Matta 8:11 - Ṯarifiṯ 2020

¹¹ Aqa qqareɣ-awem: Aḏ d asen aṭṭas n yiwḏan zi ccarq ḏ ȓɣarb aḏ qqimen ak Brahim ḏ Isḥaq ḏ Yaƹqub ɣar missa ḏi ȓmulk ujenna.

Matta 8:11 ပူးပေါင်းရင်းမြစ်များ

Matta 21:41

Nnan-as: "Iwḏan nni iƹeffanen aṯen ineɣ, uca aḏ ijj amarjeƹ uḍiȓ i ixemmasen nneɣni iy ḏas ɣa ucen ȓḥaqq nnes uḍiȓ ḏi ȓweqṯ."

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Matta 3:2

Iqqar-asen: "Tubem, aqa yuḏes-d ȓmulk n ujenna."

Matta 8:10

Wami isȓa Ƹisa i manayenni itƹejjeb aṭṭas. Inna-asen i yinni ṯ iḏfaren: "Aqa tesȓam ȓḥaqq: Yinni iǧan zi Ayṯ-Israʼil war ḏaysen ufiɣ bu lʼiman imɣar aṭṭas am wanita!

Luqa 12:37

Ssaƹḏ n ixeddamen nni meȓa yusa-d siḏiṯsen yufi-ṯen ƹaḏ war ṭṭiṣen ca. Aqa tesȓam ȓḥaqq: Aḏ igeffeḍ siḏiṯsen aṯen isɣim, aḏ ibḏa itsexxar xasen.

Luqa 16:22

Ṣafi immuṯ ȓmeskin nni, ysint-ṯ lmalaʼikaṯ sersent-ṯ x ufuḏ n Brahim. Ƹaweḏ immuṯ ttajar nni ysin-ṯ neḍȓen-ṯ.

Ȓexḏayem 10:45

Ȓmuminin zeg Ayṯ-Israʼil iy d yusin ak Buṭrus qqimen tƹejjben wami ufin Arruḥ iqeddsen itwafeyyeḍ uȓa x yinni war iǧin ca ḏ israʼiliyen.

Ȓexḏayem 11:18

Yinni iḥḍaren wami sȓin i wawaȓ-a, sqaren ḥemḏen Arebbi nnan: "Xyar, uȓa ḏ yinni war iǧin ca zi Ayṯ-Israʼil yuca-asen Arebbi ttuba aɣarsen ṯiȓi ṯuḏarṯ!"

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

1 Ayṯ-Kurinṯ 15:20

Fa aqa ȓexxu Lmasiḥ itwasekkar-d zi ȓmewṯ, iƹni netta ḏ ṯafeǧaḥṯ ṯamezwarut iy d ikkaren zeg yinni immuṯen.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

2 Ayṯ-Salunik 1:5

Manaya ḏ ijjen n ddalil belli lḥukem n Arebbi iǧa nican, u s ddalil-a akenniw iḥseb ṯesḏaheǧem ȓmulk nnes iy xef ṯƹeddbem.

Lwaḥi 7:6

ṯenƹacar aȓaf zi Ayṯ-Ƹacur, ṯenƹacar aȓaf zi Ayṯ-Naftali, ṯenƹacar aȓaf zi Ayṯ-Manasi,