi, qa twaɣfarent-ac ȓmuƹṣiyaṯ nnec."

Marqus 2:3

Usin-d can yiwḏan uwin-as-d ijjen n uryaz mmuṯen-as iḍaren, ysin-ṯ arbeƹa iḏsen x ṯassuṯ nnes.

Marqus 5:8

Inna manaya minzi Ƹisa tuɣa inna-as: "A jjenn aƹeffan ffeɣ zeg uryaz-a!"

Marqus 9:25

Wami yufa Ƹisa ȓɣaci ḏeɣya munen-d xas, isbedd jjenn nni aƹeffan inna-as: "A jjenn azeynun a jjenn aḏehcur, tamareɣ cek ffeɣ zzayes war ḏayes taḏaf ca ƹemmarṣ ƹaweḏ!"

Luqa 13:12

Wami t iẓra Ƹisa iȓaɣa-d xas inna-as: "A ṯamɣarṯ, cem ȓexxu ṯenfekkeḏ zi ȓehȓac nnem."

Luqa 4:40

Wami ṯeɣȓi ṯfuct ɣar ṯmeddiṯ, iwḏan uwin ɣar Ƹisa imehȓac nsen kuȓ ijjen mamec igga ȓehȓac nnes. Mkuȓ ijjen zzaysen isrusa xas fus nnes isgenfa-ṯ.

Luqa 4:41

Zeg waṭṭas n yiwḏan ƹaweḏ teffɣen jnun snekkaren ṯɣuyyeṯ qqaren-as qa cek ḏ Mmis n Arebbi." Walakin netta itzeyyar-iṯen, war ṯen itejji ca aḏ ssiwȓen minzi ssnen netta ḏ Lmasiḥ.

Ȓexḏayem 5:15

Iwḏan sufuɣen-d imehȓac nsen ɣar znaqi, srusan-ṯen x ṯassuṯ ḏ ijarṯiȓen ḥima axmi ssenni d ɣa iƹḏu Buṭrus, imken aḏ iȓqef ȓebƹaḍ zzaysen s ṯiȓi nnes.