Matta 7:25 - Ṯarifiṯ 2020

²⁵ Yuwṯa unẓar, ḥemȓen-d iɣezran, iṣuḍ-d arriḥ ijheḏ iƹḏu x ṯeddarṯ nni. Waxxa amenni war ṯewḍi ca ȓaḥeqqac ṯebna x dsas n uzru.

Matta 7:25 ပူးပေါင်းရင်းမြစ်များ

Matta 16:18

Nec ƹaweḏ aqa qqareɣ-ac: Cek ḏ Buṭrus, iƹni ḏ 'Azru.' X uzru-ya aḏ bniɣ nec jmaƹṯ n ȓmuminin inu, ṯiwwura n Ljaḥim war zzayes tiwint walu!

Matta 7:24

Marra wenni itsȓan i wawaȓ inu ixeddem zzayes, netta am yijjen n bnaḏem ḏ amiɣis ibna ṯaddarṯ nnes x uzru.

Matta 7:26

Marra wenni itsȓan i wawaȓ inu war zzayes ixeddem ca, netta am yijjen n ufɣuȓ ibna ṯaddarṯ nnes x yijḏi.

Matta 7:27

Yuwṯa unẓar, ḥemȓen-d iɣezran, iṣuḍ-d arriḥ ijheḏ iƹḏu x ṯeddarṯ nni. Ȓexddenni ṯewḍa, ṯeqqim ḏ ȓxirbeṯ."

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Ayṯ-Ufasus 3:17

ḥima Lmasiḥ aḏ izḏeɣ ḏeg wuȓawen nwem s lʼiman. Tettareɣ i Arebbi ƹaweḏ aḏ twaẓẓum aḏ tuwṯem mliḥ iẓewran ḏeg ucaȓ n ȓemḥibbeṯ

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

1 Buṭrus 1:5

Ƹlaḥsab lʼiman nwem Arebbi iḥeṭṭa-kenniw s ṯzemmar nnes ɣar yijjen n usenjem ig isewjeḏ netta aṯiḏ ismeḍhar ḏi Nhar aneggaru.

1 Buṭrus 1:7

Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.